مطعم غريل شاك توه فاتح في دبي مول
قلنا نروح نجربه
المطعم يقدم الستيكات والبرغرز
مكان المطعم مطل على حلبة التزلج وايد حلو وشرح
الاكل كان جيد جدا والخدمة ممتازة
Tag Archives: burger
Aura Restaurant مطعم أورا في مجمع الغوالي
23 Nov
مطعم اورا من المطاعم الجديده بالكويت
فاتحين في محمع الغوالي بالديره
المحل فيه جم طاوله داخل وعدد الطاولات بره اكثر
خاصة الجو الحين صار لندني اكيد بتختارون القعده الخارجية
المطعم يقدم الاطباق الامريكية والاسيويه
من مقبلات وسلطات وبرغر وباستا وبيتزا ودياي الاناناس غير منيو الحلو
وهذي صور الاطباق اللي جربناها عندهم
مشروب الضيافة يقدمونه لك على حسب مودك
وانا كنت سعيدة وقدمولي مشروب السعادة الاصفر
سلطة الجرجير بالفيتا والبلسميك شي لذيذ بدينا فيه وجبتنا
شوربة المشروم والتقديم وايد حلو
الربيان بصلصه السويت سبايسي لذيذ وحالي
بطاط بالجبن
البرغر السودة مادري شسمها
بس كانت قوييييه ولذييذه حبيتها وايد مع البصل المكرمل والجبن السايح
الكولا ريبز شي خيااالي وترف وذااايب ذوووب
الدياي بالاناناس مع العيش وايد حلو
ختمناها بالبرواني بالايس كريم
الصراحة تجربه مميزه لاطباق لذيذه وخدمة روعة
مطعم اورا في مجمع غوالي الدور الارضي
يفتح يوميا للريوق والغدا والعشا
من ٧ الصبح لي ١٠ بالليل ايام الاسبوع وبالويكند لي ال١٢ بالليل
22320566
فيديو الزيارة
Blaze Burger مطعم بليز برغر في البحرين
19 May
في البحرين امدحوا لنا مطعم برغر محلي اسمه بليز
في منطقه العدلية
المنطقه دواعيس بس معروفه بمطاعمها
هذا شكل المطعم من الداخل
نفس نظام المطاعم السريعه
تطلب عالكاشير وتدفع اول وعقب تدور لك طاوله
خذنا الكريزي فرايز
مع جبن وبيكون وصلصه كان جيد
بطاط سكوبيرز وااايد لذيذ وكرنشي حبيناه
وهذي صمونتهم المشهوره اسمها
طابوقة
اتيي ٤ توستات داخلهم جبن ساااايح وقطعتين برغر مع الخس والطماط والصلصه
التوست لذيذ تخيل غريل شيز ساندويش وداخلها بعد برغر
كانت حلوه ومتروسه جبن بس الصلصه كانت طاغيه حلاته لو طالبينها بدون صلصه وكانت دسمه وايد
بشكل عام حلوه للتجربه
وفي طابوقه ثانيه ايي معاها الجبن ومعاه معكرونه بس ماجربتها
وعندهم البرغر الواغيو مع البن الكلاسيك
اخترنا مع صلصه الباربيكيو الحاره هم كانت لذيذه
كانت تجربه حلوة في بليز برغر
مو الذ برغر ذقناه لكن كان ممتاز وممكن الواحد يجربه
Bleecker st. برغر بليكر ستريت في لندن
27 Feb
مطعم بليكر ستريت هو مطعم لندني عنده ٣ فروع في لندن
ويقدم البرغر الامريكي واسمه على شارع بليكر المشهور في نيويورك
جربنا البرغر عنده في فرع سبيتال فيلد ماركت في لندن
البرغر طلبتها ويل دن كانت واايد لذيذه وخفيفه والصمونه البن كانت ترفه بعد
والبطاط مكس سويت وعادي
وجذي شكل الفرع والطاولات بالسوق المفتوح كان وااايد بارد الجو ماقدرنا نقعد كلينا بسرعه ومشينا
اللي يروح لندن ويبي برغر حلو ممكن يجرب بليكر ستريت برغر
switch مطعم سويتش في دبي مول
12 Aug
مطعم سويتش في دبي مول
من اكثر المطاعم المشهوره في دبي
زرناه السنه الماضيه ولا تطلع لستة الانتظار انتهت الظهر وقالوا لنا رجعوا عال٦ المغرب لفتح لستة ثانيه ومشينا ماجربناه
هالسنه قلت لاااازم اجربه
وحطينا اسمنا باللسته وقالوا بعد ٣ ساعات يوصل دوركم
قضينا الوقت بالتسوق بالمول وطار بدون لا نحس
شوربة التوم يام بالربيان
كانت عاديه ومو مثل التوم يام الاصليه بالمطاعم التايلندية
مو ضابطينها
ربيان ديناميت
كان حلو الطبق
سلايدر برغر كانوا لذيذين
سلايدر دياي طلبناها بدون صلصه البافلو حق بنتي
وهذا اهم طبق كنت ابي اجربه من كثر ما اشوف صوره بالانستغرام
براوني بصلصه الكاكاو البيضا والكاكاو بالحليب
مع ابره الكاكاو
كانت جيده لا باس فيها لكن ماعتقد اني راح انتظر مره ثانيه ٣ ساعات لطلبها
المطعم مشهور باطباق النوتيلا لكن شخصيا ماحب نكهه البندق
وافضل الكاكاو الساده فكان هذا الطبق الوحيد تقريبا فيه كاكاو ساده
المطعم اكله حلو لكن مو لدرجة الانتظار ٣ ساعات
وخاصه في بدائل لذيذه مجربينها بره
مطعم سويتش في دبي مول بالدور الارضي
Krush Burger مطعم كراش برغر في دبي
3 Aug
في زيارتي لدبي مدحوا لنا مطعم كراش برغر
اهو فرانشايز من امريكا ومتواجده فروعه في كاليفورنيا بس
وموجود فرع واحد خارج كاليفورنيا في دبي مقابل دبي مول
البرغر عندهم بالحجم الميني سلايدر
وحجمهم اعتبره متوسط مو صغير تقريبا كبر الشيز برغر مال مكدونالدز
وممكن تختار كومبو نوعين سلايدر مع بعض وبطاط ومشروب يصير اوفر من ان تطلب حبه وحده بس
المنيو عندهم صغير
٣ انواع برغر ميني لحم ونوع واحد شكن ميني
ونوعين بطاط العادي والبطاطا الحلوه الكور
اوريجنال برغر
لذيييذه ترررفه جوسيه نكهة اللحم لذيذه وكل المكونات فريش
عيبهم ان يحطون صلصه وااايد اللي تخر خر من الصمونه
ممكن تطلبون الصلصه على جنب وانتوا تتحكمون بالكميه
اعرف ناس تحب تغرق صمونتها بالصوص لذلك الناس اذواق بالاكل
البافلو شكن مع سلطه الكولسلو
وايد لذيذه وترفه وسبايسي عجيبه للي يحب البافلو
وطلبنا منها بدون صلصه بافلو دجاج سادة للاطفال كانت لذيذه بعد
بطاطهم كرنشي يقرمششش
وكرات البطاطا الحلوه بعد لذيذه جدا
موجود مطعم كراش برغر في فندق المروج روتانا اللي مقابل دبي مول
ومدخله خارجي بره الفندق
وفيه قعده داخليه طابقين وخارجيه بس الجو حاليا مايسمح
برغر لذيذ جدا وينافس مطاعم البرغر القوية
Eighty Six مطعم برغر جديد بالكويت ايتي سيكس
16 Jun
مطعم جديد للبرغر بالكويت في منطقة شرق مطعم ايتي سيكس
زرناه لتجربته
المطعم يقدم برغر اللحم ودونر اللحم فقط
وكل اللحم اللي عنده اورغانيك
ماعنده دجاج ولا صنف اخر
البرغر عندهم سنغل ودبل جربنا السنغل كانت لذيذه جوسيه والبن ترفه
لكن حجم البرغر صغير يعني لازم تطلب معاه مقبلات او حبتين برغر عشان تشبع
وعندهم الدونر او اسمه الجايرو باليوناني
في منه سلطة او صمونه
جربنا السلطة فيها خس وقطع بصل وعليها شرايح الدونر مع الصلصه
كانت جيدة
بطاط بالجبن جيد
المطعم واسع وقعدته مرتبه بسيطة ويقدم البرغر اللذيذ
اضافة حلوة لمطاعم البرغر بالكويت
موجودين في شرق في شارع احمد الجابر
ويفتحون من ٦ المغرب لي ١٢ بالليل
Burger & Karak مطعم برغر اند كرك في ذا غيت مول
23 Apr
مطعم برغر اند كرك من المطاعم الجديدة
المطعم جمع بين البرغر الامريكي والجباتي والكرك الهندي
ارسلولي دعوه لاختيار مكونات صمونه البرغر وتسميتها باسم البلوق
كيفي برغر في منيوهم
جربنا بطاطهم
الانيمال فرايز
بطاط وصلصه المطعم الخاصه
طعمها كتشب ومايونيز ومعاها قطع مخلل
وايد حلو البطاط حبيته مع الصلصه لاني اصلا اكل بطاطي دايما جذي مع كتشب ومايونيز
سنغل برغر
كيفي برغر
اخترت يكون فيها مشروم وجبن وبيكون وبصل مكرمل
طلبتها بدون صلصه لكن حطولها بنفسهم
جربنا الجباتي بالجبن
الجباتي مال المطعم غير عن اللي متعوده عليه من الهندي
الجباتي مالهم اعتبره خبز صاج
جباتي كندر او بالنسبه لي صاج كندر
كرك
كركهم وااايد حلو ولذيذ
المطعم يقدم ريوق انواع جباتي او صاج بحشوات مختلفه وغدا وعشا برغر
حبيت عندهم البطاط والكرك
وعطينا بعض الملاحظات لاصحاب المطعم
مطعم برغر وكرك موجود في اعلى طابق بمجمع ذا غيت في العقيلة
وهذا رقمهم للتوصيل للمنازل
22056356
مشكورين عالدعوة
Oliversan اطباق ماكي وزي برغر في مطعم اوليفرسان
25 Aug
مطعم اوليفرسان الاسيوي المعاصر
من المطاعم الاسيوية المفضله بالنسبه لي
يقدمون اكل صيني تايلندي بنكهه لذيذه جدا وبجوده عاليه
والخدمة والمكان ٥ نجوم
لذلك لما اشتهي اكل صيني لذيذ وخدمة ممتازه على طول امرهم في محلهم في برج جاسم
الحلو في مطعم اوليفر سان ان فيه اطباق مطعم ماكي واطباق مطعم زي برغر
لذلك اقدر اشكل صيني ياباني امريكي بنفس الطاوله
ويرضي اذواق الكل
دايما مع صديقاتي مو الكل يحب صيني ويبون برغر
فنروح هالمطعم بعضنا نطلب صيني والباقي يطلبون برغر امريكي
Tom Yam Seafood Soup
لاااازم بأي مطعم اسيوي اطلب شوربه التوم يام لذيييذه وعطرية وسبايسي
مع المشروم والربيان
Rice Noodle Salad with Crispy Spring Roll
السلطة مع السبرينغ رول
والصلصه سويت بالفول السوداني لذييييذه انصح فيها
Crispy Dragon Prawn
طبقنا المعتاد في كل زياره
ربيان الدراغون سبايسي لذيييذ
Mongolian Ostrich W/ Thai Basil
منغوليان بلحم النعّام
اول مره اجرب لحم النعام طلع قريب من لحم البقر اكثر من الدجاج
تجربه حلوه ان اجرب لحم نعّام بس طعمه مايفرق عن اللحم البقري وايد
وطلبنا اطباق مطعم ماكي بعد 🙂
Edamame Salad
سلطة الايدامامي ادمااان بس دسمه وثقيله
Issa Mame Maki
طبعا طلبنا عيسى ماكي من احلى الماكي اللي عندهم
بس ليش مو حاطين كيفي ماكي بالمنيو اللي بأوليفرسان
لاااازم تنزلون كيفي ماكي بالمنيو
نبي نشوف الماكي مالنا بعد 🙂
Negimayaki
نيغيماياكي رولات اللحم بالبصل الاخضر
المفضل عندي
وطلبنا اطباق زي برغر بعد
تشكيلة حلوه للي حاضرين
Issa Wagyu Brgr
طلبنا عيسى برغر بجبن الموزريلا والمشروم والبصل المكرمل مع البريوش
اللي كلاها مدحها وااايد
يقدمون البرغر بنوعين لحم
الانغوس والواغيو وكل نوع ألذ من الثاني بس طبعا الواغيو اغلى
Angus Bites
ستيكات ميني مع بيض السّمان وصلصه الترياكي
Zee Mushroom Fries
بطاط بصلصه المشروم
Smoked Kung Pao Salmon
هذا من اجدد اطباق مطعم اوليفرسان
سلمون مدخن بصلصه الكونغ باو
للي يحب السلمون لازم يجربه
Smoked Kung Pao Salmon
جربنا اطباق متنوعه صيني على ياباني على امريكي
وذقنا اكثر من نوع كل واحد ألذ من الثاني
الصراحة شي حلو لما اروح مطعم وكل شخص يطلب على ذوقه ومايلتزم بنوع اكل معين
ويطلع الكل راضي ومستانس 🙂
مطعم اوليفرسان في برج جاسم
وعندهم توصيل بموقع طلبات وبموقعهم بعد
+965-22901051
كل الشكر عالغدا اللذيذ المتنوع
Mooyah افتتاح مطعم موويا للبرغر الامريكي في المهبولة
9 Apr
وصلتني دعوة لتجربة مطعم موويا
Mooyah
المطعم امريكي من تيكساس فاتح من سنة ٢٠٠٧ بامريكا
والحين افتتحوا لهم فرع بالكويت في منطقه المهبولة
المطعم يقدم البرغر والبطاط و السلطات
نفس نظام المطاعم الامريكية السريعة
وتقدر انك تختار مكونات الصمونة
صمون ابيض او اسمر وتختار برغر لحم او دجاج او تركي او خضار
وتختار نوع الجبنة والصلصة والخضار
بانتظار طلبنا
طلبنا برغر كلاسيك بالجبنة الشيدر
وبرغر المشروم مع الصمون الابيض
الصراحة كان طعم البرغر لذيذ وترف
عندهم سلطات بعد
انت تختار مكوناتها بنفسك
انا اخترت كل المكونات يعني كل الخضار باللسته واخترت الدجاج مع جبنه الشيدر
وصلصة الرانش والبلسميك على جنب
السلطة كانت لذيذة وخاصه الدجاج كان جوووسي وترف مع الجبن طلع عجييييب
نفس الدجاج اللي يستخدمون بالصمون شكلي بطلب ساندويش دجاج المره الياية
بطاط بالجبن
حاطين الجبن السايح نفس اللي يحطونه مع الناشوز
بطاطا حلوة وايد لذيذ من بره كرنشي ومن داخل تررف
العادة البطاطا الحلوه المقليه لما اجربها بالمطاعم تكون كرنشي بس فاضيه من داخل
لكن هذي حسيت بالبطاط ترف وسويت من داخل
ميلك شيك فراولة كان عادي جيد
مطهم موويا عندهم قعده داخلية وخارجيه
واللي يحب البرغر لازم يجربهم لان البرغر حلو عندهم
موجودين في المهبولة على البحر في مجمع ليفيلز
69988390
Zeebrgr تجربي لمطعم زي برغر بالبيت
1 Apr
مطعم زي برغر ارسل لنا مجموعه من اطباقه
لتجربه خدمة توصيلهم
وصل لنا الطلب حااار و التغليف مرتب
ومعاه كل الصلصات والملاعق والشوك البلاستيك
متعودين في خدمة التوصيل بالمطاعم الاخري توصل الصمونه مفقوصه
والصوص على كل الساندويش من بره وتكون مرطبه
لكن مع توصيل زي برغر كان كل شي مرتب والشكل حلو
حتى شوفوا طلعتهم من العلب وصورتهم وشكلهم مغري ومرتب
سلطة زي
حطيت نصف السلطه فقط عالماعون هذا وموجود النص الاخر بالعلبة
السلطه مكوناتها فريش وكرنشي
والصلصة فيها رازبيري وطعمها حامض حلو
السلطه عجيييبه مع الصلصة لازم تطلبون اكسترا صوص
اجنحة البافلو
الاجنحة طعمها سويت وسبايسي وماتشبه طعم البافلو
ممكن اسميها اجنحه السويت شيلي
برغر عيسى
برغر لحم مع مشروم فريش وبصل مكرمل والجبن السايح
كانت لذييييذه الصمونه ترررفه والبرغر جوسيه
انصح فيها
زي برغر بايتس
ميني برغر مع حلقات بصل وجبن الشيدر
حبيتهم وايد
والبطاط العادي اضفت له الكتشب والمايونيز
كرسبي شيكن بايتس
قطعتين دجاج مقلي مع جبن شيدر
الدجاج كان ترررف
زي مشروم فرايز
بطاط مع صلصة المشروم الفريش
لذيذ لمحبي المشروم بس دسم
الصراحة كان عشاء لذيذ وفاخر بالبيت
والتوصيل ممتاز وصل لنا الاكل حار ومرتب
المطعم حاليا عنده بس خدمة توصيل
هذا رقم خدمة التوصيل
22901070
هذا موقعهم ممكن تطلبون منه بالنت
او ممكن عن طريق برنامج طلبات
كل الشكر عالعشاء اللذيذ
Cocoa Cabana Cafe تجربتي لمطعم كاكاو كابانا
27 Mar
وصلتني دعوة لذيذة من كافيه كاكاو كابانا
وحضرنا الافتتاح الرسمي للكافيه
المميز بالمطعم ان معظم اطباقه فيها كاكاو
حتى الاطباق الرئيسيه فيها كاكاو
بما ان في كاكاو لازم نطلب ماي 🙂
عصير الليشي بماء الورد كان خفيف شوي
ميلك شيك كراميل
طلبنا في المقبلات
سمبوسة النوتيلا
كانت لذيذه، طبعا لازم محبي النوتيلا يجربونها
سلطة ربيان الديناميت
السلطة سبايسي سويت وايد لذيذة والربيان عجيب
مع الصلصة فيها كاكاو ابيض بس ما حسينا بطعم الكاكاو كلش
كانت الصلصة سويت
انصح فيها
ساندويش دجاج وفيها صلصة كاكاو ابيض
كانت جيدة وطعم الصوص سويت
شيزبرغر وفيه صلصة كاكاو
اللي جربوها معاي ما حبوها ماتقبلوا الطعم
لكن انا عن نفسي حبيتها كان طعم الكاكاو سويت بدال الكتشب وكمية الصلصة كانت قليلة معقولة
بينك باستا بالدجاج والمشروم
لذييييذه ومتروسه جبن والصلصة غنية
بس مو متأكده اذا كان فيها كاكاو بالصوص لان مو مبين كلش
انصح بهذا الطبق لمحبي البينك باستا او الباستات الدسمة
قدموا لنا القهوه العربية مع الحلو
كوكي دووم
كوكيز محشوه بكاكاو الكندر والنوتيلا مع ايس كريم الكراميل المالح
كانت الكوكيز متروسه مكسرات
شخصيا ماحب المكسرات بالكوكيز
كيكة كاكاو بالمارشميلو
كانت بارده من الداخل
جيده
الصراحة تجربه فريدة وغير عن اللي تعونا عليه
ان يكون الكاكاو بالاطباق الرئيسية
وكانت النتيجه وايد حلوه وطعم الكاكاو عطى الصلصات حلاوه
ممكن اللي يحب يجرب شي جديد يزورهم
وعندهم مينو كبيره فيها وافلز وبانكيك وكريب وفوندو وغيرها
كافيه كاكاو كابانا في مجمع ديفون في منطقة ابوالحصانية
على شارع الفحيحيل السريع
كل الشكر عالدعوة والفكره الجديدة 🙂
Junkyard تجربتي لمطعم جنك يارك في ارابيلا
9 Feb
Junkyard
مطعم جنك يارد ارسل لنا دعوة لتجربة المينو الجديده عنده
في فرعه الجديد في ارابيلا
اول مره ازور مجمع ارابيلا للمطاعم موجود على البحر بجانب فندق النخيل
وايد حلو وشرح والمطاعم اللي فيه ضخمين
حاولت اصور طاولات المطعم والقعده بس ماقدرت
كان المطعم ما شاء الله متروس ولا طاوله فاضية
المطعم يقدم ريوق وغدا وعشا
ريوقهم فيه اكثر من ٥ انواع بيض وبانكيك وساندويشات تركي وحلوم وغيره
بس احنا مريناهم عالغدا
Nachos
ناشوز حلو للمشاركة والواحد يطقطق فيه قبل الطبق الرئيسي
Rocca Yard Salad
سلطة جرجير وباذنجان مشوي وبارميزان ورمان مع صلصه بلسميك
لذييييذه وخفيفه
Chilli Cheese Fries
بطاط وجبن ولحم مفروم طلبنه بدون ماسترد وايد حلو
وحجمه كبير يصلح للمشاركة
Butterfly Shrimps
ربيان مقلي بالبقسمات
Chicken Tenders
قطع دجاج مقلي
والاطباق الرئيسية
Street Classic
برغر كلاسيك فيه شريحتين برغر لحم وجبن
الصمونه تررررفه واللحم يذووب
Yard Chicken Burger
صدر دجاج مقلي مع الجبن لذييييذه
حبيت خبزتهم وااايد تررفه والديايه جوووسيه
Beef Fajita
فاهيتا لحم او اللي نسميه التش تش 🙂
التتبيله حلوه
وهذا الحلو اللي جربناه
Chubby Balls
كرات دايجستيف وعليه صلصه قيمر ونستله
يذكرني بحلويات شغل البيوت
كيك كاكاو حاااار مع ايس كريم صلصة كاكاو
مادري شسم الطبق بس كان لذييييييذ وحجمه يصلح للمشاركة
الصراحة مطعم لذيذ واسعاره وايد معقوله وارخص من مطاعم البرغر الاخرى
مكانه حلو والستاف خدمته حلوه
عنده فرعين واحد في ارابيلا عالبحر بجانب فندق النخيل بمنطقه سلوى
والثاني في ذا فيليج في ابو الحصاني
وعندهم توصيل للمنزل
23901022/33
كل الشكر للاخ مبارك عالدعوة
Zee Brgr اطباق جديده من مطعم زي برغر
22 Nov
Zee Brgr
مطعم زي برغر منزل اطباق جديده بمناسبه مرور عام من النجاح للمطعم
ارسل الينا دعوه لتجربه اطباقه المعاصره ونقل تجربتنا لقرائنا
الحلو بمطعم زي برغر بالنسبه لي هي التقديم الرااائع للطبق والطعم اللذيذ الفريش بنفس الوقت
وديكورات المطعم معاصره والخدمه جدا ممتازه
زي برغر يقدم السلطات والمقبلات والبرغر والستيك وبعض اطباق الماكي والحلو
وحاليا موفر باستات لارضاء جميع الاذواق
واللي احبه بالبرغر مالهم ان دايما مبتكر مو مثل البرغر العادي المتعودين عليه
يدخلون نكهات عديده من عده بلدان ويطلعون لنا برغر شهيه تخلي الواحد يرد لهم
هذي قعدتهم الخارجيه عجيبه بهالجو اللندني
من مقبلاتهم الجديده
Chichen Picante
دجاج البيكانتي
دياي متبل بصلصه الحامض حلو كان الطبق لذييذ والدياي ترف
انصح فيه
Tiger Shrimp Tacos
تاكوز الربيان
قطعه تاكوز مقرمشه عليها ربيان وصلصه طماط حااامضه لذيييذه
عجيييب
Crispy Chicken Bites
الدياي المقلي الميني حلو للمشاركه
Gamba Bites
هذي عباره عن ميني الربيان مع الموزريلا حددده لذيذ لمحبي الربيان
Zee Brgr Bites
هذي النسخه الميني من زي برغر بنفس الطعم اللذيذ
برغر بالجبن وحلقات البصل وصوص زي برغرالخاص
البرغرز الميني لذيذين للمشاركه
والحين انيي للبرغر بالحجم الكبير
اللحم المستخدم في البرغر هو البلاك انجوس عالي الجوده
وتقدرون تختارون لبعض انواع البرغر لحم الواغيو اللي يعتبر من افضل انواع اللحم
وتقدرون تختارون بين ٥ انواع من خبز البرغر
خبز الفوكاتشيا و خبز البريوش مع حبوب او بدون والخبز الاسمر للرجيم مع حبوب او بدون
Juicy Lucy Burger
برغر جوسي لوسي
Beans sprout البرغر محشيه جبن ومخلل ومعاها البذور المستنبته
واخترنا لها خبز البريوش كانت البرغر صج جووسي لذيذه جدااااا
انصح وبقوه
Rodeo Burger
برغر بصلصه الباربيكيو مع البصل المكرمل وقطعه جبن الموزريلا المقليه
حدددها لذيذه وطعم صلصه الباربيكو معقول مو حاده
هذي بعد لازم تجربونها
House-made Fries with Rocks Salt
بطاط مقلي عالطريقه المنزليه
بعد الغداء اللذيييذ اللي صج ابدع فيه شيف زي برغر
كل شي كان فريش وترف
يه وقت الحلو
Red Velvet Cheesecake
ريد فيلفت شيز كيك
اشكر السيد توفيق والسيد جو على حسن الضيافه وعلى استمرارهم بابتكار اطباق جديده معاصره
تخلي الواحد يرد لهم ويطلب المزيد
ولنا زياره مستقبليه لتذوق باقي الاطباق الجديده
مطعم زي برغر موجود في فندق النخيل في منطقه سلوى
عندهم توصيل للمنازل
25612374
وتقدرون تشوفون مينو التوصيل كامل في موقعهم وتقدرون تطلبون من النت
#Hashtag زيارتي لبرغر هاش تاغ
2 JulHashtag Q8
مطعم هاش تاق
مطعم كويتي يقدم البرغر الامريكي الفريش
مريته اليوم لتجربته لاول مره
المطعم صغيرون فيه طاولتين بس
اللحم فريش
طلبنا منهم ٣ برغر تايك اواي سفري
Hashtag Burger
برغر الهاش تاغ
عباره عن جبن وبصل مشوي وصلصتهم الخاصه
كانت البرغر حلوه والبصل المشوي عطاها قرمشه زياده
The Sheriff
هذي كانت سبيشل صمونه اليوم
عباره عن بيكون بقري ومشروم وجبن
كانت وايد حلوه انصحكم فيها
Yellow Land burger
برغر مع طماط وخس وجبن وبصل
بطاط هاش تاغ الخاص بالبابريكا
(سعر ال٣ برغر مع ١ بطاط ١ بيبسي ب ١١ دينار)
كانت زيارتنا لذيذه لمطعم هاش تاغ
وبالنسبه انه مطعم شبابي كويتي ١٠٠٪ يقدم برغر امريكي الصراحه طعم البرغر ممتاز
بس مشكلته مكانه شويه دواعيس وصغيرون مو مال قعده
لذلك خذنا الاكل سفري
يريت بالمستقبل يوفرون خدمه توصيل اعتقد ماراح يسكت تلفونهم من الاتصالات والطلبات
المتواجد داخل مطعم هاش تاغ Crownies تجربتي لكوكيز وبراوني
مطعم هاش تاغ
موجود بالديره
Bon Appetit تجربتي في مطعم بونابيتيت
19 Jun
وصلت لمدونه كيفي دعوه من مطعم بونابتيت لتجربه اكلهم
مريناهم امس للغدا
المطعم صغيرون فيه داخله ٣ طاولات وفي ٥ طاولات بالخارج
سلم علينا الشيف روي ونصحنا بعده اطباق لتجربتها
Mushroom Soup
شوربه المشروم
المشروم اللي فيها كان فريش
بس حسيت ان يحتاج لها شويه كريمه زياده لاني افضل الشوربه تكون ثقيله شوي
Buffalo Chicken
دجاج البفالو
كان الدياي ترف وطبعا تعرفون صلصه البفالو الحاره لذيييذه
Torpedo Shrimp
ربيان توربيدو
ربيان مقلي عليه بهارات خفيفه وعلى جنب صلصه الترياكي
وااايد لذيذ هالربيان انصحكم فيه
Fungi Stuffed Mushroom
مشروم بحشوه جبن الموزريلا
ممممم لعشاق المشروم كل مشرومه عملاااقه
Burger Sliders
برغر سلايدرز
٣ انواع من الصلصات مشروم وباربيكيو والاخيره مادري شنو كانت ثوم او جبن ازرق
كانوا جيدين بس مو ذاك الزود
Kabab 360
كباب ٣٦٠
كباب مدور ومحشي جبن وهالبينو
الصراحه اول مره اجرب الكباب بهذي الطريقه
طعمه حسيته مقارب للكفته مو للكباب
جبن وهالبيو مع الكباب حسيته صار كباب امريكي هههه
حلو للتغيير جربوه
Lobster Thermidor
اللوبستر مع الجبن والكريمه والمشروم
كان الذ طبق ذقته عندهم عجييييب شويه عليه
اللي يحب اللوبستر مع خلطه الجبن لا يطوفها
Mahjeto Lemon
Blue Wave
بلو ويف عباره عن اناناس وليمون وباشن فروت كان منعش ولذيذ
لكن موهيتو الليمون كان عادي ماعجبني
Fondant
كيكه الفوندانت بالكاكاو
بدون تعليق الصوره تشرح نفسها
مشكورين مطعم بونابيتيت عالغدا اللذيذ
مطعم بونابيتيت يقدم تشكيله كبيره من الشوربات والسلطات والبرغر والستيكات والمأكولات البحريه والباستات
عندهم توصيل للمنازل
25732756
67000146
السالميه ق ٤ خلف مجمع الثريا
هذا موقعهم فيه المينو كامله وفيه خريطه عنوانهم بالتفصيل
ملاحظه : المطعم صغير جدا اللي يحب الوساعه ممكن يطلب توصيل منازل
Sunny Side Up زيارتنا لمطعم
17 Jun
Sunny Side Up
اليوم اشتهينا باستا و برغر
فكرنا وين نروح نتغدا بمطعم فيه اكل ايطالي وامريكي
قلنا ماكو الا صني سايد اب يقدم باستات وبرغر لذيذه
Ahmed Burger
برغر احمد مصنوعه من لحم بلاك انجوس اللذيذ
الصراحه البرغر كانت لذيييييذه ماتتطوف
الخبر وايد لين وترف واللحم ناطع مع الصلصه صارت البرغر تماااام
انصحكم تجربونها
Make ur own crepe
هذا الطبق انا طلبت جميع المكونات على ذوقي
عباره عن كريب مثل خبز خفييييف وتختار اي اضافات عليه
اخترت نوعين جبن والمشروم والبيكون البقري والفلفل الملون والبصل
الصراحه طلعت عجيييبه
جنها بيتزا بس اخف بوايد لان العجينه خفيييفه
تصلح الواحد يطلبها للمقبلات للمشاركه
Spagetti Bolognese
سباغيتي بولونيز
السباغيتي مع صلصه الطماط باللحم
ماشاء الله كانت متروسه لحم
وطعمها كان حامض شوي نفس اللي احبه
Pancake with maple syrup
بانكيك مع الفراوله وصلصه الميبل
كان طبق خفيف ولذيذ للتحليه
مطعم صني سايد اب موفر شواحن للتلفونات بكل طاوله
الصراحه كانت زياره لذيذه
وان شاء الله بنعيدها بالمستقبل القريب
Sunny Side Up مطعم
موجود في مجمع الصقران المباركيه بالديره
عندهم توصيل للمنازل لجميع مناطق الكويت
تلفون :22463431
Bob’s easy Diner تجربتي لمطعم بوبس
7 Junفي زيارتي لشارع ذا واك في شاطئ الجميرا
لاحظنا مطعم امريكي يقدم البرغر والستيكات والباستات
بوبس ايزي داينير
Bob’s easy Diner
على طول دخلنا نجربه
القعده داخل والديكورات تشبه جوني روكتس تماماااا ماعدا الكاروهات الابيض بالاسود شعار المطعم
Can’t make up my mind
طبق فيه شويه من كل مقبلاتهم كانت بدايه جيده
Classic Cheese Burger
برغر الكلاسيك بجبنه الشيدر
Big Boy Burger
دبل برغر مع جبن هذي حق اليوعان من قلب
كان اللحم حلو والمكونات فريش
!!!! لكن !!!!
الصلصه كانت غريبه طعمها مو مألوف !! فيها طعم زعتر ؟ سالت المدير قلت له صوص البرغر غريب
شنو فيه زعتر ؟؟ اول شي مارضى يقول يعني سر الخلطه ما يبي احد يعرفه
لكن طعم الزعتر واااضح مايحتاج خبير
بالنهايه قال اي في اوريغانو بالصوص يعني نوع من انواع الزعتر
الصراحه طعم الصوص خرب البرغر الواحد متعود كتشب ومايونيز و ماسترد بالبرغر الامريكي
لكن زعتر !! شخصيا ماحبيته بالمره القادمه ممكن اطلب البرغر بدون بوبس صوص بس كتشب اعتقد راح تطلع البرغر روعه
بحثت عن مطعم بوبس بالنت واكتشفت ان اول فرع فتح بلبنان وبعده في دبي
توقعت المطعم من امريكا لكن طلع المطعم لبناني بفكره امريكيه
يمكن عشان جذي مدخلين الزعتر بالبرغر عشان يعطونه لمسه لبنانيه ؟؟
والناس اذواق
همبورغر يونيون بالافينيوز قريبا
13 Mar
همبرغر يونيون بالافينيوز اللي مجابل ماجيك بلانيت
سكر محله لتجديده
شنو راح يكون يديد؟ المينيو؟ الاثاث؟
مع ان ديزاينه القديم كان حلو
بس مشكلته كان بالسعر كان وايد غالي مايسوا
مثلا الميني برغر كان سعرها فوق الدينار !! اشدعوه حبه وحده ميييني اكثر من دينار
وكان الهمبرغر اللي يسويه عادي
ان شاء الله بالمحل اليديد يفكر انه يغير بالمينو ويحسن من الهمبرغر ويحط بالاعتبار الاسعار
بالتوفيق نبي شغلات حلوه منكم
Triangle يمعه بنات والاكل من
19 Febذاك اليوم تيمعنا احنا البنات وطلبنا للغدا من مطعم
Triangle
شغله كله على شكل مثلث الفكره حلوه غير
طلبنا الميني برغر بلاتير
mini burger platter
عباره عن ١٦ ميني برغر ونختار ٤ انواع مختلفه
كانت البرغر حلو ومتنوع
سعره ب ٨.٥ دينار
وطلبنا كلوب ساندويش بلاتير
club sandwich platter
مكون من ٤٠ قطعه ميني كلوب ساندويش منوع
ينفع للريوق
سعره ب ٥ دينار
Find Us On
Ads
