Tag Archives: delivery

Alba Dolci حلو اليوم من ألبا دولشي

29 Aug

DSC_0569alba dolci

 

DSC_0546alba dolci

حلو الزواره اليوم برعاية

ألبا دولشي

جربنا نوعين حلو

DSC_0579alba dolci

AD Choco

حلو كيك الكاكاو

طبقة بسكوت عليها كيك كاكاو ترف وصلصه بيضا

ومغرقينه كاكاو ساااايح

طعمه بالضبط مولتن لذيييذ

حبيته وااايد

اللي يحب سوالف المولتن والكاكاو الدسم اكيد راح يعجبه

DSC_0581alba dolci

DSC_0597alba dolci

DSC_0591alba dolci

DSC_0551alba dolci

DSC_0555alba dolci

Frozen Heat

هذا الحلو الثاني

عباره عن طبقه كيك كاكاو مع صلصه كاكاو سايحه وعليها طبقه بيضا

طعمها مثل الجيزكيك

ومعاهم ايس كريم على جنب اللي بالقرشه

كان طعمه حلو

DSC_0557alba dolci

DSC_0560alba dolci

وصلنا الايس كريم ذايب

ما ألومهم على هالحر اكيد بذوووب

كان المفروض نحطه بالفريزر الايس كريم بس ما نطرنا واكلناه مع الحلو

DSC_0563alba dolci

DSC_0567alba dolci

حبيت حلو كيك الكاكاو اكثر من هذا لاني احب سوالف المولتن

عندهم تشيكله حلويات اكثر في حسابهم الانستغرام

@alba_dolci

وهذا رقمهم للطلب والاستفسار

97808333

يعطيكم العافيه عالشغل المميز

Oliversan اطباق ماكي وزي برغر في مطعم اوليفرسان

25 Aug

DSC_0212oliversan

مطعم اوليفرسان الاسيوي المعاصر

من المطاعم الاسيوية المفضله بالنسبه لي

يقدمون اكل صيني تايلندي بنكهه لذيذه جدا وبجوده عاليه

والخدمة والمكان ٥ نجوم

لذلك لما اشتهي اكل صيني لذيذ وخدمة ممتازه على طول امرهم في محلهم في برج جاسم

الحلو في مطعم اوليفر سان ان فيه اطباق مطعم ماكي واطباق مطعم زي برغر

لذلك اقدر اشكل صيني ياباني امريكي بنفس الطاوله

ويرضي اذواق الكل

دايما مع صديقاتي مو الكل يحب صيني ويبون برغر

فنروح هالمطعم بعضنا نطلب صيني والباقي يطلبون برغر امريكي

DSC_0224oliversan

Tom Yam Seafood Soup

لاااازم بأي مطعم اسيوي اطلب شوربه التوم يام لذيييذه وعطرية وسبايسي

مع المشروم والربيان

DSC_0236oliversan

Rice Noodle Salad with Crispy Spring Roll

السلطة مع السبرينغ رول

والصلصه سويت بالفول السوداني لذييييذه انصح فيها

DSC_0252oliversan

Crispy Dragon Prawn

طبقنا المعتاد في كل زياره

ربيان الدراغون سبايسي لذيييذ

DSC_0298oliversan

Mongolian Ostrich W/ Thai Basil

منغوليان بلحم النعّام

اول مره اجرب لحم النعام طلع قريب من لحم البقر اكثر من الدجاج

تجربه حلوه ان اجرب لحم نعّام بس طعمه مايفرق عن اللحم البقري وايد

DSC_0256oliversan

وطلبنا اطباق مطعم ماكي بعد 🙂

DSC_0259oliversan

Edamame Salad

سلطة الايدامامي ادمااان بس دسمه وثقيله

DSC_0262oliversan

Issa Mame Maki

طبعا طلبنا عيسى ماكي من احلى الماكي اللي عندهم

بس ليش مو حاطين كيفي ماكي بالمنيو اللي بأوليفرسان

لاااازم تنزلون كيفي ماكي بالمنيو

نبي نشوف الماكي مالنا بعد 🙂

DSC_0266oliversan

Negimayaki

نيغيماياكي رولات اللحم بالبصل الاخضر

المفضل عندي

DSC_0297oliversan

وطلبنا اطباق زي برغر بعد

تشكيلة حلوه للي حاضرين

DSC_0296oliversan

Issa Wagyu Brgr

طلبنا عيسى برغر بجبن الموزريلا والمشروم والبصل المكرمل  مع البريوش

اللي كلاها مدحها وااايد

يقدمون البرغر بنوعين لحم

الانغوس والواغيو وكل نوع ألذ من الثاني بس طبعا الواغيو اغلى

DSC_0282oliversan

Angus Bites

ستيكات ميني مع بيض السّمان وصلصه الترياكي

DSC_0276oliversan

Zee Mushroom Fries

بطاط بصلصه المشروم

DSC_0301oliversan

Smoked Kung Pao Salmon

هذا من اجدد اطباق مطعم اوليفرسان

سلمون مدخن بصلصه الكونغ باو

للي يحب السلمون لازم يجربه

DSC_0306oliversan

DSC_0312oliversan

Smoked Kung Pao Salmon

DSC_0317oliversan

DSC_0320oliversan

جربنا اطباق متنوعه صيني على ياباني على امريكي

وذقنا اكثر من نوع كل واحد ألذ من الثاني

الصراحة شي حلو لما اروح مطعم وكل شخص يطلب على ذوقه ومايلتزم بنوع اكل معين

ويطلع الكل راضي ومستانس 🙂

مطعم اوليفرسان في برج جاسم

وعندهم توصيل بموقع طلبات وبموقعهم بعد

+965-22901051

كل الشكر عالغدا اللذيذ المتنوع

Ma6bkhy موقع مطبخي المتخصص بأكل البيوت

19 Jul

Ma6bkhy.com

موقع مطبخي دوت كوم اهو اول موقع كويتي متخصص بعرض وبيع

“اكل البيوت”

من حلويات وموالح وسلطات ومقبلات واطباق رئيسيه

موقع مطبخي يعرض لكم جميع الاكلات المتوفره بالصور والمعلومات

وممكن تطلبون اي طبق بضغطه رز بس

موقع مطبخي يتابع الطلب الى ان يصل لعند باب بيتكم

الموقع وايد حلو ويسهل الوصول لعده من الاطباق او الطباخين

الطلب والدفع يكون بالموقع

والحلو فيه نظام تقييم الطبق

مثلا كلما زاد انتشار الطبق بالتويتر او الفيس بوك والناس تكلمت عنه اكثر

تزيد درجه الطبق بالموقع وبهذي الطريقه ممكن نعرف الاطباق الاكثر شهره واللي عليها طلب

هذا لينك للموقع

http://www.ma6bkhy.com/

مذركير مسوي خدمه الطلب اونلاين

4 Mar

mothercare

مذركير مسوي خدمه الطلب على موقعهم الالكتروني

حاط فيه كلللل بضاعته

وممكن تطلبين اونلاين ويوصل لج لي البيت

اذا الطلب كان اكثر من ٤٩دينار

التوصيل مجاني

بس اذا كان اقل سعر التوصيل ب ٥ دنانير

في خدمه حلوه بالموقع مجانيه

ممكن تنقين القطعه اللي تبينها وتطلبين يوصلونها للمحل وتمرين تاخذينها

بدال لا تحوسين عالقطعه بالمحل وتضيعين وقتج وممكن تكون خالصه

خدمه حلوه بس لو يقللون سعر التوصيل اشدعوه ب ٥ دنانير ؟؟ وايد

موقع مذركير

Update

الموقع الاونلاين عنده شغلات ارخص من المحل

مثلا امس شريت كرسي بوستر للسياره سعره ب ١٥ دينار من المحل

لما رديت البيت وشفت نفس الكرسي عالموقع ب ١٢ دينار

دقيت عليهم واستفسرت قالوا اي في بضاعه ارخص عالاونلاين والاسعار مو ثابته

نصيحه : قبل لا تشترون شي شوفوا عالموقع الاونلاين ممكن يكون ارخص من المحل

مطاعم كراون بلازا توصيل للمنازل

29 Feb

فكره حلوه

room service وانت بالبيت يوصلك اكل الفنادق جنه

order online

%d bloggers like this: