Archive | Paris RSS feed for this section

Disney Land Hotel تجربتي لفندق دزني لاند باريس

7 Apr

DSC_0385_3disney land hotel

Disney Land Hotel

قبل سنتين زرنا دزني لاند باريس وسكننا في فندق نيويورك ٤ نجوم

هذا رابط الفندق

قلنا نجرب فندق ثاني هالمرة

واخترنا فندق دزني لاند ٥ نجوم

اكيد اللي زاير حديقة دزني لاند باريس شاف الفندق لانه لازم تمرون تحته للدخول لحديقة دزني

ميزة الفندق انه على مدخل الحديقة مشي دقيقتين فقط

DSC_0722_2disney land hotel

DSC_0251disney land hotel

هذا شكل اللوبي

توقعت ان يكون فيه رسومات لشخصيات دزني او يكون له طابع دزني

لكن الفندق كان شكله ريفي وحاطين جم مجسم لشخصيات دزني فقط

حسيته ماله شغل بدزني لاند الا بعض المجسمات البسيطه باللوبي

DSC_0205disney land hotel

غرفة ديلوكس والسرير حجمه راهي حجم الكوين

وحجم الغرفة معقول واسعه

DSC_0208disney land hotel

DSC_0216disney land hotel

الغرفة مطله على مدخل حديقة دزني

DSC_0219disney land hotel

DSC_0224disney land hotel

DSC_0227disney land hotel

DSC_0234disney land hotel

DSC_0245disney land hotel

عطونا نوتة وقلم لاخذ توقيع الشخصيات

جنه صج عاد 🙂

DSC_0363_3disney land hotel

الميزة بالفندق ان شخصيات دزني تكون موجودة عند مطعم الريوق داخل الفندق

وكل نص ساعه في شخصية اخرى

للتصوير معاها واخذ التوقيع 🙂

الاطفال راح يحبون هذي النقطة

لان في حديقة دزني لاند تلاقي الشخصيات، لكن عليها طااااابور طويل للتصوير معاها

لكن بالفندق بكل سهولة تقابل الشخصيات وماتضيع الوقت عليك بالانتظار

DSC_0454disney land hotel

حتى بلوتو يوقع بعد 🙂

DSC_0098disney land hotel

عادي وانت ماشي بالفندق تلاقي شخصية تطل عليك او ماره بجانبكم

هذي ميزة الفندق ومو متوفره بباقي الفنادق

DSC_0476disney land hotel

بوفية الريوق او الافطار مع سعر الغرفة

البوفيه متنوع فيه البيض وانواع الخبز والكرواسون والمربيات والكورن فليكس

وعصاير واشربة ساخنة

وكاتبين على كل طبق اذا كان فيه خنزير او دجاج او غيره

يسهل علينا الابتعاد عن الاطباق اللي ماتناسبنا

DSC_0462disney land hotel

DSC_0949disney land hotel

DSC_0465disney land hotel

الكرواسون والدونت خياااال

DSC_0469disney land hotel

DSC_0951disney land hotel

DSC_0689disney land hotel

شكل الفندق بالليل

DSC_0820_3disney land hotel

جربنا مرة خدمة الغرف وكان العشاء لذيذ

DSC_0680disney land hotel

كل يوم يحطون لنا طبق ضيافة بغرفتنا

سكننا فيه اسبوع

بس صورت لكم جم طبق

DSC_0339_3disney land hotel

DSC_0242disney land hotel

DSC_0095disney land hotel

DSC_0678disney land hotel

فندق دزني لاند اهو الفندق الوحيد ٥ نجوم من فنادق دزني السبعة

سكننا فيه لمدة اسبوع مريح ونظيف وقريييب عالحديقة

خطوتين ولا احنا داخل الحديقة وهذا مدخل الحديقة تشوفونه بالصوره مباشره تحت الفندق

جربت فندقين من فنادق دزني

هذا الفندق دزني لاند وفندق ثاني اسمه نيويورك

فندق نيويورك ٤ نجوم لكن للامانه ما حسيت بفرق بين الفندقين

الاثنين نفس المستوى تماما يمكن الفرق الوحيد ان فندق دزني لاند يقدمون طبق ضيافة يوميا وان المغسلة في الحمام تكرمون من رخام وقربه من الحديقة

لكن فندق نيويورك يحتاج مشي ١٠ دقايق فقط ومايحتاج سياره

ويعتبر قريب ايضا

وسعر فندق دزني لاند سعر ليلته دبل فندق نيويورك

اعتقد بالمستقبل راح نسكن في فندق نيويورك لان نفس مستوى فندق دزني لاند والسعر ارخص بوااايد وقريب من الحديقة

موقع دزني لحجز الفندق

فندق نيويورك

Paris Tour جولتي في باريس على الباص السياحي

29 Nov

في زيارتي السابقه لدزني لاند باريس

والسكن فيها

خصصنا يوم لزياره معالم باريس

Auber اخذنا القطار من محطه دزني لاند الى محطه اوبير

ونزلنا فيها واخذنا الباص السياحي اللي لف فينا باريس

اول محطه كانت متحف اللوفر المشهور بلوحه الموناليزا

The Louvre

هذا الهرم الزجاجي اهو مدخل المتحف

من داخل الهرم

نزلنا السرداب وكان متروس محلات مختلفه عالم ثاني تحت

لااازم نزور محل ابل في متحف اللوفر

كان المحل صغير وللاسف ماكان عندهم ايفون ٥ مخلصينه الناس

مادخلنا المتحف لان كان زحمه وماعندنا وقت حسافه ماصورت لكم الموناليزا

بس استمتعنا بالمحلات الموجوده

The Arc de Triomphe

قوس النصر

Eiffel Tower

برج ايفل وكان الجو خيالي مطر وبارد

تحت البرج

حجمه مو وايد كبير توقعه اكبر واطول

بعد ماشفنا برج خليفه في دبي خلاااص الباقي مايبهرونا 🙂

LV مجمع ال في 🙂

Fontaines de la Concorde

The Luxor Obelisk

مسله الاقصر اللي كانت بالاصل في مصر

The Seine River

نهر السين

هذي سفينه سياحيه لنهر السين

كانت رخيصه بس ما مدانا نركبها

Notre Dame

كنيسه نوتردام

نفس اللي بفلم احدب نوتردام

داخل نوتردام

كانت جوله سريعه وجميله في باريس

La Vallee Village Outlet اوتليت لافالي في باريس

19 Nov

في زيارتي السابقه لدزني لاند باريس والسكن فيها

مجموعه من الناس مدحت لنا اوتليت باريس

اوتليت لافالي فيليج

وهذا الاوتليت قريب جدا من دزني لاند بالقطار فقط دقيقتين وبعد محطه وحده بعد محطه دزني

 اللي فيها الاوتليت Val D’Europe  اسم محطه القطار

لما وصلنا المحطه بس احتاج ١٠ دقايق مشي الى الاوتليت

اول ماوصلنا الاوتليت رحت لمكتب الاستقبال لاستلام كوبون الخصومات الفي اي بي

فيه كوبونات ١٠٪ خصم على كل محلات الاوتليت

كل اللي سويته عشان اخذ دفتر الخصومات انتي اخذت بروشور للاوتليت من فندق دزني

وقدمته لمكتب الاسقبال وعطوني الخصومات

وايد استفدت منهم في مشترياتي

وهذي محلات الاوتليت ممنوع التصوير لكن صورت عشان انقل لكم تجربتي وتاخذون فكره عن شكل المكان

كان الجو عجيب للتسوق بارد ومغيم في شهر ١٠

ويبيعون ايس كريم الورده يشوق

لازم تجربونه اهناك بعد لويه وتعب التسوق

وفي قهاوي ومطاعم ومنطقه العاب للاطفال

الاوتليت يمه مجمع كبير فيه محلات مثل سيفورا واتش اند ام ومطاعم وغيره

تقدرون بيوم واحد تمرون الاوتليت والمجمع للتسوق

محلات اوتليت برشلونه لاروكا فيليج كان بالنسبه لي وااايد افضل من اوتليت لافالي باريس

البضاعه في برشلونه كانت اكثر واحلى من باريس

وهذي لستة المحلات الموجوده باوتليت لافالي فيليج باريس

موقع الاوتليت

Disney’s Stars ‘n’ Cars Parade عروض دزني لاند باريس المباشره بالصور والفيديو

15 Nov

من بعض عروض دزني لاند باريس المباشره

صادفنا عرض السيارات

عندهم اكثر من عرض مباشر باليوم

وعشان ماتطوف اي عرض لازم تدخل موقعهم وتقرا اوقات العروض

انا شخصيا ما قريت لذلك طافوني عروضهم

ما عدا هذا العرض

وهذا عرض ثاني بالمسرح في دزني لاند استوديو

مافي كراسي العقده عالارض

واليهال حدهم مستانسين عالعرض والشخصيات والاغاني

العرض بالفرنسي مافهمنا شي

بس كله اغاني ورقص

خوش عرض لليهال

فقاعات الصابون من فوقنا تنزل

من شخصيات دزني للاطفال انشتاين

الدب ويني بوو

كانت وحده من الشخصيات انفخت على اوراق الشجر

ونثروا عالحضور اوراق شجر عشان نعيش الوضع 🙂

عروض حلوه وغايه في الاتقان في دزني لاند باريس

بنتي حبت المكان وااايد

وهذا فيديو لعرض السيارات لقيته باليوتيوب

يوتيوب

زيارتي لحديقه دزني لاند

الفندق اللي سكننا فيه في دزني باريس

Disney Dreams عرض الالعاب الناريه في دزني لاند باريس

12 Nov

هذا مو عرض جراقيات اول امس 🙂

هذا العرض في دزني لاند باريس

قبل شهر كنت زايرتهم اذا كنتوا متابعين تقاريري السابقه عن دزني باريس

دزني باريس تحتفل هالسنه ٢٠١٢ بمرور ٢٠ عام على افتتاحها

“ومن شهر ابريل ٢٠١٢ ابتدوا بعرض “احلام دزني

Disney Dreams

يوميا عند اقفال الحديقه عالساعه ٨ مساءا يبدا عرض الليزر والالعاب الناريه والنوافير والنيران

مع خلفيه موسيقيه تسرد لنا قصص دزني بجو من الخيال والاحلام

عرض افضل من رااائع حضرته يوميين متتاليين وما مليت منه

اخليكم مع بعض الصور اللي التقطتها للعرض

طبعا كل زوار الحديقه متجمعين عند القلعه في انتظار الحفله وعددهم بالالاف

وماشاء الله مرتبين والكل ماخذ راحته

والاطفال والكبار مالهم حس الكل مندمج 🙂

الالعاب الناريه والنوافير ترقص مع كل نغمه بالموسيقى

والقلعه مسوينها كشاشه للعرض

مدته العرض ٢٠ دقيقه من الانبهاااار

شي خيالي صج عرض احلام دزني

ماعندي فكره اذا راح يستمرون في هذا العرض لكن من شهر ٤ الى يومنا هذا العرض شغال يوميا

هذا فيديو باليوتيوب مصور العرض بالكامل

بامكانكم مشاهدته

بس بالواقع احلى واااايد 🙂

يوتيوب

Buffalo Bill’s Wild West Show عرض الكاوبوي في دزني لاند باريس

11 Nov

في زيارتنا السابقه لدزني

لاحظنا في اول يوم وصلنا للفندق عدد كبير من الناس لابسه كبابيس كاوبوي

سألنا شالسالفه قالوا في عرض للكاوبوي مع عشاء

على طول حجزنا

في عرضين باليوم والعرض فيه خيول وتراب لذلك ما ينصح للي عنده ربو او مشاكل بالصدر

مده العرض ٩٠ دقيقه

هذي الدخله للعرض في عندهم درجتين للمقاعد ال في اي بي والعادي

اخترنا الفي اي بي بسعر اغلى

طبعا الحجز للعرض يكون قبل فتره من الفندق حجزنا قبل يومين

او من موقع دزني 

ويعطونك كبوس او قبعه الكاوبوي على لون فريقك

مقسمين الحضور الى ٤ افرقه الاحمر والاخضر والازرق والاصفر

احنا كنا ال في اي بي الاحمر

وقائمه العشاء وحده لكن لازم تبلغهم عند الدخول ان تبي القائمه بدون خنزير او اذا تبيها فيجيتيريان خضار

هذي اهي حلبه العرض ومكاننا حلو ثاني سطره

وهذا في بدايه العرض شخصيات دزني

اغلب العرض بالانجليزي في بعض الاحيان يتكلمون فرنسي

يوزعون العشاء على الحضور

وانت تختار مشروبك طبعا اخترنا بيبسي

عرض حلو ومتقن في ركوب الخيل

وهذي اعلام باربعه الوان تمثل كل فريق من الحضور

وهذا الشيبه رئيس الكاوبوي الامريكان

وهذي وحده من الشخصيات يعني فنانه في الرمي

دمها ثقييييل ماحبيتها

وهذا رئيس الهنود الحمر

ماخلوا بقره وثور ومادخلوه داخل الحلبه

عاد تخيلوا الريحه 🙂 ياخووور

بس متعه اكشن 🙂

بعض الاغاني والاستعراضات

العشاء دجاج وبطاط وخضار سوتيه

ومعاه مقبلات وحلو ابل باي بالايس كريم

حده عااادي موذاك الزود

هذا عرقوز او مهرج فريقنا الاحمر

يخلينا نشجع فريقنا عن طريق الطق عالطاوله بايدنا وبالقفاش اقصد الملاعق

بنتي كيفت على الطق عالطاوله وخذت راحتها

عاد تخيلوا ازعاج التشجيع

ويسوي حركات غبيه يضحكنا كان صج دمه خفيف

وقت المسابقات

مسابقه الكره

للاسف ما فاز فريقنا فاز الفريق الازرق بالمسابقات

العرض كان ممتع ومشوق واول مره احضر عرض جذي فيه خيول وثيران وحركات

يسوا سعره

لازم تحضرونه اذا سكنتوا في دزني لاند باريس

لقيت باليوتيوب فيديو مقطع عن العرض

يوتيوب

Disney Village Paris قريه دزني باريس

9 Nov

Disney Village Paris

قريه دزني لاند تعبر المكان الوحيد المجاني في دزني لاند

الدخول مفتوح للكل وتفتح الى اوقات متأخره بالليل

مثلا حديقه دزني تسكر عال٨ مساءا لذلك معظم الناس تطلع من الحديقه وتتجه للقريه لانها تفتح لي بعد منتصف الليل

القرييه فيها سينمات وايماكس وعرض الكاوبوي راح اكتب عنه موضوع

السينمات مامنها فايده لان الافلام مدبلجه بالفرنسي وماكو ترجمه بالانجليزي ما دخلنا لها

وفيها عده محلات لبيع بضاعه دزني

و١٠ مطاعم مثل بلانيت هوليوود ومكدونالدز وكافيه ميكي كاتبه عنه موضوع وغيره

وقهاوي مثل ستاربكس

منطاد ضخم موجود بالقريه

بعض العروض للاطفال

مطاعم برغر وستيكات

عده محلات ضخمه لبيع بضاعه دزني المختلفه من العاب وملابس وازياء تنكريه وغيرها

موضوعي السابق عن واحد من محلات دزني

Planet Hollywood Disney Paris

بعض الاطباق من مطعم بلانيت هوليوود في قريه دزني

نفس الاطباق تلاقونها في بلانيت هوليوود الكويت

Walt Disney Studios Paris استوديو دزني لاند باريس

8 Nov

Walt Disney Studios Paris

استوديو دزني لاند باريس

واحد من حدايق دزني

في هذا الاستوديو الالعاب اللي فيه تناسب الكبار اكثر من الالعاب في حديقه دزني لاند

مثلا هذي اللعبه مصعد او اصنصير الرعب

للاسف ماجربتها لان معاي طفل لكن اهلي اللي جربوها قالوا تخرررع

تلوين وجهه الاطفال طبعا رسمهم عجيب ودقيق

في هذي اللعبه نفس باص يوديك الى استوديوات دزني

وطريقه عملهم الافلام مثلا طريقه التفجير بالافلام والفياضانات

مثلا اهني احرقوا سياره البنزين بالنار

وبعدين افتحوا الماي عالنار وغرقونا بالفيضان 🙂

بعض الاغراض في استوديو التصوير

مطعم راتاتولي

تهقون الفار اهو الطباخ ؟؟ 🙂

المحلات موزعه كل مكان لبيع بضاعه دزني

الصراحه حبيت الاستوديو اكثر من حديقه دزني

كانت الالعاب مناسبه للكبار اكثر

الاستوديو يفتح من ١٠ الصبخ الى الساعه ٦ مساءا

Disney Land Paris زيارتي لحديقه دزني لاند باريس

7 Nov

Disney Land Paris

دزني لاند باريس

قبل شهر تقريبا سكنا في دزني لاند باريس في فندق نيويورك دزني

وكانت التذاكر للحديقه مجانيه من الفندق

دزني لاند باريس فيها ٣ اماكن

Disney Land Park  حديقه دزني لاند

Disney Land Studio Park  استديو دزني

Disney Village  قريه دزني

الحديقه والاستوديو الدخول له لازم تذاكر

لكن القريه الدخول لها مجاني للكل

بهذا الموضوع بتكلم عن حديقه دزني لاند

حديقه دزني فيها العاب تناسب جميع الاعمار من سنتين الى العاب المغامره للكبار

وكل لعبه حاطين عليها العمر المناسب مثلا العاب للعائله والعاب للاطفال والعاب الاثاره للكبار

وحديقه دزني فيها محلات تجاريه لبيع بضايعم ومطاعم وقهاوي

مدخل الحديقه عن طريق الدخول تحت الفندق

هذا الفندق هو فندق دزني لاند في بعض المواقع يكتبون انه ٥ نجوم وبعضهم يكتبون انه ٤ نجوم الصراحه مادري بالضبط

لكن سعره يعتبر ضعف الفندق اللي سكنا فيه نيويورك

هذي السنه دزني لاند باريس تحتفل بعيد ميلادها العشرين

افتتحت في باريس سنه ١٩٩٢

وكل مكان حاطين الرقم ٢٠ على الالعاب والبضايع ومسوين عروض حلوه بهذي المناسبه

اول ماتدخلون الحديقه المحلات موزعه على طول الطريق

محلات ملابس والعاب واكسسورات خاصه بشخصيات دزني

من المحلات

الظاهر الهالوين قريب

كل مكان حاطين هالقرع

من بعض الالعاب اللي بالحديقه قراصنه الكاريبيان

كانت اللعبه ممتعه

التصوير مع الشخصيات

لعبه البيت المسكون

هذي بعض الصور لحديقه دزني لاند باريس

واثناء زيارتكم للحديقه يسوون احتفالات للشخصيات ويمرون عليكم صدفه

الا اذا دخلتوا موقعهم وطلعتوا وقت مرور الشخصيات

وبالليل يسوون عرض العاب ناريه وليزر ونافورات عجييييب راح اكتب عنه موضوع

الصراحه دزني لاند باريس عجييبه استمتعنا فيها الكبار والصغار

وجو باريس روووعه بارد ومطر

وحتى الناس اللي فيها حبوبين

كانت تجربه حلوه واذا حصل لنا لازم نكررها باذن الله

اوقات الدخول للحديقه من ١٠ الصبح الى ٨ بالليل

ملاحظه* بعض الصور من حديقه دزني وبعضهم من استوديو دزني لان الصراحه نسيت وين صورتهم

Disney Store زيارتي لمحل دزني في باريس

3 Nov

في زيارتي لدزني لاند باريس

صورت لكم محل من محلاتهم اللي يبيعون فيه كل شي يخطر على بالكم

على شخصيات دزني

من ملابس لكل الاعمار من مواليد الى كبار

واكسسوارات والعاب واكل وجناط وغيرها

وداخل دزني لاند بين كل خطوه والثانيه حاطين محل لبيع هذي الشغلات

منها الكبير ومنها الكشكات الصغار

وصورت لكم من واحد من اكبر محلاتهم موجود في القريه ذا فيليج

نفس البضاعه تتكرر في محلاتهم لكن بعض المرات تلقون شغلات مختلفه

لذلك دخلوا كل محل لا تطوفونهم

في محل خاص لملابس النساء والرجال حلو لنا بجايم وملابس تريننغ وغيرها

وفي محل فيه ازياء الشخصيات للاطفال

المحل موجود في قريه دزني لاند

Cafe Mickey تجربه العشاء مع شخصيات دزني باريس

2 Nov

Cafe Mickey

كافيه ميكي موجود في دزني لاند باريس

الحلو فيه اثناء العشاء اييون شخصيات دزني ويلعبون مع اليهال ويصورون معاهم

لازم تحجزون لهذا الكافيه قبله بيوم

لكن على حظنا كان في طاولات فاضيه وصلنا في وقت متأخر

وسألونا اذا بس بتطلبون عصير لازم تحجزون

لكن اذا بتطلبون عشاء عادي ندخلكم

الشخصيات دمهم خفيييف وخاصه غوفي يرقص ويلعب ويسوي حركات حلوه للاطفال

وهني مصور مع بنتي

يوقع للمعجبين 🙂

الشخصيات تمر على كل طاوله وتسلم عليهم وتصور معاهم

وتوقع للي يبي توقيعهم 🙂

الكافيه يقدم اطباق مختلفه من سلطات وبرغر وباستا وبيتزا وحلو

ومن الاطباق اللي طلبناها من المنيو

Lilo and Stitch Soup

(شوربه ليلو وستيش (شوربه طماط

اسامي الاطباق كلها على اسامي شخصيات دزني

Simba’s Black Angus Burger

برغر سيمبا

Pluto’s Steak

ستيك بلوتو

باستا طبق الاطفال

شكل المطعم من داخل

كنا اخر ناس نقوم من الطاوله لذلك فاضي المطعم

الاكل كان جيد بس تجربه العشا في كافيه ميكي كانت راااائعه حق بنتي

اول مره اشوفها مستانسه جذي

وكانت مصدقه ان هذا ميكي ماوس او هذا بلوتو يحليلها

اللي عنده اطفال لاااازم يوديهم حق هذا الكافيه راح يعيشون حلم

 موجود هذا الكافيه في قريه دزني لاند تكون القريه خارج حديقه دزني لاند

وتفتح هذي القريه الى اوقات متأخره لي نص الليل واكثر

على عكس الحديقه اللي تسكر عال٨

New York Disney Hotel Paris تجربتي في فندق نيويورك دزني في باريس

1 Nov

في تقاريري السابقه عرضت لكم زيارتي لبرشلونه

وهالمره بكتب لكم زيارتي لباريس وسكننا في دزني لاند

اخذنا طيران داخلي من مطار برشلونه الى المطار الداخلي اورلي في باريس

 الاسباني الرخيص او اللي يسمونه باص جوي Vueling عن طريق طيران

الطيران كان رخيص والاختيار موفق الحمدلله

وصلنا باريس وماشاء الله من حررر برشلونه الى بررررد ومطر باريس

وكان متوفر بالمطار باص دزني لاند يوصل من المطار الى فنادق دزني ال٧

طبعا بسعر ارخص من التكاسي

سعر التذكره ١٩ يورو للشخص

وصلنا الى دزني لاند خلال ٤٥ دقيقه ماحسينا فيهم لان الجو والمناظر عجيبه

Disney’s Hotel New York

وصلنا الى فندقنا نيويورك دزني

واحد من فنادق دزني ال٧ ويعتبر ٤ نجوم

الميزه بالسكن بواحد من فنادق دزني هو القرب من حديقه دزني

والتذاكر للحديقه والاستوديو مجاني لطوال ايام سكنك بالفندق

لوبي الفندق

الممر للغرفه

اخذنا غرفه ديلوكس

السرير الواحد حجمه كبير حق نفر ونص

الحمام تكرمون عادي بس كبير

الصابون الشامبو اللوشن على شكل ميكي ماوس 🙂

المنظر من غرفتنا

بعض المجسمات المعروضه باللوبي ولاحظوا جم اسعارهم

وهذا الممر اللي يودي الى حديقه دزني لاند مشي ١٠ دقايق فقط

 الفندق وايد حلو ومريح ونظييف ومكانه قريب من حديقه دزني

والريوق اللي فيه معقول مو واو لكن فيه الاساسيات

اللي عنده يهال وناوي يروح دزني لاند جم يوم انصحه يسكن بفندق من فنادق دزني لاند

اريح له وايد لدرجه ان اذا احتجنا نريح نرد الفندق نرتاح ساعتين ونرد نروح الحديقه عده مرات باليوم

والفنادق في من ٥ نجوم الى نجمتين على حسب ميزانيه الواحد

موقع دزني لحجز الفندق

صور من عدسه مدونه كيفي في محل ابل الرسمي في برشلونه

16 Oct

Apple Store in Barcelona

Passeig de Gracia street

محل ابل الرسمي في برشلونه تم افتتاحه من فتره بسيطه لا تتعدى الاشهر

ومكانه وااايد حلو ببرشلونه عند ساحه كاتالونيا الشهيره وبجانب شارع الرامبلا السياحي

يعني اللي يزور برشلونه اكيد راح يمر على محل ابل لان مكانه استراتيجي

المحل عباره عن طابقين

وهذي صور للطابق الارضي

وكله طاولات فيهم ايفون ٥ للتجربه

وامامهم ايباد يعرض مواصفات الايفون ٥ ويقارن بينه وبين الايفون ٤ اس

الطابق الاول

المحل ما شاء الله كبير وشرح

وهذي بعض الصور اللي قدرت التقطها

لان ممنوع التصوير داخل المحل !!

والدليل اليد بالصوره الاخيره يايه تهاجمني ممنووووع 🙂

كنت ناويه اخذ لي ايفون ٥ واييب للاهل اللي وصوني لكن للاسف ماعندهم ولا ايفون غير مقفول

بس المتوفر ايفون ٥ مع العقد من عندهم وطبعا مقفول مايفيدنا في الكويت

قلت اجرب حظي في فرع ابل في باريس داخل اللوفر

لكن باريس فرع اللوفر بعد مخلص من عندهم بس المتوفر المقفول !!

ما شاء الله مخلصين الايفونات في اوروبا

ماكو الا انطر لما تنزل الاسعار واخذ لي من الكويت 🙂 او اطلب اونلاين

عدت من اجازتي القصيره انتظروا تقاريري عن السفره :)

14 Oct

صار لي فتره ما كتبت مواضيع في المدونه بسبب سفري خارج الكويت

سافرت الى اسبانيا وفرنسا

انتظروا تقاريري عن شارع الرامبلا في اسبانيا والجوله في ملعب الكامب نو في برشلونه

وبعض الصور عن معالم برشلونه التاريخيه واوتليت لاروكا فيليج في اسبانيا

اما عن فرنسا انتظروا تقارير دزني لاند باريس والعروض اللي حضرناهم اهناك

وصور عن الاوتليت لا فالي فيليج في باريس

وبعض معالم فرنسا مثل برج ايفيل واللوفر وقوس النصر

🙂

%d bloggers like this: