60s Zone
امس حضرت افتتاح مجمع المطاعم ٦٠ زون
بالمباركية
ويشمل على ٤ مطاعم مختلفة
مطعم رومية، مطعم وانيت، مطعم ميني مي، مطعم حمزاوي
مطعم رومية يقدم الاكل الكويتي من مجابيس وقبوط وجريش وغيره
مطعم وانيت يقدم الاكلات السعودية مثل البخاري والمندي وغيره
مطعم ميني مي يقدم السندويشات والسلطات الجاهزة للسفري ويقدم البرغر والبطاط
مطعم حمزاوي مافتح امس لكن سمعت انه يقدم الشاورما والصاج والحلويات
ميني مي وسامبل من سندويشاتهم
وانيت للاكل السعودي
ون ايت 🙂
طاولاتهم من الوانيت الاحمر الصجي 🙂
مطعم رومية للاكل الكويتي
المكان شرح ومحوط بالزجاج
ومزين بقطع فينتاج
مثل الكاميرات الفينتاج وعلب الماكنتوش القديمة الاصلية وعلب النيدو للانارات
ومطعم رومية فيه طابقين
المنظر من فوق
قدموا لنا اللبن والفيمتو والماي بقلاصات المعدن
سلطة خيار
سلطة رومية
تشريبة لحم
قدموا لنا الاطباق بمواعين صغيره للتجربة
لكن بالاساس اطباقهم كبيره الحجم الطبيعي
تشريبة لحم ومجبوس لحم
جريش وقبوط ومربين
الاكل نفس طباخ البيت
جنكم ماكلين ببيت جدتكم 🙂
المحلبية لذيييذه وخفيفه
الاضاءة ماتساعد عالتصوير 🙂
جلي احمر
وختمناها بالجاي
٦٠ زون او سلسلة مطاعم رومية
متواجدين في المباركية مقابل مطعم الشمم الجديد اللي كان فيلا مودا سابقا
امس كان الافتتاح للبلوقرز والميديا
وان شاء الله الافتتاح الرسمي بعد اسبوعين
كل الشكر عالدعوة والاكل اللذيذ والجو الكويتي القديم
update
