راسلوني شركة فايف ستريبس لتجربه منتجهم
فايف ستريبس اهو مشروع متخصص بالكورن فليكس والحبوب والميوزلي الاورغانيك
فكرتهم وايد حلوه وصحيه
انك تختار مكونات الكورن فليكس الخاص فيك عن طريق موقعهم من ٦٠ مكون موجود
بخطوات جدا سهله وواضحه
المكونات كلها اوغانيك طبيعيه مافيها اي سكر صناعي او ماده صناعيه ومن افضل المكونات بالعالم مثل ماقريت بموقعهم
والفاكهه المجففه عندهم يجففونها بطريقة التجميد مثل اللي تستخدم لاكل رواد الفضاء و تنتج فاكهه مجففه محافظه على فيتاميناتها وطعمها
شكل علبهم اسطوانيه حبيت شكلهم وتشيل حوالي ٥٠٠ غرام من الكورن فليكس
كان هذا اختياري الشخصي للكورن فليكس
اخترت كل المكونات اللي احبها مثل الكاكاو
بس كاكاوهم دارك وصحي
للاختيار عده خطوات اول خطوه تختار الكورن فليكس الرئيسي اللي راح تكون الكميه الاكبر من العلبه
وبعدها تختار انواع مختلفه من الحبوب اللي تحب اضافتها للكورن فليكس الرئيسي
وبعدها تختار المكسرات والفاكهه المجففه واخر شي انواع مختلفه من الكاكاو الدارك الصحي
بعد اختيار كل المكونات تسمي الكورن فليكس الخاص فيك
وسميته كيفي ميكس وله رقم خاص كل ما ابي اطلب نفس المكس احط هذا الرقم ويرسلون لي نفسه
ومكتوبه عليه كل المكونات اللي طلبتها
كان كيفي مكس موفق وحبيييته وايد
لذيذ وبنفس الوقت ماحس بتأنيب الضمير لان ادري ان صحي وارغانيك
وما احتاج اني اضيف له اي سكر
ممكن تحطون معاه حليب او روب او مع فروزن يوغرت بعد 🙂
وعندهم بعد خلطات جاهزة للي محتار شنو يختار
وارسلولي خلطتهم البيري فنان
ميوزلي التوت
فيها انواع التوت مع الفراوله مجففه مع حب شمسي وحبوب مختلفه
حبيت الكينوا بف كان يشوق بالاكل لازم تجربون اضافه الكينوا بخلطتكم
كان لذيذ المكس لكن يحتاج اضافه سكر او عسل مع الحليب
طبعا كيفي ميكس حبيته اكثر من البيري ميكس لاني احب الكاكاو
استمتعت وانا اختار كل مكونات الكورن فليكس
الصراحه مشروع وااايد حلو وصحي
والحين بعد ما جربته ماعتقد راح اخذ الكورن فليكس الجاهز بالجمعيات فيه صنف واحد بس
الموقع حاليا يوصل للكويت وقريبا لدول الخليج
هذا موقعهم للي حاب يصنع الكورن فليكس الصحي الخاص فيه
www.5stripes.com
اشكركم عالتجربه الحلوة فكره مميزه ولذيذه وصحية
Like this:
Like Loading...
Tags: 5 stripes, cereal, chocolate, corn flakes, crunch, customized, fruits, healthy, mix, muesli, organic, seeds, كورن فليكس, ميوزلي, ميوسلي, اورغانيك, اختياري, حبوب, صحيه
