Tag Archives: مطعم

Creation Burger مطعم كريشن برغر في اسواق القرين

23 Sep

dsc03123creation-burger

dsc03115creation-burger

مطعم كريشن برغر في اسواق القرين

منزلين منيو جديد وارسلوا لي دعوة لتجربته

المطعم يقدم البرغر الامريكي مع المقبلات والسلطات والحلويات الخيارات عندهم متنوعه والمنيو كبير

زرتهم في اسواق القرين مكانهم مجابل لولو هايبر عند غيت ٢ من ورا صاير

المطعم صغير فيه طاولتين يفضل تاخذون الاكل سفري او ممكن توصيل

dsc03118creation-burger

بدينا بسلطة الكينوا والجرجير والافوكادو مع صلصه دبس الرمان وااايد لذيذه وخفيفه وفريش

dsc03117creation-burger

ربيان الدايناميت بصلصه السيراتشا هوني بافلو وايد لذيذ وحرارته معتدلة

dsc03122creation-burger

كيلير فرايز

بطاط كرسبي وعليه الجبن والصلصات عجيب البطاط صج كيلير

dsc03119creation-burger

dsc03133creation-burger

عندهم تشكيله برغر بالحجم الكبير

بس حبينا نجرب السلايدر عشان نذوق اكثر من نوع

برغر ودياي مقلي ودياي مشوي وبرغر كينوا نباتية

الصمون اللي يستخدمونه بوتيتو بن وااايد ترف ولين خفيييف وفريش

حبينا المشروم برغر وايد لذيذه وخلطتها عجيبه

والدياي المقلي كانت كرنشي وجوسيه

dsc03129creation-burger

dsc03126creation-burger

برغر الكينوا لمحبي الفيجيتيريان

dsc03135creation-burger

dsc03141creation-burger

وختمناها بطبق ساره لوتس

كان الحلو خياااالي خفييييف وفلااافي وبينهم كندر ولوتس ومن فوق الرهش

طبق ناجح لازم تجربونه عندهم

مشكورين عالدعوة وبرافو عالمنيو الجديد وايد لذيذ

مطعم كريشن برغر في اسواق القرين مجابل لولو هايبر عند بوابه ٢

عندهم في موقع طلبات وتوصيل للبيت

Delivery

66613352

22205094

@creationburger

Alounak تجربتي مطعم آلونك في لندن

13 Apr

DSC_0479alounak

 في سفرتي السابقه ل لندن جربنا عدة مطاعم مختلفه

@kaifiiblog وجربنا هذا المطعم بناء على توصيه احد المتابعين بالانستغرام

المطعم يقدم الاكل الايراني اسمه آلونك

موجود قرب محطه بيزواتر

المطعم ديكوراته بسيطه وسعر الاكل فيه معقول

DSC_0455alounak

DSC_0473alounak

متعودين في المطاعم يقدمون لنا الخبز الايراني مجاني مع الوجبه

 لكن في هذا المطعم كل شي لازم تطلبه مافي شي مجاني ولا طبق ضيافة

طلبنا خبزه وحده كانت جيدة

DSC_0466alounak

ماعون كباب كوبيدة الطلب العادي فيه سيخين كباب

فطلبنا سيخ كباب زيادة

كان الطبق وايد لذيذ

DSC_0461alounak

طلبت طبق اليوم كان اسمه زرشت بولو

الصراحه ماعندي فكره بالاكل الايراني غير الكباب قلت اجرب شنو عندهم شي مختلف

وطلع طبق اليوم للاسف اختيار غير موفق

نص دجاجه مسلوقه مثل اللي نسويها للتشريبه مع عيش ابيض بالزرشت

كان الطبق جدا عادي مانصح فيه

DSC_0462alounak

DSC_0456alounak

DSC_0442alounak

اللبن عندهم حجمين الصغير مثل اللي بالصوره يشيل كوبين وفي اكبر

ما انصح باللبن كان حامض بزياده

DSC_0477alounak

مطعم آلونك موجود في لندن بجانب محطة بايز واتر

المطعم بسيط قعدته مو كشخه وطلبوا الاطباق المعتاده مثل الكباب لذيذ

لكن جربت مطعم ايراني اخر بلندن وايد افضل منه راح اكتب عنه قريب

Alounak Persian Cuisine near Bayswater Underground

Msayaan تجربتي لمطعم مسيّان بالمباركية للمأكولات الكويتية المعاصرة

12 Nov

DSC_0681مسيان

امس تعشيت في مطعم مسيّان للمأكولات الكويتية

في المباركية

المطعم جديد صار له جم شهر فاتح وعندهم قعده داخلية وخارجية

الجو حاليا واااايد حلو والطاولات الخارجية كانت كلها محجوزه

DSC_0535مسيان

المطعم راقي وديكوراته جميلة

DSC_0530مسيان

DSC_0544مسيان

DSC_0551مسيان

ضيافة المطعم خبز محمش مع قطع طماط بالزيت والزعتر

ونزلوا لنا الاطباق المميزه عندهم بالمطعم

DSC_0575مسيان

سلطة اللحم التايلندية

هذي سلطتي المفضله بأي مطعم تايلندي لازم اطلبها

وتفاجأت انها موجودة بالمنيو لذلك طلبتها على طول

وكان شكلها وطعمها لذيييذ

حامضه سبايسي

DSC_0572مسيان

ربيان خليجي بصلصة الميبل

الربيان سويت حالي سبايسي

كان وااايد لذيذ

DSC_0579مسيان

اجنحة الدجاج بالباربيكيو

سويت زياده عن اللزوم

DSC_0585مسيان

بطاط مسيّان

البطاط فريش مع جبن سايح وصلصتهم الخاصة

عجيييب انصح فيه للمقبلات

DSC_0606مسيان

دجاج بالكاري

كانت نكهته مميزه ولذيذ

بس الدجاج كان ناشف شوي

DSC_0614مسيان

مجبوس اللحم

الهيل والزعفران كان واضح بالعيش النثري مع اللحم الذايب

طبق موفق 🙂

DSC_0563مسيان

بينك ليمونيد وابل تريت من موكتيلات مسيّان

حلوين جربوهم احلى من الازرق اللي تحت

DSC_0635مسيان

DSC_0648مسيان

وختمناها بكوكيز النوتيلا

الاطراف محمشة وبالنص ذايبه كانت حلوة

DSC_0654مسيان

مدام مطعم كويتي لازم دلة القهوة العربية تكون عالطاوله

DSC_0657مسيان

مع السمسمية والغريبة والقرص عقيلي والتمر

DSC_0673مسيان

كان عشا لذيذ وتجربة جديدة حلوة

اطباق كويتية بلمسة معاصرة تغييرعن الطابع الكويتي الشعبي

حجم الاطباق تعتبر صغيره لذلك الطبق الواحد يكفي شخص واحد ماتقدرون تشاركون بالاطباق

والمقبلات بعد كميتها قليله لذلك لازم تطلب اكثر من نوع اذا كنتوا مجموعة

عندهم بعد سندويشات ورابس للي مايبي يتعشى عيوش ومجابيس

وعندهم ريوق

فاتحين من ٨ الصبح لي ١٢ بالليل

مكانهم بالمباركية مقابل مجمع البنوك، المرقاب

22417113/4

وهذا رابط للمنيو الخاص بالمطعم فيه جميع الاطباق بالاسعار

وخريطة موقعهم والانستغرام

كل الشكر عالتجربة الحلوة

Pai Thai مطعم باي تاي التايلندي في دبي – مدينة جميرا

7 Aug

DSC_1423pai thai

في زيارتي الاخيرة لدبي

في فندق ميناء السلام في مدينة الجميرا

بحثت عن مطعم قريب علينا في موقع تريب ادفايزور

وطلع لي مطعم باي تاي التايلندي وتقارير الناس عنه وايد زينه وترتيبه بين مطاعم دبي عالي

(فحجزنا فيه (اغلب مطاعم الفنادق تحتاج حجز

موجود في فندق القصر اللي بجانبنا في نفس مدينة الجميرا

DSC_0924pai thai

وطريقه الذهاب للمطعم عن طريق القارب او العبرة بالنهر الصناعي لمدينة الجميرا

DSC_1433pai thai

قدموا لنا شبس الربيان كضيافة علما توصل الاطباق

DSC_1441pai thai

المقبلات اللي طلبناها

DSC_1442pai thai

Tom Yam Kung Soup

شوربة التوم يام البحرية السبايسي الحاره

لذيييذه جدا

ودايما اطلبها بأي مطعم اسيوي يوفرها

DSC_1447pai thai

KUNG YANG

ربيان مشوي لذيذ

DSC_1454pai thai

PLHA NUEA MA KHUA PHO

سلطة اللحم المشوي

طلبناها بدون باذنجان

كانت روووووعة

DSC_1460pai thai

DSC_1463pai thai

PHAD THAI KUNG SOD

باد تاي

نودلز التايلندي الشهير مع ربيان

كان من ألذ الباد تاي اللي جربته

جربت اكثر من طبق باد تاي بالكويت الى الان ماذقت مثل هذا بلذته

DSC_1464pai thai

Beef Pepper

لحم بصلصه الفلفل الاسود

كان حلو

DSC_1468pai thai

Vegetable Fried rice

عيش مقلي بالخضار كان لذيذ

DSC_1471pai thai

ولبنتي طلبنا ربيان مفيوح فقط مع نودلز ساده

طبقها المفضل وعطونا اياه مجانا

المطعم لذيذ والخدمة ممتازة وصج يستحق شهادة الامتياز من موقع تريب ادفايزور

كل الاكل حلو ولذيذ ومافيه اي زفره

اللي يحب الاكل الصيني الاسيوي لازم يجربه اذا راح دبي

اسعاره تعتبر غاليه شوي

اعطيه تقيمي الشخصي ١٠ / ١٠

المطعم يفتح للعشاء فقط من ٧ بالليل

Pai Thai AlQasr – Madinat Jumeirah Resorts

رابط لحجز طاوله بالمطعم

رابط لاسعار الاطباق والمنيو

فيديو للمطعم

60s Zone افتتاح مجمع مطاعم جديد بالمباركية

22 Jun

IMG_481760zone copy

60s Zone

امس حضرت افتتاح مجمع المطاعم ٦٠ زون

بالمباركية

ويشمل على ٤ مطاعم مختلفة

مطعم رومية، مطعم وانيت، مطعم ميني مي، مطعم حمزاوي

مطعم رومية يقدم الاكل الكويتي من مجابيس وقبوط وجريش وغيره

مطعم وانيت يقدم الاكلات السعودية مثل البخاري والمندي وغيره

مطعم ميني مي يقدم السندويشات والسلطات الجاهزة للسفري ويقدم البرغر والبطاط

مطعم حمزاوي مافتح امس لكن سمعت انه يقدم الشاورما والصاج والحلويات

DSC_024860zone

DSC_024560zone

DSC_034760zone

ميني مي وسامبل من سندويشاتهم

DSC_033660zone

وانيت للاكل السعودي

ون ايت 🙂

DSC_028760zone

DSC_033060zone

DSC_034260zone

طاولاتهم من الوانيت الاحمر الصجي 🙂

DSC_033560zone

DSC_034160zone

DSC_025060zone

مطعم رومية للاكل الكويتي

المكان شرح ومحوط بالزجاج

ومزين بقطع فينتاج

مثل الكاميرات الفينتاج وعلب الماكنتوش القديمة الاصلية وعلب النيدو للانارات

ومطعم رومية فيه طابقين

DSC_026260zone

DSC_026460zone

DSC_025360zone

DSC_026760zone

DSC_027760zone

DSC_027360zone

DSC_027260zone

DSC_027560zone

DSC_027960zone

المنظر من فوق

DSC_028660zone

DSC_029360zone

DSC_029960zone

DSC_030560zone

DSC_032360zone

DSC_034960zone

DSC_025860zone

قدموا لنا اللبن والفيمتو والماي بقلاصات المعدن

DSC_034460zone

سلطة خيار

DSC_034660zone

سلطة رومية

DSC_035260zone

تشريبة لحم

قدموا لنا الاطباق بمواعين صغيره للتجربة

لكن بالاساس اطباقهم كبيره الحجم الطبيعي

DSC_036260zone

تشريبة لحم ومجبوس لحم

DSC_038960zone

جريش وقبوط ومربين

الاكل نفس طباخ البيت

جنكم ماكلين ببيت جدتكم 🙂

DSC_039060zone

المحلبية لذيييذه وخفيفه

الاضاءة ماتساعد عالتصوير 🙂

DSC_039960zone

جلي احمر

DSC_039460zone

وختمناها بالجاي

DSC_032560zone

٦٠ زون او سلسلة مطاعم رومية

متواجدين في المباركية مقابل مطعم الشمم الجديد اللي كان فيلا مودا سابقا

@60szone

امس كان الافتتاح للبلوقرز والميديا

وان شاء الله الافتتاح الرسمي بعد اسبوعين

كل الشكر عالدعوة والاكل اللذيذ والجو الكويتي القديم

update

صور لاطباق رومية الحالية المقدمة بالمطعم بالرابط

Starbucks قائمة الاكل الجديدة في ستاربكس

9 Jun

DSC_0756starbucks

ستاربكس منزل قائمة أكل جديدة في فروعه

والسندويشات اللي موفرها بعضها بالحجم الميني

DSC_0702starbucks

قدموا لنا عينات من اصنافهم الجديدة

صمون ميني وتوست وخبز رول وكرواسون ميني ورابس

وفي الصمون الاسمر والابيض

DSC_0703starbucks

DSC_0704starbucks

DSC_0705starbucks

DSC_0710starbucks

وهذا شكلهم مغلفين

حلوين لعشاء خفيف او سناك سريع للطريج او الدوام

DSC_0717starbucks

DSC_0718starbucks

DSC_0721starbucks

DSC_0711starbucks

DSC_0712starbucks

DSC_0716starbucks

DSC_0754starbucks

كل الشكر عالدعوة والهدية الحلوة

تلاقون اصنافهم الجديدة في جميع افرع ستاربكس بالكويت

Boccini تجربتي لمطعم بوتشيني الايطالي بالمهبولة

17 May

DSC_0325boccini

Boccini

مطعم بوتشيني الايطالي

مطعم جديد تم افتتاحه قبل فترة بسيطة في مجمع ليفيلز للمطاعم

في منطقة المهبولة

تمت دعوتنا لتجربة اطباقه ونقل تجربتنا لكم

DSC_0439boccini

DSC_0328boccini

السيرفس عندهم وااايد قوي

نفسية حلوة ومنتبهين لنا اذا احتجنا اي شي

طلبنا من المدير انه ينزل لنا افضل اطباقهم

DSC_0339boccini

اول شي وصل لنا الكوكتيلات

حجمها كبييير وطعمها عجيب الكل عجبه عصيره

الوردي بينا كولادا والاصفر باشن فروت والاحمر بوتشيني سبيشل

DSC_0363boccini

سلطة جبن الماعز

للي يحب جبن الماعز بتعجبه السلطة

ماعجبت كل الموجودين

DSC_0367boccini

بوتشيني ناتشوز

عجيييب وغير عن الناتشوز المكسيكي المتعودين عليه

فيه نكهه ايطاليه مثل البيستو والزيتون

مميز وغير

DSC_0373boccini

باذنجان مقلي وجبن موزيلا

DSC_0376boccini

كرات الريزوتو محشوة بالجبن

لذيذة

DSC_0384boccini

DSC_0416boccini

الاطباق الرئيسية

DSC_0390boccini

بيتزا الدجاج بالبستو

العجينه لذيييذه بس شخصيا ماحب طعم البيستو

لكن البنات حبوها

DSC_0392boccini

DSC_0403boccini

رولات بيتزا محشوه بالزيتون وسبايسي حااارة

DSC_0406boccini

نيووكي

DSC_0414boccini

باستا الربيان

لذيييذه من احلى الاطباق عندهم

DSC_0418boccini

زيت زيتونهم بالنكهات

DSC_0421boccini

اخر شي ختمناها بالحلو

بانا كوتا بالتوت

طعمها بالضبط مثل ايس كريم كولمبيا 🙂

DSC_0427boccini

بيتزا ببسكوت وزبدة اللوتس مع الكاكاو والمارشميلو

لذيييييذه

قعدت ألّقِط المارشميلو يذوووب

DSC_0433boccini

DSC_0445boccini

تجربة ايطالية لذيذة وتناسب ذوقنا الخليجي

العادة المطاعم الايطاليه الاصلية الباستا يقدمونها ياابسه والسي فوود يكون زفر

لكن بوتشيني قدمها لنا مثل ما نحبها ونفس ذوقنا

مطعم يستحق التجربة

موجودين في مجمع ليفيلز للمطاعم في المهبولة

من ٣ العصر لي ١٢ بالليل

تلفونهم

23716216

@boccinikw

كل الشكر عالدعوة

Society by Supreme جديد مطعم سوسايتي في المهبولة

10 Apr

DSC_0219society

مطعم سوسايتي

هو مطعم له الطابع الاوروبي

الاكل اللي يقدمه متنوع لجميع الاذواق

للريوق عندهم انواع كثيره من البيض والوافلز وغيره

وللغدا والعشا عندهم مقبلات وسلطات وباستات وبرغرز وبيتزا وستيكات

وعندهم اطباق حلو متنوعة

المينو عندهم على شكل مجلة وفيها صور كل الاطباق وهذي المجلة تاخذونها معاكم للبيت

وكل ٣ او ٤ شهور ينزلون مجلة جديدة فيها اطباق جديدة تتناسب مع الهبة الجديدة بالكويت

يعني اطباقهم فيها تجديد كل جم شهر وهذا شي حلو

ارسلوا لنا دعوة لتجربته في مجمع ليفلز في المهبولة

DSC_0225society

جربنا نوعين من الكوكتيل

الازرق كان الالكتريك طعمه حامض ليمون

الوردي كان برتقال مع فراولة كان جيد

DSC_0241society

المقبلات ربيان بالليمون

لذيذ

DSC_0246society

سلطه سوسايتي

لذييييذة فيها فراولة وتوت وبرتقال وجوز والخس مع جبن فيتا

والألذ الصلصة رازبيري فينيغريت

حامضة حلوه لازم تجربون السلطة

DSC_0266society

لازانيا لحم كانت دمااار وايد حلوه بس دسمة

DSC_0275society

تندرلوين ستيك مع صلصة المشروم

طلبناه ميديوم ويل وصل لنا ويل دن

فكانت ناشفة شوي بس من ناحية الطعم حلوة

DSC_0221society

كان ودرنا نجرب الحلو بس شبعنا مافي مكان للحلو 🙂

عندهم شيزكيك وبودينغ وشغلات حلوة

DSC_0267society

مطعم سوسايتي يقدم اكل متنوع يناسب ذوق الكل

والتقديم مثل ماشفتوا بالصور مرتب وراقي

واسعارهم مثل باقي المطاعم الايطالية بالمجمعات

يستاهل الواحد يجربه

موجودين في مجمع ليفلز في المهبوله على البحر

22399322

@societykwt

مشكورين عالدعوة

Mooyah افتتاح مطعم موويا للبرغر الامريكي في المهبولة

9 Apr

DSC_0203mooyahDSC_0156mooyah

DSC_0111mooyah

وصلتني دعوة لتجربة مطعم موويا

Mooyah

المطعم امريكي من تيكساس فاتح من سنة ٢٠٠٧ بامريكا

والحين افتتحوا لهم فرع بالكويت في منطقه المهبولة

المطعم يقدم البرغر والبطاط و السلطات

نفس نظام المطاعم الامريكية السريعة

وتقدر انك تختار مكونات الصمونة

صمون ابيض او اسمر وتختار برغر لحم او دجاج او تركي او خضار

وتختار نوع الجبنة والصلصة والخضار

DSC_0150mooyah

DSC_0135mooyah

DSC_0143mooyah

DSC_0162mooyah

بانتظار طلبنا

DSC_0190mooyah

طلبنا برغر كلاسيك بالجبنة الشيدر

وبرغر المشروم مع الصمون الابيض

الصراحة كان طعم البرغر لذيذ وترف

DSC_0169mooyah

DSC_0171mooyah

عندهم سلطات بعد

انت تختار مكوناتها بنفسك

انا اخترت كل المكونات يعني كل الخضار باللسته واخترت الدجاج مع جبنه الشيدر

وصلصة الرانش والبلسميك على جنب

السلطة كانت لذيذة وخاصه الدجاج كان جوووسي وترف مع الجبن طلع عجييييب

نفس الدجاج اللي يستخدمون بالصمون شكلي بطلب ساندويش دجاج المره الياية

DSC_0183mooyah

بطاط بالجبن

حاطين الجبن السايح نفس اللي يحطونه مع الناشوز

DSC_0173mooyah

بطاطا حلوة وايد لذيذ من بره كرنشي ومن داخل تررف

العادة البطاطا الحلوه المقليه لما اجربها بالمطاعم تكون كرنشي بس فاضيه من داخل

لكن هذي حسيت بالبطاط ترف وسويت من داخل

DSC_0175mooyah

ميلك شيك فراولة كان عادي جيد

DSC_0152mooyah

مطهم موويا عندهم قعده داخلية وخارجيه

واللي يحب البرغر لازم يجربهم لان البرغر حلو عندهم

موجودين في المهبولة على البحر في مجمع ليفيلز

69988390

www.mooyah.com

@mooyahkw

Cocoa Cabana Cafe تجربتي لمطعم كاكاو كابانا

27 Mar

DSC_0534cocoa cabana

وصلتني دعوة لذيذة من كافيه كاكاو كابانا

رابط الدعوة

وحضرنا الافتتاح الرسمي للكافيه

المميز بالمطعم ان معظم اطباقه فيها كاكاو

حتى الاطباق الرئيسيه فيها كاكاو

DSC_0537cocoa cabana

بما ان في كاكاو لازم نطلب ماي 🙂

DSC_0552cocoa cabana

عصير الليشي بماء الورد كان خفيف شوي

ميلك شيك كراميل

DSC_0580cocoa cabana

طلبنا في المقبلات

سمبوسة النوتيلا

كانت لذيذه، طبعا لازم محبي النوتيلا يجربونها

DSC_0605cocoa cabana

سلطة ربيان الديناميت

السلطة سبايسي سويت وايد لذيذة والربيان عجيب

مع الصلصة فيها كاكاو ابيض بس ما حسينا بطعم الكاكاو كلش

كانت الصلصة سويت

انصح فيها

DSC_0626cocoa cabana

ساندويش دجاج وفيها صلصة كاكاو ابيض

كانت جيدة وطعم الصوص سويت

DSC_0642cocoa cabana

شيزبرغر وفيه صلصة كاكاو

اللي جربوها معاي ما حبوها ماتقبلوا الطعم

لكن انا عن نفسي حبيتها كان طعم الكاكاو سويت بدال الكتشب وكمية الصلصة كانت قليلة معقولة

DSC_0654cocoa cabana

بينك باستا بالدجاج والمشروم

لذييييذه ومتروسه جبن والصلصة غنية

بس مو متأكده اذا كان فيها كاكاو بالصوص لان مو مبين كلش

انصح بهذا الطبق لمحبي البينك باستا او الباستات الدسمة

DSC_0556cocoa cabana

DSC_0662cocoa cabana

قدموا لنا القهوه العربية مع الحلو

DSC_0696cocoa cabana

كوكي دووم

كوكيز محشوه بكاكاو الكندر والنوتيلا مع ايس كريم الكراميل المالح

كانت الكوكيز متروسه مكسرات

شخصيا ماحب المكسرات بالكوكيز

DSC_0703cocoa cabana

DSC_0708cocoa cabana

كيكة كاكاو بالمارشميلو

كانت بارده من الداخل

جيده

DSC_0719cocoa cabana

DSC_0664cocoa cabana

الصراحة تجربه فريدة وغير عن اللي تعونا عليه

ان يكون الكاكاو بالاطباق الرئيسية

وكانت النتيجه وايد حلوه وطعم الكاكاو عطى الصلصات حلاوه

ممكن اللي يحب يجرب شي جديد يزورهم

وعندهم مينو كبيره فيها وافلز وبانكيك وكريب وفوندو وغيرها

كافيه كاكاو كابانا في مجمع ديفون في منطقة ابوالحصانية

على شارع الفحيحيل السريع

@cocoacabanacafe

كل الشكر عالدعوة والفكره الجديدة 🙂

Junkyard تجربتي لمطعم جنك يارك في ارابيلا

9 Feb

DSC_0148junkyard

DSC_0145junkyard

Junkyard

مطعم جنك يارد ارسل لنا دعوة لتجربة المينو الجديده عنده

في فرعه الجديد في ارابيلا

اول مره ازور مجمع ارابيلا للمطاعم موجود على البحر بجانب فندق النخيل

وايد حلو وشرح والمطاعم اللي فيه ضخمين

DSC_0138junkyard

حاولت اصور طاولات المطعم والقعده بس ماقدرت

كان المطعم ما شاء الله متروس ولا طاوله فاضية

DSC_0132junkyard

DSC_0029junkyard

DSC_0929junkyard

DSC_0933junkyard

المطعم يقدم ريوق وغدا وعشا

ريوقهم فيه اكثر من ٥ انواع بيض وبانكيك وساندويشات تركي وحلوم وغيره

بس احنا مريناهم عالغدا

DSC_0941junkyard

Nachos

ناشوز حلو للمشاركة والواحد يطقطق فيه قبل الطبق الرئيسي

DSC_0968junkyard

Rocca Yard Salad

سلطة جرجير وباذنجان مشوي وبارميزان ورمان مع صلصه بلسميك

لذييييذه وخفيفه

DSC_0954junkyard

Chilli Cheese Fries

بطاط وجبن ولحم مفروم طلبنه بدون ماسترد وايد حلو

وحجمه كبير يصلح للمشاركة

DSC_0963junkyard DSC_0986junkyard

Butterfly Shrimps

ربيان مقلي بالبقسمات

DSC_0989junkyard

Chicken Tenders

قطع دجاج مقلي

DSC_0998junkyard

والاطباق الرئيسية

Street Classic

برغر كلاسيك فيه شريحتين برغر لحم وجبن

الصمونه تررررفه واللحم يذووب

DSC_0005junkyard

Yard Chicken Burger

صدر دجاج مقلي مع الجبن لذييييذه

حبيت خبزتهم وااايد تررفه والديايه جوووسيه

DSC_0013junkyard

DSC_1008junkyard

Beef Fajita

فاهيتا لحم او اللي نسميه التش تش 🙂

التتبيله حلوه

DSC_0011junkyard

DSC_0976junkyard

DSC_0078junkyard

وهذا الحلو اللي جربناه

Chubby Balls

كرات دايجستيف وعليه صلصه قيمر ونستله

يذكرني بحلويات شغل البيوت

DSC_0094junkyard

DSC_0107junkyard

كيك كاكاو حاااار مع ايس كريم صلصة كاكاو

مادري شسم الطبق بس كان لذييييييذ وحجمه يصلح للمشاركة

الصراحة مطعم لذيذ واسعاره وايد معقوله وارخص من مطاعم البرغر الاخرى

مكانه حلو والستاف خدمته حلوه

عنده فرعين واحد في ارابيلا عالبحر بجانب فندق النخيل بمنطقه سلوى

والثاني في ذا فيليج في ابو الحصاني

وعندهم توصيل للمنزل

23901022/33

@junkyardkw

كل الشكر للاخ مبارك عالدعوة

%d bloggers like this: