Tag Archives: لحم

فطور كامل من مطعم رومية الكويتي

16 Jun

DSC_0141رومية

مطعم رومية للاكل الكويتي بالمباركية

طرش لنا الفطور امس ماشاء الله صينيتهم للفطور فيها من كل شي

الطبق الرئيسي برياني دياي وكان لذيذ بالطريقة الهندية معاه الرايتا اللي اهو روب بالخيار

وتشريبة الرقاق كانت نااااطعه حبيتها وايد

والهريس والجريش والقبوط والمرقوق ومعكرونة الدجاج والبلاليط بالبيض

وعقب حلينا بشيزكيك الفيمتو خفييييفه ولذيذه

اكرمكم الله مطعم رومية كانت فطور لذيذ وريحنا من دخله المطبخ

هذا حسابهم الانستغرام

وهم مسوين افطار صائم لشهر رمضان للي حاب يتبرع ويفطر الناس المحتاجة يوصلون لهم الفطور لي عندهم

roomiyahkw

وهذي ارقامهم

22465355

96964983

ورق عنب بالكوسا وريش اللحم من مطبخ ام فراس

24 Oct

DSC_0587ورق عنب

DSC_0592ورق عنب

امس عالفطور عالمغرب جربنا ورق عنب ام فراس كتشن

تنقصت لنا هالورق العنب الناطع ومعاه كوسا محشي وريش لحم

ورق العنب والكوسا كان محشي عيش ولحم مفروم

DSC_0588ورق عنب

DSC_0581ورق عنب

وحبات الورق عنب كانوا صغار نص الصبع وذايبين

وماشالله الجدر كان متروس

والطبخ شامي على اصوله

umfiraskitchen

99814067

99379891

اكرمج الله ام فراس عالاكل الناطع

DSC_0585ورق عنب

DSC_0591ورق عنب

Msayaan تجربتي لمطعم مسيّان بالمباركية للمأكولات الكويتية المعاصرة

12 Nov

DSC_0681مسيان

امس تعشيت في مطعم مسيّان للمأكولات الكويتية

في المباركية

المطعم جديد صار له جم شهر فاتح وعندهم قعده داخلية وخارجية

الجو حاليا واااايد حلو والطاولات الخارجية كانت كلها محجوزه

DSC_0535مسيان

المطعم راقي وديكوراته جميلة

DSC_0530مسيان

DSC_0544مسيان

DSC_0551مسيان

ضيافة المطعم خبز محمش مع قطع طماط بالزيت والزعتر

ونزلوا لنا الاطباق المميزه عندهم بالمطعم

DSC_0575مسيان

سلطة اللحم التايلندية

هذي سلطتي المفضله بأي مطعم تايلندي لازم اطلبها

وتفاجأت انها موجودة بالمنيو لذلك طلبتها على طول

وكان شكلها وطعمها لذيييذ

حامضه سبايسي

DSC_0572مسيان

ربيان خليجي بصلصة الميبل

الربيان سويت حالي سبايسي

كان وااايد لذيذ

DSC_0579مسيان

اجنحة الدجاج بالباربيكيو

سويت زياده عن اللزوم

DSC_0585مسيان

بطاط مسيّان

البطاط فريش مع جبن سايح وصلصتهم الخاصة

عجيييب انصح فيه للمقبلات

DSC_0606مسيان

دجاج بالكاري

كانت نكهته مميزه ولذيذ

بس الدجاج كان ناشف شوي

DSC_0614مسيان

مجبوس اللحم

الهيل والزعفران كان واضح بالعيش النثري مع اللحم الذايب

طبق موفق 🙂

DSC_0563مسيان

بينك ليمونيد وابل تريت من موكتيلات مسيّان

حلوين جربوهم احلى من الازرق اللي تحت

DSC_0635مسيان

DSC_0648مسيان

وختمناها بكوكيز النوتيلا

الاطراف محمشة وبالنص ذايبه كانت حلوة

DSC_0654مسيان

مدام مطعم كويتي لازم دلة القهوة العربية تكون عالطاوله

DSC_0657مسيان

مع السمسمية والغريبة والقرص عقيلي والتمر

DSC_0673مسيان

كان عشا لذيذ وتجربة جديدة حلوة

اطباق كويتية بلمسة معاصرة تغييرعن الطابع الكويتي الشعبي

حجم الاطباق تعتبر صغيره لذلك الطبق الواحد يكفي شخص واحد ماتقدرون تشاركون بالاطباق

والمقبلات بعد كميتها قليله لذلك لازم تطلب اكثر من نوع اذا كنتوا مجموعة

عندهم بعد سندويشات ورابس للي مايبي يتعشى عيوش ومجابيس

وعندهم ريوق

فاتحين من ٨ الصبح لي ١٢ بالليل

مكانهم بالمباركية مقابل مجمع البنوك، المرقاب

22417113/4

وهذا رابط للمنيو الخاص بالمطعم فيه جميع الاطباق بالاسعار

وخريطة موقعهم والانستغرام

كل الشكر عالتجربة الحلوة

Kosebasi تجربتي بمطعم كوشي باشي التركي

23 Oct

DSC_0092kosebasi

Kosebasi

بعد حضورنا لافتتاح كافيه ارغو تي بالجابرية بالبوست السابق

تعشينا في مطعم كوشي باشي التركي

الموجود بنفس مجمع المطعم بالجابرية

وقدموا لنا تشكيلة مقبلات تركية وطبقين رئيسين

DSC_0080kosebasi

DSC_0066kosebasi

التبولة لذيذة جدا

تبولتهم بدون برغل ومع دبس الرمان

وايد الذ من التبوله التقليدية

DSC_0075kosebasi

الصراحة ماعرفت شنو اسمه هالطبق بس كان عادي

DSC_0084kosebasi

الورق عنب عادي جدا

DSC_0089kosebasi

كبة باللحم

الكبة اللبنانية احلى من هذي

DSC_0109kosebasi

DSC_0102kosebasi

الدونر كباب

كان لذيذ جدا

DSC_0095kosebasi

قطع لحم صغيره كانت ترفه ولذيذة

DSC_0054kosebasi

والعصاير الفريش كانت حلوه

المطعم لذيذ خاصه اللحم اللي يقدمونه

عندهم فرعين في الكويت

بمجمع الافينيوز بالغراند افينيوز وبالجابرية

ولهم فروع بجدة والرياض والامارات والبحرين

@kosebasiarabia

www.kosebasi.com

شكرا عالعشاء اللذيذ ولنا زيارات اخرى لكم ان شاء الله

Zeebrgr تجربي لمطعم زي برغر بالبيت

1 Apr

DSC_0580zeebrgr

مطعم زي برغر ارسل لنا مجموعه من اطباقه

لتجربه خدمة توصيلهم

وصل لنا الطلب حااار و التغليف مرتب

ومعاه كل الصلصات والملاعق والشوك البلاستيك

متعودين في خدمة التوصيل بالمطاعم الاخري توصل الصمونه مفقوصه

والصوص على كل الساندويش من بره وتكون مرطبه

لكن مع توصيل زي برغر كان كل شي مرتب والشكل حلو

حتى شوفوا طلعتهم من العلب وصورتهم وشكلهم مغري ومرتب

DSC_0777_2zeebrgr

سلطة زي

حطيت نصف السلطه فقط عالماعون هذا وموجود النص الاخر بالعلبة

السلطه مكوناتها فريش وكرنشي

والصلصة فيها رازبيري وطعمها حامض حلو

السلطه عجيييبه مع الصلصة لازم تطلبون اكسترا صوص

DSC_0830_2zeebrgr

اجنحة البافلو

الاجنحة طعمها سويت وسبايسي وماتشبه طعم البافلو

ممكن اسميها اجنحه السويت شيلي

DSC_0736_2zeebrgr

برغر عيسى

برغر لحم مع مشروم فريش وبصل مكرمل والجبن السايح

كانت لذييييذه الصمونه ترررفه والبرغر جوسيه

انصح فيها

DSC_0670zeebrgr

زي برغر بايتس

ميني برغر مع حلقات بصل وجبن الشيدر

حبيتهم وايد

والبطاط العادي اضفت له الكتشب والمايونيز

DSC_0696zeebrgr

كرسبي شيكن بايتس

قطعتين دجاج مقلي مع جبن شيدر

الدجاج كان ترررف

DSC_0662zeebrgr

زي مشروم فرايز

بطاط مع صلصة المشروم الفريش

لذيذ لمحبي المشروم بس دسم

 الصراحة كان عشاء لذيذ وفاخر بالبيت

والتوصيل ممتاز وصل لنا الاكل حار ومرتب

المطعم حاليا عنده بس خدمة توصيل

هذا رقم خدمة التوصيل

22901070

هذا موقعهم ممكن تطلبون منه بالنت

رابط الطلب

او ممكن عن طريق برنامج طلبات

كل الشكر عالعشاء اللذيذ

@zeebrgr

%d bloggers like this: