تم الاعلان الرسمي عن جالكسي اس ٤ قبل ساعات قليله
من قبل شركة سامسونغ في مؤتمرها بنيويورك
الجهاز سوف يكون متوفر بالاسواق في تاريخ ٢٦ ابريل ل ١٥٥ دوله بالعالم
السعر المتوقع للجهاز ٢٠٦ دينار كويتي لكن ممكن وقت نزوله الاسواق يختلف السعر قليلا
وهذي صور شكل الجهاز الجديد
Galaxy S4
في هذا البوست بقارن بين الجالكسي اس ٣ والجالكسي اس ٤
وهذي المواصفات الرسمية من شركة سامسونغ
اللي عاليمين اهو اس ٣ واليسار اس ٤
اول شي الحجم
شاشة جالكسي اس ٤ حجمها ٥ انش
اكبر من اس ٣ بقليل
ووضوح الشاشة اقوى من اس ٣
وهذي مقاسات الجهازين
الجالكسي اس ٤ انحف من اس ٣
لكن نفس الطول
من ناحية الوزن جالكسي اس ٤ اخف وزن من اس ٣
المعالج للجهاز يأتي نوعين منه الاول لامريكا والثاني للعالم
المعالج للجالكسي اس ٤ افضل واقوى من السابق
الرام لامريكا نفسه الحالي ٢ غيغا
لكن في جالكسي اس ٤ اللي سوف يصدر للعالم بيكون ٢ غيغا للكل مو بس لامريكا من اس ٣
سعة التخزين نفس الشي مافي اي اختلاف
يأتي بثلاث سعات ١٦ و ٣٢ و٦٤ غيغا
سرعة الوايرليس نفسها
البطارية افضل من السابق
الكاميرا للجالكسي اس ٤ اقوى واوضح من السابق
١٣ ميغا بكسل والامامية ٢ ميغا
يعتبر الجالكسي اس ٤ افضل جهاز نزل للجالكسي
شاشة اكبر وسرعته افضل وكاميرته اقوى
لكن اللي عنده جالكسي اس ٣ يقدر يكتفي فيه
لان الجالكسي اس ٤ مافيه مواصفات تختلف عن الاس ٣ اللي تخلي الواحد انه يشتريه
تاريخ نزوله الاسواق في ٢٦ ابريل
ومتوقع سعره التقريبي ٢٠٦ دينار كويتي
فيديو عن الجالكسي اس ٤
المصادر
شركه البي ام دبليو للسيارات
قالت ان شركه ابل جعلت اللون الابيض للسيارات موضه في امريكا
بعد ما كان لون السلفير هو الاكثر شعبيه لمده ١٠ سنوات
حاليا معظم الامريكان يفضلون شراء سياره باللون الابيض
لانه لون منتجات شركه ابل
بعد ما كان اللون الابيض للثلاجات اصبح له قيمه والكل يفضل يقتنيه
هذا السباق تم بين ٩ سيارات سباق موديل ٢٠١٢
Lamborghini Aventador,
Nissan GT-R Black Edition,
Ford Shelby GT500,
McLaren MP4-12C,
Jaguar XKR-S,
Porsche 911 Carrera S,
Subaru BRZ,
Mercedes-Benz C63 AMG Black Series
and Chevrolet Camaro ZL1
وتتوقعون منو الفايز؟؟؟ شاهدوا الفيديو
وللي يبي يشوف السباق الاول سنه ٢٠١١
هذا هو الفيديو
شركه جاكوار صممت ديزاين جديد لسياره الجاكوار الكهربائيه المستقبليه
xkx Jaguar Concept
شوفوا شكلها
دخلنا بالصيف والحر ولازم نغيم السياره لتخفيف الحراره
وبما ان حاليا مسموح التغييم الى ٣٠ ٪ دورت عن شركه زينه لتغييم سيارتي
التغييم في منه انواع تغييم معادن ١٠٠٪ عيبه ان يأثر على اجهزه الجي بي اس والبلوتوث
لذلك مايركبون التغييم عالزجاج الامامي الا على مسؤوليتك
ونوع ثاني من التغييم نصه معادن ونصه اصباغ عيبه بعد فتره لما الواحد يشيله يترك اثر عالزجاج ويتغير لونه مع الوقت
ونوع النانو سيراميك يعتبر افضل نوع بالسوق لانه ما ياثر عالاجهزه ولا يترك لون ويحمي اكثر من الحراره
شركه هوبر اوبتيك الالمانيه لتغييم السيارات متخصصه بالتغييم النانو سيراميك
صار لها اكثر من ١٠ سنين بهذا المجال
عندهم درجات من التغييم وكلما زادت الدرجه زادت طبقات التغييم
وزادت الحمايه من اشعه الشمس
هذا جهاز يبين الاشعه الانفراريد وحراره كل درجه من التغييم
وهذا جهاز يحسب الحراره بعد وضع التغييم
وهذي درجات التغييم معلقه عالزجاج ممكن تشوفون الفرق بين الدرجات
شغلهم ما شاء الله مرتب ونظيف وسريع
يعني تسلم سيارتك بعد ٤ او ٥ ساعات تستلمها منهم مغيمه وخالصه
والكفاله مدتها ١٠ سنوات على تغير اللون او الفقاعات اللي تصير تحت التغييم
لازم ما نفتح النوافذ اول ٤٨ ساعه بعد تركيب التغييم
وهذي اللزقه حاطينها على مفاتيح النوافذ عشان ماننسى ونفتحها بالغلط
الصراحه مفيده اللزقه لان جم مره انسى واحاول افتح الدريشه
شركه هوبر اوبتيك يعطون ١٠ ٪ خصم لكل زبون جديد عندهم
سعر الجيب مع زجاج البانوراما عالسقف احسبولي اياه بعد الخصم ١٩٥ دينار
في معرض بيجين الموتور شو
Beijin Motor show 2012
معرض بيجين اهو اكبر معرض بالعالم للسيارات
وهذي السيارات حصلت على اول ١٠ مراكز بالعالم
المركز الاول
Lamborghini Urus
جيب لامبورغيني يوروس
راح تنزل هذي السياره عالم ٢٠١٥
المركز الثاني
Mercedes Concept Style Coupe concept
مرسيدس كوبيه
المركز الثالث
Range Rover Evouqe Special Edition with Victoria Beckham
رينج روفر ايفوك
الركز الرابع
Audi RS Q3 concept
اودي ار اس
المركز الخامس
BMW i8 Spyder
بي ام دبليو راح تنزل ٢٠١٤
المركز السادس
Ferrari’s next Enzo engine
فيراري راح تكون اسرع فيراري عالاطلاق
المركز السابع
Citroen DS9
المركز الثامن
Porsche Cayenne GTS
المركز التاسع
VW E-Bugster Cabriolet
المركز العاشر
Jaguar XJ Ultimate
Handpresso Auto
شركه هاندبريسو الفرنسيه نزلت ماكينه تسوي اسبريسو شوت وانت بالسياره
بس عليك توصلها بولاعه السياره وتحط فيها ماي وكبسوله قهوه
وتضغط زر واحد تطلع لك اسبريسو شوت مع رغوه كثيفه
تفيد للسفر والمشاوير الطويله اذا طق براس الواحد اسبريسو
سعرها ب ٦٠ دينار
