Tag Archives: dinner

Cheesecake Factory غدانا في شيزكيك فاكتوري بالغراند افينيوز

24 Nov

من قبل جربنا شيزكيك فاكتوري في دبي مول

وحاليا قبل فتره بسيطه افتتح له فرع ثاني بالكويت

مريناه في الغراند افينيوز وماشاء الله كبير وايد ومكانه عجيب بالمجمع وشرح

Grilled chicken Tostada Salad

تورتيلا كبيره وعليها دياي مشوي وفاصوليا وخضره

مع صلصه الافوكادو والخل

كانت حجم السلطه كبييير يكفي ل٤ اشخاص

وكانت حلوه

Four Cheese Pasta

(باستا الاربع اجبان (موزريلا وريكوتا ورومانو وبارميزان

كانت جيده

Chicken Madeira

دياي مع جبن موزريلا ومشروم وهيليون مع صلصه حاليه سويت شوي

كان الطبق جيد

Brioche Breakfast Sandwich

ساندويش البيض والبيكون والشيدر مع بطاط هاش براون

Lemon with mint

ليمون بالنعناع

نسيت اسمه

اهم طبق بالقعده كلهااااا

Red velvet cheesecake

ريد فيلفت شيز كيك

كانت خيااااااليه مو طبيعيه عجييييبه لازم تطلبونها

الشيز كيك مالهم خفيييف ولذيذ

طلعت الفاتوره لهذي الاطباق

 ٣١ دينار

Hakkasan غدانا في المطعم الصيني بدبي

30 May

Hakkasan

مطعم هاكاسان الصيني اللي فتح اول فرع له في لندن عام ٢٠٠١

وفتح له فروع في امريكا والامارات والهند

سمعت عن هذا المطعم كلام حلو قلت بما اني في دبي اروح واجرب هذا المطعم

وانقل لكم تجربتي فيه

المطعم متواجد في ابراج جميرا الامارات

القعده  حلوه والمكان هادي والديكورات روعه

شفنا المينو متنوع ومسوين عرض مقبلات وطبق رئيسي و حلو ب ١٢٠ درهم

قلنا نختار هذا عشان ننوع

Hot & Sour soup with Chicken

شوربه حاره حامضه بالدياي كانت حلوه بس حاااامضه وايد

Scallop and Prawn dim sum

مقبلاتهم كانت ديم سام بالربيان والسكالوب كان الربيان زفر شوي

Stir-fry rib eye beef with black pepper sauce

ستيك مقطع بصلصه الفلفل الاسود

كان وايد لذيييذ واللحم ترف

بس عاد الطبق صغييييير جنه ذواقه مو طبق رئيسي

Sweet and sour chicken with pomegranate

دياي حامض حلو مع رمان

العاده متعودين بهذا الطبق يكون فيه اناناس لكن مطعم هاكاسان حاط فيه رمان كان وايد حلو

وكان فيه اناناس فريش بعد

Spicy prawn
with lily bulb and almond

ربيان سبايسي وايد لذيذ

مع كل طبق رئيسي ايي معاه عيش ابيض و خضار

لازم الصويا صوص مع الاكل الصيني

Sorbet

الحلو كان سوربيه ايس كريم بنكهات مختلفه مثل الاناناس والرمان وجوز الهند

كان حلو وخاصه الحلاو اللي تحت حاطينه عطاه نكهه حلوه بالطعم

Lemon Tart with frozen yougert

تارت الليمون مع ايس كريم الروب بالليمون

كانت حلوه

مطعم هاكاسان كان وايد لذيذ بس مشكلته ان اسعاره مبالغ فيها

وكميه الاكل قليييييله

مثلا انا دافعه عالطبق الرئيسي ١٠ دنانير احصل على صدر دياي بس؟؟ او قطعه ريب اي صغييييره

الظاهر مسوين نفس الفنادق كميات قليله وشكل حلو وصلخ بالفاتوره

المطعم حلو حق رجال الاعمال او لعزيمه او مناسبه

بس نصيحه لا تاخذون اليهال لان المطعم رسمي انا وديت بنتي وتحسفت اذتنا وايد

وماكان في كرسي للاطفال ولا مينو للاطفال

طلعت الفاتوره حوالي ٦٠ دينار

هل يسوا المطعم ؟ اذا عندك فلوس وودك باكل صيني راقي ولذيذ روح له

موقع المطعم عالانترنت

China Garden تجربتنا للمطعم الصيني

13 May

ذاك اليوم كنا يواعه واشتهينها اكل صيني

قلنا نجرب جاينا غاردين توصيل للمنازل

كلمت المطعم والهندي اللي رد علي بالتلفون مدح لي هذي الاطباق

بما ان اول مره نجرب المطعم وخذيت بكلامه

Giant Egg Rolls

لفائف البيض كانوا لذيذين اعجبوني

Wok Charred Beef

كان هذا الطبق وايد حلو بس اللحم اللي فيه شويه جم قطعه بس وتارسين العلبه بصل اخضر !!

Shrimp Sizzling

ربيان مع خضار كان الطبق جيد

Singapore Noodles

نودلز سنغافوريه ماعجبتني حسيتها متروسه نكهه كاري او كركم

انا شخصيا ماحب الكاري يمكن اللي يحب الكاري تعجبه

Nutella Wontons

وانتون نوتيلا امبييييه خياااال لذيذ مقرمش وفريش عجبني وااايد

بس يبيله تزيدون النوتيلا شوي ويطلع تماااام

اعتقد بالمستقبل راح اطلب من جاينا غاردن بس عشان هذا الطبق نوتيلا الوانتون عجييييب

المطعم بشكل عام يعتبر جيد بالنسبه لمطعم توصيل منازل

والمينو مالهم فيه اطباق متنوعه ممكن اجرب بعضهم بالمستقبل

طلبنا هذا طلع ب ١٢.٣٥٠ دينار

تلفونهم 25720010

Fauchon زيارتي لمطعم

21 Mar

امس مريت كافيه فوشون للعشا

وكان هذا طلبنا

سله الخبز هذي للضيافه

غرااامي خبز وزبده

شوربه المشروم يحطونها بقوري ويصبها الغرسون جدامج

الله يهداه كان مستعجل اقوله لحظه لحظه بصور واهو مطنش وصبها ومامداني اصور لكم كره المشروم اللي كانت بالصحن

كانت الشوربه حلوه

Chicken Ceaser Salad with Goat Chesse

سلطه داياي سيزر مع اللي فوقها جبن ماعز مقلي

السلطه كانت عجيبه وخاصه جبن الماعز كان لذيذ

Fauchon Club Sandwich

كلوب ساندويش فوشون فيه تركي ولحم بتيلو وبيض وجبن

كانت جيده

Mini Burgers

ميني برغر الصراحه كانوا حلوين بالنسبه لمطعم مو متخصص بالهمبرغر

طبعا مايصكون على شيك شاك اواليفيشن برغر

هذي الميني برغر كانت مجانا للتجربه

يبون يغيرون الهمبرغر وسالونا اشرايكم بهذي اليديده احلى؟

الصوص مالها وايد الذ من البرغر القديم كانت احلى

بيبسي حبيب الكل

هذي صينيه الحلو مالهم بس ماكان في مجال ناكل لان شبعناااا

هذا اغلى طبق عندهم كافيار ب ٥٠ دينار

كافيه فوشون في مجمع ٣٦٠

موقعهم عالنت

%d bloggers like this: