Tag Archives: breakfast

Baking Tray القائمه الرمضانيه من مطعم بيكنغ تري

22 Jul

 Baking Tray

مطعم بيكينغ تري منزل مينو افطار لشهر رمضان الفضيل

وطرشوا لنا دعوه لتجربه فطورهم ونقله لمتابعينا

رحنا فرعهم اللي بالديره بشرق

هذي قعدتهم الخارجيه

احلى شي الثريا 🙂 حبيتها

مينو رمضان سموها قائمه ماما الرمضانيه

لان الاطباق الي فيها نفس شغل البيت ومن ايد الوالده الله يحفظها

البدايه كانت بشوربه العدس

وايد حلوه بس ثقيله شوي يبيلها تخفيف وتطلع مضبوطه

الجريش شويه غير عن المتعودين عليه

العاده الجريش يكون ماي ومثل الهريس

بس هذا جريش نثري 🙂

الصراحه وايد حلو عجبني

تشريبه لحم مع الخبز الايراني

طعمها وايد حلو الكميه كبيره تكفي لشخصين

بس طلبت منهم ليمون ورشيته عليها اطلعت وايد الذ

بما ان كنا صايمين طلبنا اطباق اكثر من المينو العادي وما اكتفينا بالمينو الرمضانيه

سلطه سيرز بالدياي

Turkey on Sunflower Bread

ساندويش ديك رومي مع عنب وصلصه البلسميك

كانت حلوه

Garlic Chicken Avocado

ساندويش الدياي بالافوكادو

اللقيمات مع رشه زعفران

كانت عاديه

ليمون بالنعناع وفراوله سموذي

مطعم بيكينغ تري مقدم قائمه رمضانيه مكونه من ٤ اطباق ومشروب

شوربه عدس + جريش + تشريبه لحم + لقيمات + مشروبهم الخاص

بسعر ٦،٣٠٠ دينار

عندهم فرعين

١. مجمع الافينيوز

٢. برج مشعل – شارع جابر المبارك – شرق

22251544

victus food

1-842887

موقعهم عالنت

Sunny Side Up زيارتنا لمطعم

17 Jun

Sunny Side Up

اليوم اشتهينا باستا و برغر

فكرنا وين نروح نتغدا بمطعم فيه اكل ايطالي وامريكي

قلنا ماكو الا صني سايد اب يقدم باستات وبرغر لذيذه

Ahmed Burger

برغر احمد مصنوعه من لحم بلاك انجوس اللذيذ

الصراحه البرغر كانت لذيييييذه ماتتطوف

الخبر وايد لين وترف واللحم ناطع مع الصلصه صارت البرغر تماااام

انصحكم تجربونها

Make ur own crepe

هذا الطبق انا طلبت جميع المكونات على ذوقي

عباره عن كريب مثل خبز خفييييف وتختار اي اضافات عليه

اخترت نوعين جبن والمشروم والبيكون البقري والفلفل الملون والبصل

الصراحه طلعت عجيييبه

جنها بيتزا بس اخف بوايد لان العجينه خفيييفه

تصلح الواحد يطلبها للمقبلات للمشاركه

Spagetti Bolognese

 سباغيتي بولونيز

السباغيتي مع صلصه الطماط باللحم

ماشاء الله كانت متروسه لحم

وطعمها كان حامض شوي نفس اللي احبه

Pancake with maple syrup

بانكيك مع الفراوله وصلصه الميبل

كان طبق خفيف ولذيذ للتحليه

 

مطعم صني سايد اب موفر شواحن للتلفونات بكل طاوله

الصراحه كانت زياره لذيذه

وان شاء الله بنعيدها بالمستقبل القريب

Sunny Side Up مطعم

موجود في مجمع الصقران المباركيه بالديره

عندهم توصيل للمنازل لجميع مناطق الكويت

تلفون :22463431

Sunny Side Up غدانا في مطعم صني سايد اب

17 Apr

بعد زيارتنا الاخيره وتجربتي لاطباق صني سايد اب اليديده صار لي اسبوع اتشهى اكلهم

عاد اليوم طق براسي وقلت لازم الغدا عندهم

مريناهم عال ٤ العصر وكان الجو حلو

يابوا لنا المينو مالهم هالمره ايباد

الوانهم وااايد تشوق وتشد والصور في الايباد تشهي

وكان هذا طلبنا

Honey Mustard Salad

سلطه الهني ماسترد بالدجاج المشوي والبيكون البقري وجبن الشيدر

كانت السلطه لذيذه

Adooola Steak

ستيك عدوووله

قطعه ستيك مشوي عليه بيض مقلي وصلصه كريمه الجبن

عشان مايصير ناشف Medium Weldone  طلبوه

هالطبق لذييييذ غرااامي ستيك وبيض يميييي

Penne Aurora (Pink Pasta)

بينك باستا

صديقتي من عشاق الباستا وهالطبق عجبها وااايد تقول الصلصه غنيه ومتروسه جبن

Steak Sandwich

شاندويش الستيك

صمونه شرايح ستيك وبصل مشوي وجبن بارميزان

كانت الصمونه وايد حلوه

Classic Egg Benedict

بيض بينيدكت

مع ان حزه غدا بس اختي تحب بيض البينيدكت كل مطعم تروح له لازم تجرب بيضهم

فاطلبت لها بيض بينيدكت عباره عن صمونه عليها ديك رومي وبيض البوتش وجبن وصلصه الهولنديز

قالت عن هالطبق انه اختيار موفق

The Elvis Sandwich

ساندويش الفيس

هذا الطبق مو اول مره نجربه بس طلبناه مره ثانيه لانه لذييييذ

عباره عن توست فرنسي وبريوش داخله موز وعسل وعليه صلصه التوت دمااااار

Melty Hot Chocolate Belgian Waffles

الوافلز البلجيكيه مع النوتيلا والفراوله والايس كريم

الصراحه الشيف متوصي فينا وتارس لنا الوافلز نوتييييلا

منو مايحب النوتيييلا 🙂

الطبق كان كبيييير يكفي شخصين

كل اطباقهم كبيره تكفي اكثر من شخص

ليمون بالنعناع

ميلك شيك فراوله

كانت الزياره لذيذه واستمتعنا بالاكل والسوالف

ولنا زياره مستقبليه ان شاء الله الصراحه اطباق هالمطعم ماتنمل لذيذه ويستاهلون العنوه

مطعم صني سايد اب

 زيارتي الثانيه للمطعم

زيارتي الاولى للمطعم

موجود في مجمع الصقران المباركيه بالديره

تلفون :22463431

موقع المطعم عالانترنت

ريوقي في لونتر مول ٣٦٠

11 Mar

مريت اليوم لونتر في مجمع ٣٦٠ للريوق

كان المكان هادي لان رايحين متاخر اصلا

20120311-133629.jpg

20120311-133634.jpg

سله الخبز مالتهم وايد حلوه مع الزبده خاصة الخبز اللبناني الصغير عجيييب

20120311-133640.jpg

20120311-133645.jpg

ليمون بالنعناع

20120311-133651.jpg

20120311-133701.jpg

بيض بيندكتين

احلى طبق عندهم بالنسبه لي بكل زياره لازم اطلبه

مع سلطه الروكا والبلسميك والمشروم الفريش يميييي

20120311-133656.jpg

كلوب اوف ذا هاوس

فيها بيض وبيكون ودياي و جبن

كلوب ساندويش حلوه بعد جربوها

كان الريوق خلو وخفيف وظريف والقعده شرحه

لونتر في٣٦٠

By Shaikha

مشكووره شيخه عالتقرير وعليكم بالعافيه

%d bloggers like this: