Tag Archives: cheese

Meme Curry الكاري الياباني بأيادي كويتية

29 Oct

DSC_7238meme curry

DSC_7209meme curry

ميمي كاري

مطعم شبابي كويتي متخصصين بالكاري الياباني

سمعت عنه كلام حلو بالانستغرام ومن تجاربهم قلت لازم امرهم على يوم

مكانهم في مجمع الرحاب

المطعم صغير وفيه شويه طاولات ومتواضع بداعوس بالمجمع

المطعم للامانه ماينفع للعوايل

لان متروس شباب وتدخين

يفضل تطلبون منه سفري او توصيل للي يتضايق من هالاجواء

المطعم الستاف فيه كله كويتيين ونفسيتهم وايد حلوه ويرحبون فيك

والكاشير كويتي وياخذ طلبك بكل دقه ومركز معاك

حبيت معاملتهم الحلوه المرحبه لان لي تجارب سابقه بمطاعم اخرى ستافها كويتي ونفسياااات جنه طار منهم وودهم يطردونك

DSC_7215meme curry

DSC_7210meme curry

DSC_7212meme curry

DSC_7218meme curry

meme sesame stingers

قطع دياي مقلية وعليهم صلصتهم الخاصة

وااايد لذيذ الدياي ترف وجوسي والصلصات عجيبه

DSC_7229meme curry

meme monster shehab’s way

هذا الطبق جبااااار انصدمت من لذته وبنفس الوقت فهمت ليش الناس تمدحه

عيش وعليه صدر دياي مقلي جوسي ترررف

وفوقه متروووس جبن وتارسينه كاري

وعليه صلصتين بطريقه شهاب صاحب المطعم والبصل الاخضر

عندهم درجات حراره سبايسي للطبق

اخترت الدرجه المتوسطه وكانت سبايسي لذيذه احس اكثر من جذي يصير سبايسي اوفر

انصح بهالطبق بنفس هالمكونات لان الكاري بروحه حسيته عادي لكن مع الجبن والصلصات عطاااه طعم ثاااني

DSC_7241meme curry

هذي خيوط جبن ممقطه مو نودلز عبالكم 🙂

شي لذييييذ

DSC_7226meme curry

Ebi Udon

اودون بالكاري والربيان المقلي

كان حلو بس ميمي مونستر بالدجاج كان وااايد اللللذ

الاودون هذي نودلز يابانيه متينه وايد ولذيذه

DSC_7235meme curry

الصراحة الاكل جدا جدا لذيذ

الطبق الفايز ميمي مونستر شهاب ستايل

الاسعار شويه غاليه متوسط سعر الطبق ٥ دنانير بس الكميه راهيه وتشبع

النفسيات جدا حلوه ومرحبه هذا شجعني ادخل المطعم وهم خلاني اكون زبونتهم بالمستقبل

انصح البنات والعوايل يطلبون سفري او توصيل لان المكان شبابي ومتواضع

برافو عليكم ميمي كاري شغل مميز ولذيذ واكيد بطلب منكم سفري كلما اشتهي ميمي مونستر

اتمنى تستمرون بهذي الجوده

مكان المطعم في مجمع الرحاب في حولي بالميزانين

وهذا رقمهم للتوصيل

90021389

meme_curry

DSC_7231meme curry

Mr K’s Bakery شيزكيك اللوتس

7 Sep

DSC_0018LOTUS

DSC_0007LOTUS

مستر كي بيكري ارسل لي شيزكيك اللوتس لتجربتها

اللوتس من النكهات اللي حاليا صايره هبة بالكويت وقايم سوقها

DSC_0013LOTUS

الشيزكيك حجمها صغير حلوه حق يمعه صغيره

الجبن كان ترف وكمية اللوتس معقوله لا زياده ولا شويه

والطعم ككل كان لذيييذ

والشيزكيك كانت وااايد خفيفه

DSC_0040LOTUS

هذا حسابهم الانستغرام

mr_ks_bakerykw

وتقدرون تطلبون على رقمهم وعندهم طلبات جاهزة بنفس اليوم

90061143

DSC_0033LOTUS

كل الشكر عالشيزكيك الخفيف

Eighty Six مطعم برغر جديد بالكويت ايتي سيكس

16 Jun

DSC_0738eighty six

DSC_0759eighty six

مطعم جديد للبرغر بالكويت في منطقة شرق مطعم ايتي سيكس

زرناه لتجربته

المطعم يقدم برغر اللحم ودونر اللحم فقط

وكل اللحم اللي عنده اورغانيك

ماعنده دجاج ولا صنف اخر

البرغر عندهم سنغل ودبل جربنا السنغل كانت لذيذه جوسيه والبن ترفه

لكن حجم البرغر صغير يعني لازم تطلب معاه مقبلات او حبتين برغر عشان تشبع

DSC_0744eighty six

DSC_0749eighty six

وعندهم الدونر او اسمه الجايرو باليوناني

في منه سلطة او صمونه

جربنا السلطة فيها خس وقطع بصل وعليها شرايح الدونر مع الصلصه

كانت جيدة

DSC_0758eighty six

بطاط بالجبن جيد

DSC_0764eighty six

المطعم واسع وقعدته مرتبه بسيطة ويقدم البرغر اللذيذ

اضافة حلوة لمطاعم البرغر بالكويت

DSC_0768eighty six

موجودين في شرق في شارع احمد الجابر

ويفتحون من ٦ المغرب لي ١٢ بالليل

eightysixkw

Mozzarella اجبان فريش من ايطاليا

3 May

DSC_0501Mozzarella

DSC_0483Mozzarella

فريش موزريلا ارسلوا لي علبتين من اجبانهم الايطالية

يوفرونهم بالكويت مباشره وفريش من مصانعهم من ايطاليا

ارسلولي نوعين جبنه موزاريلا بافلو وجبنه بوراتا

DSC_0487Mozzarella

جبنه الموزاريلا بافلو طعمها وايد احلى وكريمية من الموزريلا العادية

الموزريلا بافلو مصنوعه من حليب الثور الايطالي يعطي الجبنة نعومه اكثر وبروتينات اكثر ودهون اقل

من الموزريلا العاديه المصنوعه من حليب البقر

DSC_0499Mozzarella

طعمها قريب للموزريلا لكن كريميه اكثر وتحسها فريش

DSC_0505Mozzarella

جبنه البوراتا الايطالية

هي نفسها جبنه الموزريلا بافلو من حليب الثور الايطالي

لكن ضايفين لها كريمه فتلاقونها كريميه اكثر مثل اللبنه بالداخل سايحه

وافضل طريقة تاكلون فيها البوراتا والموزريلا

مع قطع طماط وريحان او جرجير ورشه زيت زيتون او بلسميك

واستمتعوا

DSC_0512Mozzarella

تلاقون منتجات فريش موزريلا في بعض الجمعيات

وممكن يوصلون لكم اياها للبيت عالرقم

96621778

@freshmozzarella

كل الشكر عالجبن الفريش

Burger & Karak مطعم برغر اند كرك في ذا غيت مول

23 Apr

DSC_0394burger karak

DSC_0347burger karak

مطعم برغر اند كرك من المطاعم الجديدة

المطعم جمع بين البرغر الامريكي والجباتي والكرك الهندي

ارسلولي دعوه لاختيار مكونات صمونه البرغر وتسميتها باسم البلوق

كيفي برغر في منيوهم

DSC_0359burger karak

جربنا بطاطهم

الانيمال فرايز

بطاط وصلصه المطعم الخاصه

طعمها كتشب ومايونيز ومعاها قطع مخلل

وايد حلو البطاط حبيته مع الصلصه لاني اصلا اكل بطاطي دايما جذي مع كتشب ومايونيز

DSC_0360burger karak

سنغل برغر

DSC_0362burger karak

DSC_0367burger karak

كيفي برغر

اخترت يكون فيها مشروم وجبن وبيكون وبصل مكرمل

طلبتها بدون صلصه لكن حطولها بنفسهم

DSC_0373burger karak

جربنا الجباتي بالجبن

الجباتي مال المطعم غير عن اللي متعوده عليه من الهندي

الجباتي مالهم اعتبره خبز صاج

DSC_0369burger karak

جباتي كندر او بالنسبه لي صاج كندر

DSC_0381burger karak

كرك

كركهم وااايد حلو ولذيذ

DSC_0386burger karak

المطعم يقدم ريوق انواع جباتي او صاج بحشوات مختلفه وغدا وعشا برغر

حبيت عندهم البطاط والكرك

 وعطينا بعض الملاحظات لاصحاب المطعم

مطعم برغر وكرك موجود في اعلى طابق بمجمع ذا غيت في العقيلة

وهذا رقمهم للتوصيل للمنازل

22056356

@burgernkarak

DSC_0339burger karak

مشكورين عالدعوة

The Cake Shop كيك رد فيلفيت شغل بيت من

27 Sep

DSC_0125the cake shop

DSC_0146the cake shop

ذا كيك شوب

شغل بيت كويتي متخصصين بالكيك والحلويات

جربت منهم نوعين كيك في يمعتنا

DSC_0139the cake shop

DSC_0138the cake shop

DSC_0232the cake shop

الكيكة شكلها وايد حلو ومرتب

تنفع للمناسبات

وهذا شكلها من الداخل نصها فانيليا ونصها كاكاو

كانت حلوة

DSC_0238the cake shop

DSC_0157the cake shop

DSC_0188the cake shop

DSC_0256the cake shop

وهذي كيكة الرد فيلفيت

واااايد لذيذه وترفه والفروستنغ بطعم الجبن مثل الرد فيلفيت التقليدية

حبيتها وااايد اكثر من الكيكة الثانية

والكل حب الرد فيلفيت اكثر

انصح تطلبونها وتجربونها

DSC_0265the cake shop

DSC_0271the cake shop

اللي يبي يطلب من ذا كيك شوب

عالواتس اب

97404744

@thecakeshop_q8

شكرا عالكيك الحلو

Popcorn New York جديد بوبكورن نيويورك بالكويت

5 Sep

DSC_0630popcorn new york

بوبكورن نيويورك ماركة نفيش جديده بالكويت

من امريكا

الحلو في هذا النفيش وحسيت انه يميزه عن باقي النفيش بالكويت

انه مغلف باكياس باحكام ويظل فريش لمده سنة

ممكن تحطه بالكبت وتاكله بعد شهر او شهرين عادي مايخترب على عكس باقي الانواع اللي تظل يومين وترطب

لازم تأكلونه بهاليومين او ترميه

اللي لفت نظري بالنفيش ان فيه نكهات غريبه وجديدة من ال٣٠ نوع عندهم

مثلا بامريكا في نكهه البيتزا والشيزبرغر

وعندنا في الشرق الاوسط نكهه الشاورما والكباب وليمون بالفلفل الاحمر

وشرق اسيا نكهاتهم بالواسابي والتوم يام والغرين كاري

بس متوفره حاليا ٦ نكهات مختلفة بالكويت

DSC_0664popcorn new york

جربت نكهه الجبن كانت مالحة لذيذه

ونكهه الزبدة كانت بطعم الزبده المالحه الحالية

ونكهه الاوريجنال كانت طعمها ذره بالسكر

وباقي النكهات

ملح وفلفل اسود

بصل مع كريمة حامضة

سبايسي باربيكيو

DSC_0645popcorn new york

بناتي حبوا النفيش وايد

DSC_0659popcorn new york

DSC_0668popcorn new york

DSC_0666popcorn new york

DSC_0676popcorn new york

النفيش لذيذ ونكهاته متنوعه ويظل فريش مده سنه ممكن تخزنونه

وتفتحون واحد كل مره تشتهون نفيش

هذا تلفونهم للطلب من الكويت

90969600

@popcornnewyork_kw

www.popcorn-newyork.com

مشكورين عالنفيش الحلو

ومشكوره لايف وذ ايوت عالنقصة ❤️
@lifewithayout_

Mooyah افتتاح مطعم موويا للبرغر الامريكي في المهبولة

9 Apr

DSC_0203mooyahDSC_0156mooyah

DSC_0111mooyah

وصلتني دعوة لتجربة مطعم موويا

Mooyah

المطعم امريكي من تيكساس فاتح من سنة ٢٠٠٧ بامريكا

والحين افتتحوا لهم فرع بالكويت في منطقه المهبولة

المطعم يقدم البرغر والبطاط و السلطات

نفس نظام المطاعم الامريكية السريعة

وتقدر انك تختار مكونات الصمونة

صمون ابيض او اسمر وتختار برغر لحم او دجاج او تركي او خضار

وتختار نوع الجبنة والصلصة والخضار

DSC_0150mooyah

DSC_0135mooyah

DSC_0143mooyah

DSC_0162mooyah

بانتظار طلبنا

DSC_0190mooyah

طلبنا برغر كلاسيك بالجبنة الشيدر

وبرغر المشروم مع الصمون الابيض

الصراحة كان طعم البرغر لذيذ وترف

DSC_0169mooyah

DSC_0171mooyah

عندهم سلطات بعد

انت تختار مكوناتها بنفسك

انا اخترت كل المكونات يعني كل الخضار باللسته واخترت الدجاج مع جبنه الشيدر

وصلصة الرانش والبلسميك على جنب

السلطة كانت لذيذة وخاصه الدجاج كان جوووسي وترف مع الجبن طلع عجييييب

نفس الدجاج اللي يستخدمون بالصمون شكلي بطلب ساندويش دجاج المره الياية

DSC_0183mooyah

بطاط بالجبن

حاطين الجبن السايح نفس اللي يحطونه مع الناشوز

DSC_0173mooyah

بطاطا حلوة وايد لذيذ من بره كرنشي ومن داخل تررف

العادة البطاطا الحلوه المقليه لما اجربها بالمطاعم تكون كرنشي بس فاضيه من داخل

لكن هذي حسيت بالبطاط ترف وسويت من داخل

DSC_0175mooyah

ميلك شيك فراولة كان عادي جيد

DSC_0152mooyah

مطهم موويا عندهم قعده داخلية وخارجيه

واللي يحب البرغر لازم يجربهم لان البرغر حلو عندهم

موجودين في المهبولة على البحر في مجمع ليفيلز

69988390

www.mooyah.com

@mooyahkw

Strawberry Cheesecake *جيز كيك بالفراوله الفريش طريقه جديده *واااو

10 Aug

مريت سابليه في منطقه الشهداء اليوم

ولقيت عندهم شيز كيك بالفراوله الفريش

شكلهم كان يشووووق كل حبه فراوله كانت كبيييره جامبو

وحاطين معاها كرات الجيز كيك عليهم طبقه خفيفه من البسكوت

وتحتهم صلصه فراوله

ماقاومت وشريت منهم درزن لبعد الفطور

وطلع الحلو نااااجح وايد لذيذ والكل استانس عليه

وفي بالصحن حاطين صلصه فراوله للتغميس

كانت لذيييذه مع الجيز كيك

انصحكم تجربونه للي يحب الفراوله

وايد خفيف ولذيذ

الدرزن كان ب ٧ دنانير

من سابليه

طلع سابليه مو هين مطلع شغلات حلوه لرمضان

لقطات من حلويات رمضان

28 Jul

كنافه ناعمه من الكنفاني

مع الستاند والشمعه

عشان الكنافه تظل حاااره

كانت الكنافه لذيذه

الكنفاني

1800555

بسبوسه من البحصلي

حلاوه الجبن

زنود الست كانت لذيييذه انصحكم فيها

البحصلي

1844111

Burger Fuel تجربتي لبرغر فيول في دبي

27 May

Burger Fuel

مطعم برغر فيول اهو مطعم من نيوزيلاندا والبرغر اللي عنده
من ابقار نيوزيلنديه متغذيه عالعشب فقط يعتبر البرغر اللي يقدمه صحي

كنا في دبي مول قلنا نجرب هذا البرغر بما ان احنا من عشاق البرغر الامريكي

يقدم المطعم برغر لحم ودياي وميني برغر واطباق جانبيه مثل الفرايز و الدياي المشوي

Fenders

قطع دياي مشوي كان وااايد لذيذ وجوسي

Fuel Basic with cheddar cheese

طلبنا كان البرغر العادي مع الشيدر

اللحم كان حلو والمكونات فريش لكن الخبزه كانت مو ذاك الزود

wholemeal bun كانت الخبزه مصنوعه من القمح الكامل

الظاهر عشان وجباتم تصير مفيده بس للاسف الخبزه قللت من لذه برغرهم

Doofer  في برغر فيول عندهم هذي المسكه من الكرتون  اسمها

الواحد يمسك فيها البرغر تظل البرغر بمكانها ومايطيح منها اي شي

وتخلي الواحد ياكل البرغر بنظافه بدون لا يوصخ الواحد ايده

فكرته وايد حلوه ويبيله كل مطاعم البرغر يوفرون لنا مثلهم

ميني برغر نفس الموضوع الخبزه من القمح

بطاطهم من النوع المتان

هل راح اكل من هذا المطعم مره ثانيه ؟

ما اعتقد الا اذا غيروا الخبزه او نزلوا خبزه نوع ثاني

لان متوفره مطاعم تقدم برغر الذ منه

موقعهم عالنت

%d bloggers like this: