Archive | sweets RSS feed for this section

Yamanote مخبز يامانوتي الياباني في دبي مول

16 Nov

DSC_0537yamanote

DSC_0523yamanote

مخبز يامانوت او يامانوتي الياباني في دبي

اهو مخبز فتح اول فرع له بالامارات والشيف ياباني

يقدمون المعجنات والمخبوزات الاوروبيه بلمسه يابانيه

سمعت عنه من الاهل وقلت لازم اجرب منه

طريقته يعرضون لكم الاكل وانتوا تاخذون الصينيه وتاخذون القطع اللي حابينها بنفسكم

وعقب تعطون الغرسون الصينيه عشان يسخن لكم اللي اخترتوه ويقدمونه لكم بصحون

فكرته مثل بريد توك تقريبا لكن نوعيه واصناف الخبز اللي مقدم غير

DSC_0531yamanote

جربنا الدونات بالشكر وهذي الثانيه بالكاكاو

كانت الدونات وااايد لذيذه

بس اللي فيها كاكاو كانت ماصخه تحتاج كاكاو زياده

DSC_0535yamanote

فرنش توست بالسكر البودر

جيده لكن مو الافضل عندهم

DSC_0539yamanote

صمونه البلاليط كان ودي اجربها

بس كنا مخلين مجال للغدا 🙂

DSC_0547yamanote

الفكره وايد حلوه في عرض الصمون

بس عيبه كان الذبان يطير عالخبز والمعجنات كان يضايق

يبيله يسكرونه او يغطونه

DSC_0544yamanote

الاشكال تشووووق يبيله زياره ثانيه لتجربه باقي الشغلات

DSC_0542yamanote

DSC_0551yamanote

ايس تي لاتيه كان غير موفق للاسف

DSC_0529yamanote

اول مره اكل من مخبز ياباني

كانت تجربه حلوة وشغلهم ترف وعندهم افكار وايد من الصمون والمعجنات

اللي داخلها بلاليط او نودلز او كاري

والكرواسون بانواعه

عندهم ٣ فروع في دبي

وانا جربت اللي موجود في دبي مول بالسرداب تحت صوب الشلال

www.yamanoteatelier.com

مركز سلطان يطلق خدمة البوفيهات للمناسبات

29 Oct

DSC_7139tsc

DSC_7078tsc

DSC_7193tsc

مركز سلطان ارسل لنا دعوه لحضور حفل اطلاق بوفيهات للحفلات والمناسبات

في مجمع المطاعم التابعه له في ممشى المارينا

الحفل كان شامل لكل مطاعمه ال٩ وقدموا لنا اطباق متنوعه لكل مطعم

هذي هي المطاعم

DSC_7087tsc

مقرمشة

مطعم شاورما وصاج

DSC_7090tsc

DSC_7098tsc

DSC_7174tsc

واك هاي Wok Hay

مطعم صيني اسيوي

وجربت منهم ربيان السويت اند سور كان جدا لذيييذ

DSC_7180tsc

DSC_7103tsc

Wasabi Izakaya

واسابي ازاكايا مطعم ياباني

كنت مجربتهم قبل اسبوع وكتبت عنه في هذا البوست بالرابط

DSC_7184tsc

DSC_7117tsc

Butcher’s Den

مطعم ستيكات ومشويات امريكية

DSC_7121tsc

DSC_7122tsc

DSC_7107tsc

Pickles

مطعم بيكلز للبرغر الامريكي والبطاط

الصمون البن عندهم ترررف خيالي بس ماحبيت نكهه البرغر كانت متروسه بهارات ومضيع طعم اللحم

DSC_7129tsc

DSC_7130tsc

DSC_7133tsc

Pizzeta

مطعم ايطالي شغل باستا وبيتزا

DSC_7135tsc

DSC_7145tsc

DSC_7168tsc

Prime and Toast

برايم اند توست متخصص بأطباق الريوق والبيض

كنت كاتبه زيارتي له بالسابق في هذا الرابط

DSC_7150tsc

مطعم ابو السيد

مطعم متخصص بالاكل المصري

DSC_7154tsc

DSC_7157tsc

الكشري مالهم كان خياااال

DSC_7160tsc

Jeans Grill

مطعم متخصص بالبوفيهات العالميه والمحليه

DSC_7162tsc

DSC_7163tsc

DSC_7164tsc

كانت تجربه لذيذه ومتنوعه

وهذي فكره عن ستيشناتهم ممكن تطلبونهم بالبيت يطبخون جدامكم

كل الشكر عالدعوة الكريمة

DSC_7166tsc

Mamas Kitchen كيكة اللوتس من ماماز كتشن

25 Oct

DSC_0550lotus

DSC_0570lotus

ماماز كتشن طرشت نقصه للوالدة

كيكه اللوتس الجديدة من مطبخهم

الكيكه حجمها كبير ومرتفعه وااايد

DSC_0563lotus

DSC_0562lotus

طبقات الكيك كانت صاكه شوي من بروده الثلاجة كنت حاطتها ليله

حطيت قطعه منها ثواني بالمايكرويف لما طرت شوي

صاارت ترررفه وخياااال

طبقات كيك وبينهم الفروستنغ وكريمه اللوتس

الفروستنغ كان وااايد حالي يعني سويت بزياده

انا عن نفسي احب الشكر الزايد لكن بعض الاهل ما حبوا حلاوتها الزايده

انصح فيها للي يحب الكيك السويت واايد لذيذه 🙂

وشكلها حلو وايد للتقديم

DSC_0573lotus

DSC_0577lotus

DSC_0558lotus

كل الشكر عالكيكه اللذيذه ماماز كتشن

حسابهم الانستغرام

mamaskitchen_kw

وهذا رقمهم للطلب

94444911

DSC_0601lotus

Wasabi المنيو الجديد في مطعم واسابي للاكل الياباني

24 Oct

DSC_6674wasabi

DSC_6682wasabi

وصلتني دعوة كريمة من مطعم واسابي

التابع لشركة مركز سلطان

المطعم صار له سنين موجود بالكويت لكن للامانه ما جربته ولا مره

وهذي كانت اول تجربه لي عنده

DSC_6699wasabi

Seafood Creamy Soup

بدينا بشوربة كريمة الاكل البحري

وااايد لذيذه الشوربه نكهه الكريمه لذييذه والربيان لذيذ

بس الدمبلينغ اللي فيها ماحبينا طعمه كان فيه زفره بالمستقبل اكيد بطلبها بدون الدمبلينغ

DSC_6713wasabi

Raspberry & Baby Spinach With Four Spices Vinaigrete

سلطه السبانخ بالتوت

خفيفه وهليثي لربع الرجيم ما يازتلي وايد لاني افضل الصلصات الدسمه

DSC_6736wasabi

Crispy Crab Salad

سلطه القباقب الكرسبي كان واااايد لذيييذه عجييبه

الخضار فريش والقباقب مقليه كرسبي والصلصه لذيذه انصح فيها

DSC_6763wasabi

Rock Spicy Shrimp

الربيان هذا كان كرسبي بشكل خيااالي القرمشه رهيبه

وسبايسي حااار لازم تجربونه ربع الربيان انصح فيه

DSC_6753wasabi

Combo Furai

تشكيله مقالي للمقبلات كانت جيده مع التغمسيات

ربيان وقباقب وسبرنغ رول

DSC_6773wasabi

Yawata Beef Maki

دايما بالمطاعم اليابانيه اطلب رولات النيغيماياكي رولات لحم وداخلها بصل اخضر

لكن بمطعم واسابي شفت هذي الرولات نفس الفكره بس داخلها خضار مشكله

كان لذيذ واايد بس اللحم يابس شوي بس النكهه لذيذه

DSC_6765wasabi

Crispy Crab Rolls

طلبت هالماكي اللي بدون ورقه النوري (ورقه الطحالب البحريه السودا) شخصيا ماحبها لان فيها زفره

فكانت هذي الرولات فيها عيش وقباقب وربيان

كانت جيده

DSC_6795wasabi

Beef Teppenyaki

لذيذ هالطبق اللحم ترف وجوسي

DSC_6786wasabi

DSC_6804wasabi

Tempura Vanilla Ice Cream

ايس كريم مقلي وعليه رقائق كرسبي وصلصه التوت

كان حلو الطبق وخفيف

DSC_6817wasabi

Snow Flakes Brownies

البراوني عندهم عجيييب فيه قطع كاكاو ابيض وترررف

لاتطوفكم ربع الكاكاو

كانت تجربه لذيذه في مطعم واسابي بعض الاطباق حبيناها وااايد وبعض الاطباق ماكانت على ذوقنا

في اطباق ممكن نرد نزوره لطلبها مره ثانيه من لذتها

عندهم ٤ فروع بالكويت البدع والمهبوله والافينيوز والمارينا ووك

 22253112/3  وخدمه توصيل

كل الشكر واسابي وشركة مركز سلطان عالدعوة

DSC_6820wasabi

شيزكيك الكنافه من كافيه حليب وهيل

14 Oct

DSC_0529cheesecake

DSC_0544cheesecake

كافيه حليب وهيل منزلين مجموعه جديده من الكيك للزوارات

طرشولي شيزكيك الكنافه

خوش شيزكيك الصراحة حجمها وسط تكفي ٨ اشخاص

والطبقه العلوية شعريه مع سكر كرانشي ولذيذه

DSC_0535cheesecake

DSC_0539cheesecake

DSC_0543cheesecake

هذا تلفونهم لطلبات الكيك للمنازل

25721749

haleeboheil

كل الشكر عالشيزكيك اللذيذه

Cookie Dough علبة الكوكيز من كافيه كوكي دوف

14 Oct

DSC_0513cookie dough

DSC_0504cookie dough

كوكي دوف اهو كافيه متخصص بالكوكيز

ارسل لي علبه كوكيز بنكهات مختلفة

افضل نوع بالنسبة لي طبعا الكندر احب اي شي فيه كندر

دخلت حسابهم الانستغرام وماشالله عندهم اطباق حلو متنوعه بالكافيه

ممكن تختار مكونات الكوكيز الخاصه فيه ويسوونها مخصوصه لك جدامك

وعندهم مولتن وبان كيك

مكانهم في سيمفوني مول بالسالمية

25770718

96644875

cookiedoughq8

DSC_0506cookie dough

DSC_0510cookie dough

كل الشكر عالكوكيز

Eats مطعم ايتس الامريكي في المهبولة

22 Sep

DSC_0546eats

DSC_0506eats

مطعم ايتس من المطاعم الكويتية الشبابيه الجديده بالساحة

المطعم في المهبولة ضيعنا شوي بس الغوغل ماب مايقصر معانا وصلنا لعنده

دعونا اصحاب المطعم لتجربته ونقل تجربتنا لكم

المطعم امريكي شغل برغر وعندهم جم نوع باستا

المطعم صغير في داخله حوالي ٦ طاولات

DSC_0522eats

بدينا بالمقبلات جربنا كل الانواع بالمنيو

ربيان ودياي كانت تشكيلة لذيذة ومتنوعه تناسب كل الاذواق من حلو ومالح وسبايسي وبارد

DSC_0508eats

اجنحه الدجاج

DSC_0509eats

دجاج بافلو سبايسي

DSC_0512eats

ربيان بالعسل

DSC_0517eats

اصابع دجاج مقرمش

DSC_0521eats

الربيان الاسيوي

DSC_0530eats

Mad Fries

بطاط مع جبن وبيكون بقري وفلفل طبق لذيذ

DSC_0525eats

Mac n Cheese

كانت جيدة

DSC_0529eats

DSC_0532eats

Texan Burger

DSC_0536eats

Eats Burger

برغر ايتس الكلاسيك كانت لذيذه

اللحم انجوس ونكته وايد حلوة

والبن يستخدمون البوتيتو بن

DSC_0546eats

Black Magic

برغر بلاك ماجيك لون البن اسود وطعمها مثل اي صمونه بس لون

جدا ترررفه تذوووب

والمكونات بصل مكرمل مع فقع وجبن جوسيييه

كانت الذ برغر بالمطعم

شي لذيذ

DSC_0548eats

DSC_0550eats

وختمناها بكيكه القرع مع الكراميل المملح والايس كريم

صج صغيره بالحجم بس لذيييذه ماتصلح للمشاركه انصح كل واحد يطلب له وحده حقه بروحه 🙂

بداية قويه للمطعم الديكور بسيط ومودرن ويفتح النفس

واطباق البرغر لذيذه جدا

انصح فيه اذا كنتوا قراب من المهبوله

حاليا في الافتتاح التجريبي فاتحين من ٥ العصر الى ١ بالليل

66133006

وهذا موقعهم عالغوغل ماب

goo.gl/maps/9iazU

eatskw

كل الشكر عالدعوة والاكل اللذيذ

5 Stripes علبة السناك من الكورن فليكس العضوي من

22 Sep

DSC_05565stripes

فايف ستريبس كنت كاتبه عنهم قبل فتره

اهم موقع متخصص بالكورن فليكس العضوي

متوفر عندهم اكثر من ٦٠ مكون عضوي صحي تقدر تختار منهم وتصنع خلطه الكورن فليكس الخاصه فيك اللي تناسب ذوقك

كلها بخطوات بسيطه بموقعهم

منزلين الحين علبه السناك فيها ٦ خلطات للسيريال او الحبوب او الكورن فليكس

DSC_05585stripes

العلبه حلوه للي محتار شنو يختار

ممكن يطلبها ويجرب اكثر من خلطه

وياخذ فكره عن مكوناتهم وطعمها شنو يفضله وممكن بعدين تخلط لك بالمستقبل على ذوقك

DSC_05605stripes

الغرانولا والفاكهه المجففه

DSC_05625stripes

كينوا بف وايد لذيذه وخفيفه

DSC_05775stripes

الفاكهه المجففه عندهم لذيذه غير فيها طعم واضح خاصه التوت المجفف لذيذ

DSC_05735stripes

وطرشولي خلطه السينامون بالتفاح المجفف

جني اكل ابل باي 🙂

خوش موقع بفكرته وبتفيذة وبفايدته

هذا موقعهم للي حاب يطلب له تشكيله حبوب صحيه ولذيذه للريوق ويغير عن كورن فليكس الجمعيات

www.5stripes.com

وهذا بوستي السابق عنهم وعن نكهات اخرى

5 Stripes اصنع الكورن فليكس الاورغانيك الخاص فيك

كل الشكر عالنقصه الحلوة

AlMayass مطعم المياس اللبناني الارمني بالبدع

20 Sep

DSC_6546almayass

DSC_6535almayass

مطعم المياس مطعم لبناني ارمني

بزيارتي للمطعم جربت الاطباق الارمنية اللي فيها طريقتهم الخاصة بتحضير الطبق

مكان المطعم في البدع القعدة جدا راقية

زرت المطعم من فتره طويله والى الان الاكل ما شاء الله الاكل مميز ولذيذ

DSC_6570almayass

بدينا بالمقبلات كالعادة بالمطاعم اللبنانية نحب مقبلاتهم وايد

ولازم نشكل من كل نوع طبق ويصير مشاركة بالاطباق

DSC_6563almayass

سلطة الفتوش وايد لذيذه مع صلصتهم الحااامضة

DSC_6552almayass

بطاطا حرة

DSC_6579almayass

متبل المياس

معاه شمندر مطحون وااايد لذيذ خاصه للي يحب الشمندر

 DSC_6568almayass

حمص المياس معاه شويه فلفل سبايسي

DSC_6554almayass

ورق عنب

DSC_6549almayass

باذنجان باللبن

صلصه اللبن او الروب لذيييذه وحامضة

والباذنجان محشي بالعيش او الرز

عجييب هالطبق

DSC_6562almayass

سجق بالطماط

DSC_6573almayass

شيش برك

اهو عجين محشي باللحم مع صلصه الروب

واايد لذيييذ وناااطع

DSC_6578almayass

DSC_6592almayass

كباب بالكرز

متميزين فيه المطعم اذكر اول مطعم جربت فيه الكباب بالكرز من سنين ويظل افضل مطعم يقدمه

وايد لذيذ حامض حلو مالح مكس عجيييب

DSC_6585almayass

شيش طاووق

DSC_6601almayass

اخر شي ختمناها بالعثملية ومغطية بشعر البنات

الشكل واااو وطعمها لذييذ

DSC_6611almayass

DSC_6618almayass

DSC_6538almayass

لازم بكل مطعم لبناني نطلب جلاب وليمون بالنعناع

اللي وده بأكل ارمني نااطع ولذيذ انصحه فيه

اشكر مطعم المياس عالدعوة وعالاكل اللذييذ

مكان المطعم في البدع خلف فندق الرمال

تلفونهم

25761001 / 2

99994612

instagram: almayasskw

www.almayasskw.com

The Meat Co المنيو الجديد لمطعم ميت كو في مجمع ٣٦٠

16 Sep

DSC_0547meat co

مطعم ذا ميت كوالموجود في مجمع ٣٦٠

دعاني لتجربة المنيو الجديد بالمطعم

المطعم غير ديكوراته وجدده

وغير الستاف بالكامل وغير المنيو

واضاف اطباق جديده وقائمة مشروبات جديدة

وكان ايفينت الافتتاح سامبلز للاطباق

عينات صغيره كانابيه – او كبر اللقمة لتجربه اكثر من نوع

DSC_0528meat co

سلطة برغل

DSC_0531meat co

كون المشروم

DSC_0527meat co

سالمون وقطعه دجاج مقلي

DSC_0537meat co

سباغيتي

DSC_0543meat co

DSC_0544meat co

DSC_0549meat co

DSC_0550meat co

الصراحة ماقدر احكم عالمنيو الجديد هل اهو جديد او لا

لان اللي تقدم لنا بالافتتاح كان نماين وشغلات صغيره

هل بالحجم الاكبر طعمه نفسه؟ او كميته مناسبه ماعندي فكره

ذا ميت كو في مجمع ٣٦٠

www.themeatco.com

مشكورين عالدعوة

Mr K’s Bakery شيزكيك اللوتس

7 Sep

DSC_0018LOTUS

DSC_0007LOTUS

مستر كي بيكري ارسل لي شيزكيك اللوتس لتجربتها

اللوتس من النكهات اللي حاليا صايره هبة بالكويت وقايم سوقها

DSC_0013LOTUS

الشيزكيك حجمها صغير حلوه حق يمعه صغيره

الجبن كان ترف وكمية اللوتس معقوله لا زياده ولا شويه

والطعم ككل كان لذيييذ

والشيزكيك كانت وااايد خفيفه

DSC_0040LOTUS

هذا حسابهم الانستغرام

mr_ks_bakerykw

وتقدرون تطلبون على رقمهم وعندهم طلبات جاهزة بنفس اليوم

90061143

DSC_0033LOTUS

كل الشكر عالشيزكيك الخفيف

Dipndip فرع ديب ان ديب الجديد في ديسكفري

6 Aug

DSC_0481dipndip

وصلتني دعوة من ديب ان ديب لزيارة فرعهم الجديد في مجمع ديسكفري

ديب ان ديب كافيه مشهور لتقديم اطباق الحلو وخاصه بالكاكاو

كاكاوهم لذييذ بلجيكي من الذ الكاكاو اللي ذقته الصراحة

DSC_0426dipndip

ضيفونا بالقهوة العربية

شي اساسي مع الكاكاو يكسر الحلا

DSC_0435dipndip

Strawberry Stick

ستك الفراولة بالكاكاو

الذ فاكهه مع الكاكاو لازم تجربونها

DSC_0446dipndip

DSC_0452dipndip

Waffles

وافل ديب ان ديب مع تشكيله فاكهه

بس مثل ماقلت الفراوله الذ شي مع الكاكاو حبيته اكثر من الموز والاناناس والكيوي

الوافل جدا لذيييذ مستوي وصاير مثل الكيكه طري ومع الكاكاو يصير مو طبيعي 🙂

DSC_0495dipndip

DSC_0486dipndip

chocolate crepe

مشهورين بالكريب ويحطون فيه حشوات

انصح بالساده بدون حشوه او مع مارشملو او بسكوت دايجستف الذ ٣ خيارات

في عندهم نكهات ثانيه بالكوكيز او البراوني او الكرسبي بس مافضلتهم

DSC_0471dipndip

DSC_0439dipndip

Crunchy Ice cream

ايس كريم تحت وفوقه رايس كرسبي كورن فليكس وعليه الكاكاو السايح

من الذ الاطباق عندهم تستمتع بالايس كريم اللي يكسر حلاوه الكاكاو والكورن فليكس المقرمش

DSC_0502dipndip

DSC_0493dipndip

Moca Frabe

موكا بارد وايد لذيييذ طعم القهوه السويت المثلجة

DSC_0505dipndip

اشكر ايونيلا واداره ديب ان ديب عالدعوة

وجهتي اذا اشتهيت كاكاو اصلي من افضل الكافيهات

والخدمة وااايد افضل من السابق سرعه في اخذ الطلب وتقديمه

حاليا بالكويت في ٧ فروع

وفتح في دبي فرعين وعندهم بالعين وفي ابوظبي

وفي قطر وعمان بعد

www.dipndip.com

DSC_0514dipndip

Whoopie نكهات ووبي باي الجديدة للعيد

15 Jul

DSC_0009whoopie

DSC_0003whoopie

DSC_0014whoopie

ووبي باي من المشاريع الكويتية اللي شغلهم جدا لذيذ ومميز

مع هبه فراولة الكاكاو بالكويت

نزلوا لنا ووبي باي بالفراوله والتوت والكاكاااااو شي لذييييذ وخطيييير

المشاريع الثانيه تكون فراولتهم حلوه بالكاكاو لكن مشكلتهم بالكوكيز او الكيكه اللي تحت الفراولة

دايما طعمها للاسف مو حلو وماينوكل اكل الفراوله واقط الكوكيزه

لكن الحين مع ووبي باي

الفراولة والووبي اللي تحتها عجييييييب شي لذيييذ

DSC_0015whoopie

اللي مو مجرب الووبي

اهي جامعه بين الكيك والكوكيز

ترررفه ولذييييذه

DSC_0022whoopie

ووبي التيراميسو

DSC_0044whoopie

ووبي الكاكاو بالفراولة بالكاكاو خياااالية

كاكاوهم طعمه جالكسي او آرو

DSC_0051whoopie

ووبي الريد فلفيت بالتوت والكاكاو

DSC_0018whoopie

ووبي القرع وعليها حبة بيكان وصوص الكراميل

عجيييبه طعمها بالضبط مثل كيكه القرع

وخاتمين عليها عيدكم مبارك للعيد

DSC_0008whoopie

علبه العيد ما شالله مرتبه بالورد الجوري

DSC_0085whoopie

DSC_0089whoopie

DSC_0112whoopie

DSC_0090whoopie

DSC_0081whoopie

DSC_0057whoopie

كل الشكر عالووبي اللذيذ

راح يكون اختياري اذا اشتهيت فراوله بالكاكاو او كيكه القرع

شكله عجيب للتقديم وطعمه فريش ولذيذ

هذا حسابهم الانستغرام

whoopie_q8

وهذا رقمهم للطلب

55500303

DSC_0036whoopie

مواضيع سابقة

Whoopie نكهات ووبي الرمضانيه الجديده

Whoopie تجربتي لحلو ووبي

Dessert Table انواع جيزكيك وحلويات لذيذة من ديزيرت تيبل

7 Jul

DSC_0055desert table

DSC_0100desert table

DSC_0010desert table

ديزيرت تيبل مشروع منزلي للحلويات

متخصص بالجيز كيك بانواعه

طلبوا مني اختار نوع من جيزكيكهم ولما دخلت حسابهم احترت شنو اختار

كل نوع شكله الذ من الثاني

عندهم شيركيك الكندر والكنافه والبيري وكيكه القرع والفستق و و و و

DSC_0047desert table

DSC_0088desert table

Pomegranate Cheesecake

اخترت شيزكيك الرمان

وايد لذيذه الشيزكيك مطبوخه بالفرن افضلها شخصيا عن الشيزكيك الباردة

وطبقه الرمان فوق لذيييذه صايره حامض على سويت كملت النكهه

DSC_0093desert table

DSC_0016desert table

DSC_0024desert table

Marshmallow S’mores

وارسلولي بعد علبه مارشميلو سمورز

خفيييييف ولذييييذ

طبقه بسكوت فيها كاكاو وعليها مربع مارشملو ترررف

ومكرمل محروق من فوق

جدددا لذيييذ

DSC_0061desert table

DSC_0105desert table

الصراحة طعم لذيذ وشكل تقديم راقي وتغليف مميز

حبيت شغلهم وانصح اللي يبي كيك او حلو قهوة يجربهم

the_dessert_table

وهذا رقمهم للطلب

99296278

DSC_0118desert table

كل الشكر عالحلو الرااائع

DSC_0014desert table

نقصة رمضان من كافيه حليب وهيل

4 Jul

DSC_0776haleeb o hail

DSC_0757haleeb o hail

كافيه حليب وهيل ارسل لنا نقصة رمضان

البوكس فيه بسبوسة بالقشطة ودرابيل وخبز رقاق بالزعتر وخبز رقاق بالزعفران

حلو كنقصة للزوارات والعزايم

تقدرون تختارون اي نوع كيك من عندهم وايي معاه الدرابيل والرقاق

DSC_0758haleeb o hail

DSC_0768haleeb o hail

الدرابيل وخبر الرقاق

DSC_0760haleeb o hail

DSC_0766haleeb o hail

DSC_0780haleeb o hail

البسبوسه بالقشطة كانت جيدة

DSC_0781haleeb o hail

DSC_0791haleeb o hail

DSC_0788haleeb o hail

تشكيلة من الرهش بالكاكاو والفستق والبسكوت

DSC_0786haleeb o hail

كل الشكر كافيه حليب وهيل عالنقصة

وهذا رقمهم لطلبات البيكري

25721749

haleeboheil

DSC_0774haleeb o hail

Bake My Day حلويات وموالح للتقديم من محل بيك ماي داي

17 Jun

DSC_0891bake my day

DSC_0958bake my day

محل بيك ماي داي طرش لنا قريش رمضان

اللي ماعنده فكره عن القريش اهو الايام اللي قبل رمضان نحتفل فيها ونتيمع عند الاهل او الاصدقاء لنبارك بالشهر وطبعا بوجود الاكل 🙂

طرشوا لنا تشكيلة من حلوياتهم وموالحهم

ما شاء الله الكميات راهية وتقديمهم مرتتتب ويفتح النفس

DSC_0906bake my day

DSC_0838bake my day

بلح الشام

كرنشي مقرمش ولذييذ

DSC_0901bake my day

DSC_0893bake my day

نوعين من اللقيمات

لقيمات بدبس التمر ولقيمات بالشيرة

طعمهم عجيييب وحتى الوالد اللي ذوقه صعب بالحلو عجبوه اللقيمات وايد

DSC_0913bake my day

DSC_0931bake my day

سندويشات ميني بحشوات متنوعة

كل نوع ألذ من الثاني

جربت التركي والروست بيف والباذنجان كانوا لذيذين

وباقي الاهل جربوا باقي الانواع والكل مدح

DSC_0938bake my day

DSC_0943bake my day

روست بيف وتركي

DSC_0945bake my day

حلوم

DSC_0960bake my day

فلافل وايد ناطعة

DSC_0977bake my day

DSC_0903bake my day

DSC_0922bake my day

بسبوسة الفستق بالقشطة

مادري اهي كيكة او بسبوسة بس طعمها بسبوسة بالنسبة لي

ترررفه وليينه ورطبة مو ناشفة وحجمها كبييير حبيتها وايد

DSC_0923bake my day

DSC_0916bake my day

DSC_0905bake my day

الصراحة كان خوش قريش قبل رمضان مع تشكيله حلوياتهم وموالحهم

وعندهم اطباق ثانية تلاقونها بمحلهم في منطقة شرق تحت عمارة نيشان مقابل برج الحمرا

وعندهم بوث في جمعية الفيحاء

وهذا رقمهم للطلبات

99992725

bmdbakery

DSC_0910bake my day

يعطيكم العافية بيك ماي داي عالحلويات والموالح اللذيذة

معايدة شركة الملا للصيرفة بشهر رمضان الفضيل

15 Jun

DSC_0750almulla

شركة الملا للصيرفة ماقصروا وارسلوا لنا معايدة بشهر رمضان الفضيل

DSC_0753almulla

كل الشكر عالنقصة

www.almullaexchanges.com

قريش مجمع الغوالي

11 Jun

DSC_0790قريش

صالون ليلي اند دي للاظافر دعاني لحضور قريش مجمعهم

قريش الغوالي

القريش مشارك فيه ٥ محلات من مجمع الغوالي

وقدموا لنا الحلو و القهوة وصبغ اظافر مجاني في الصالون

DSC_0798قريش

DSC_0796قريش

DSC_0797قريش

 صالون ليلي اند دي قدم لنا بالقريش نيل بوليش مجاني

ومن اخر الانواع اللي عندهم صبغ الاظافر ماركة نوفا اللي يرووح بالغسل بالماي

@lilyandd

DSC_0774قريش

DSC_0775قريش

DSC_0777قريش

 محل فورجن كوكي فاكتوري للحلويات مشارك بالقريش

fortunecookiefactory

DSC_0806قريش

DSC_0808قريش

محل لولو قيفتس مختص باثواب الصلاة واطقم الاطفال وارواب الاستحمام وغيره

lulugifts

DSC_0781قريش

دار الزين لكفرات الولادة والمفارش

daralzainkw

DSC_0787قريش

DSC_0789قريش

ناين افينيو لتغليف الهدايا والتوزيعات والاكسسوارات

nineavenue

DSC_0799قريش

DSC_0818قريش

حلو التمر وميني ميكس ستيكس من ليا سويت

liya_sweets

DSC_0803قريش

حلو الدملوج من

damloujbakery

DSC_0815قريش

كل الشكر عالدعوة ليلي اند دي

مجمع الغوالي موجود في شرق مقابل مجمع الراية

صينية خشب فاخرة مزخرفه لنقصة رمضان من سمارت ديل

9 Jun

DSC_0794ramadan

DSC_0749ramadan

شركة سمارت ديلز منزلين صواني من الخشب وايد حلوين حق رمضان

والمميز فيها الغطى الشفاف الاكريليك اللي فوقها يطبعون عليه اي جمله حابينها ممكن معايدة للشهر او اسم العايله

عندهم اكثر من ديزاين شفته بحسابهم الانستغرام

الغريبة بالكراميل والدملوج بالجوز لذييذين

DSC_0783ramadan

DSC_0779ramadan

DSC_0776ramadan

DSC_0791ramadan

DSC_0772ramadan

DSC_0771ramadan

DSC_0762ramadan

عندهم توصيل للكويت والخليج

وهذا رقمهم

+965 55622050

وهذا حسابهم الانستغرام عندهم صواني وبوكسات اكثر لرمضان والقرقيعان

smart_deals

DSC_0786ramadan

مشكورين على نقصه رمضان وايد مميزه حبيتها

Society ليلة الجاز كل اربعا في مطعم سوسايتي

4 Jun

DSC_0883society

مطعم سوسايتي ارسل لنا دعوة لحضور ليلة الجاز

اللي راح تتكرر كل اربعا

المطعم في مجمع ليفلز للمطاعم في منطقه المهبولة

DSC_0873society

سلطة سنتافيه كانت جيدة

DSC_0881society

ربيان بصلصة الزبدة بالليمون

وايد لذيذ

DSC_0897society copy

ستيك ريب اي حجمه كبير وجوسي وذاييب

DSC_0905society

لزانيا وايد لذيذة

DSC_0877society

DSC_0914society

كيكة الهوني جيرمان

كانت حلوة لانهاء ليلتنا

المطعم يقدم اطباق متنوعة من سلطات وشوربات وستيكات وبرغر وباستات وبيتزا

يعني يرضي ذوق الكل

موجود في المهبولة في مجمع ليفلز للمطاعم

22207076

@societykwt

كل الشكر عالدعوة

%d bloggers like this: