Tag Archives: dubai

Motiongate Dubai حديقه الموشن غيت دبي

15 Jan

dsc04176motiongate

حديقة الموشن غيت دبي

هذي وحده من حدايق دبي الترفيهيه اللي بجانب الليغو لاند

هذي الحديقه كبيره وممتعه  ويبيلها يوم كامل للعب الالعاب اللي فيها

احنا دخلنا لها بعد ما خلصنا الليغو لاند عال ٦ المغرب وقعدنا فيها حوالي ساعتين ما لعبنا كل شي فيها لان الوقت ما يمدي

وفي اقسام مافتحت الى الان

مقسمه هذي الحديقه الى اقسام الاستوديو المصنع للافلام

استوديو كولمبيا واستوديو دريم ووركس واستوديو ليون غيت ومدينه السنافر

dsc04177motiongate

dsc04181motiongate

استوديو كولمبيا بكتشرز

فيه فلم ذا ميت بولز وحبيت تصميم المطعم وايد

مثل اللي صار بالفلم للي شافه

dsc04183motiongate

dsc04184motiongate

dsc04185motiongate

dsc04187motiongate

dsc04186motiongate

dsc04189motiongate

dsc04190motiongate

وهوتيل ترانسيلفينا

dsc04193motiongate

مدينه السنافر

dsc04194motiongate

dsc04196motiongate

dsc04198motiongate

ستوديو دريم ووركس

dsc04199motiongate

وهذي افلامه

dsc04201motiongatedsc04202motiongatedsc04204motiongatedsc04207motiongatedsc04209motiongatedsc04210motiongate

Dubai Parks & Resorts منتجعات و حدائق دبي

13 Jan

dsc04124legoland-dubai

دبي باركس اند ريزورتس

حدائق دبي الجديدة اللي فيها ليغو لاند

مكان كبير مخصصينه للالعاب موجود في نهايه دبي في طريق اللي يودي ابوظبي

الحدائق الموجودة او الاماكن فيها

ليغو لاند /ليغو لاند المائية / موشن غيت / بوليوود / مدينه النهر للمطاعم

فندق لابيتا

تذكره الدخول لكل مدينه او حديقه منفصله

الا اذا اخذت تذكره شامله وحاليا في عرض حلو لنهايه يناير يشمل ٣ حدايق ب ٣٠٠ درهم للشخص

dsc04129legoland-dubai

الليغو لاند فيها اكثر من قسم داخلها منها الملاهي والالعاب والمطاعم السريعه ومصنع الليغو وغيرها

المدينه ممتعه وكبيره وايد يحتاج لكم يوم كامل للعب فيها

llw-attractions-620x400_0001_twin-chasers

ليغو لاند المائيه مفتوحه حاليا وتستقبل الزوار لكن ما دخلنا لها لان الجو حاليا بارد قلنا نرد لها بالصيف افضل

dsc04177motiongate

الموشن غيت اهي حديقه كامله فيها بعد العاب وملاهي للاطفال والكبار ومقسمه بعد على حسب الاستوديو اللي انتج الافلام

مثلا قسم دريم ووركس فيها مدغشقر وشريك وهاو تو ترين يور دراغون وكونغ فو باندا

وقسم كولمبيا ستوديو فيه ذا ميت بولز ووهوتيل ترانسلفينيا

وفي مدينه السنافر الحديقه كبيره وتحتاج يوم كامل للاستمتاع بكل العابها

بوليوود هذي ما دخلناها صار الليل وتعبنا ومشينا هذي تنفع للي يتابع الافلام الهنديه

dsc04126legoland-dubai

مدينه النهر هذي الدخول لها مجاني ومفتوحه فيها بس مطاعم ومحلات للتسوق  والمطاعم اللي فيها عالميه ومشهوده وذات مستوى

العادة في مدن الملاهي تكون المطاعم سريعه محليه وخاصه بالحديقه وغاليه والاكل دون المستوى

وفندق لابيتا هذا تابع لفنادق ماريوت

الميزه فيه ان تريح العصر بالفندق وترد تلعب بالحدايق وان تذاكر الحدايق مجانيه خاصه ان سعر التذاكر غاليه

لكن شيكت على سعر الفندق يعتبر غالي

www.dubaiparksandresorts.com

Bestoon Samad مطعم بيستون صمد دبي

11 Jan

dsc04266beston-samad

جربت مطعم بيستون صمد العراقي

في مجمع الغرير في دبي

زرناه في الويكند كان المطعم زحمه بشكل مو طبيعي

انتظرنا طاوله لمده ساعه كامله

وكانت الضيافه سلطه مع شوربه عدس

dsc04269beston-samad

خبز التنور عندهم عجيييب

dsc04271beston-samad

شوربه عدس ضيافه مجانيه منهم

dsc04273beston-samad

لبن مدخن

شخصيا ما حبيته بس الاهل حبوه

dsc04278beston-samad

ينشرب بالقفشه 🙂

dsc04275beston-samad

حمص وبابا غنوج لذيذين مع خبز التنور

dsc04279beston-samad

مشاوي مشكله

الكباب احلى شي بالطبق

الكباب عندهم متروس شحم كان محمش ولذيييذ مايصلح للدايت كلش

dsc04281beston-samad

مقلوبه دجاج وعليها الباذنجان ومعاها مرقه باميه ومرقه فاصوليا

كانت لذيييذه

بس الكباب كان الطبق الفايز عندهم وعشانه ممكن ارد اكل بالمطعم مره ثانيه

مطعم بيستون صمد في مجمع الغرير في دبي

bestoonsamadrest

Soy مطعم صوي للاكل الصيني في دبي

17 Apr

DSC01475movempick

اول مره اجرب مطعم صوي في مجمع ابن بطوطه

في عندهم فرع وفي دبي مول

المطعم صيني والاكل سعره معقول مو غالي يعتبر مطعم مو كشخه

لكن حبيت الاكل عندهم

DSC01479movempick

Tom Yum

شوربه التوم يام بالربيان كانت لذيذه وسبايسي

DSC01481movempick

Crispy Honey Chicken

هذا طبق مقبلات دياي مقطع ضعااااف ومقلي كرسبي مع عسل

واااايد لذييييذ حبيت هالطبق اول مره اكل قطع دياي ضعاف جذي جنهم بطاط ضعاف

DSC01487movempick

Bleck Pepper Beef

هم لذيذ هذا الطبق لحم بصلصه الفلفل الاسود مع الخضار الفريش واللحم ترف

DSC01488movempick

Shrimp chow mein

ولازم نودلز مع الاكل الصيني هم كان النودلز لذيذ ضعاااف وخفييف

صوي خوش مطعم اذا تبي صيني ورخيص اعتبره فاست فوود بس شغل مرتب

Joe’s Crab Shack مطعم جوز كراب شاك للاكل البحري في دبي

16 Apr

DSC01326movempick

DSC01325movempick

مطعم جوز كراب شاك مطعم امريكي متخصص بالاكل البحري

المطعم عنده سلسله فروع منتشره بامريكا واول فرع يفتح بره امريكا في دبي الامارات في دبي مول

مقابل الاكواريوم وانت تاكل تشوف السمج رايحين ورادين 🙂

المطعم صار له ٦ شهور فاتح تقريبا

DSC01338movempick

DSC01353movempick

لاحظت في هذي الغرفه الموظفين قاعدين وياكلون فيها

مادري هل يجربون الاطباق او هذا مكان استراحتهم

حسيت شغله حلوه بالمطعم يقدرون موظفينهم

DSC01331movempick

لازم رول الكلينس حق الاكل البحري لان لازم تكسرون القباقب وام الربيان وتصير معركه 🙂

وتب الكبير اللي ورا عشان نقط فيه القشور

DSC01356movempick

هذي عده التكسير 🙂

DSC01360movempick

بسم الله نبدا 🙂

DSC01349movempick

طبق المقبلات هذا نصحنا فيه مدير المطعم

وكان صج لذيذ

الكلاماري فريش وكرسبي وكرات الجبن بعد لذيييذه

اما تغميسه القباقب بالجبن كان زفر شوي

DSC01362movempick

طلبنا جدر ام الربيان كان حجمها كبير وراهي ومعاها بالجدر وايد شغلات لذيذه

مثل الربيان والمحار والذره والبطاط المفيوح وقطعه صوصج كبيره

توقعت البطاط والذره يصيرون زفرين بما انهم بنفس الجدر لكن بالعكس كل شي كان لذيذ وبدون اي زفره كلش

بس المشكله معاي كان ان اللوبستر والربيان مافيه نكهه مفيوح بس احبه مع صلصات

فطلبت صلصه ليمون بالزبده للتغميس

DSC01372movempick

DSC01364movempick

وبما ان يايين مطعم كراب لازم نجرب الكراب 🙂

القبقب كان جدا ضخم وتكسير الايد وتعال طلع اللحم كان مغامره الصراحه

ماينفع حق الناس اللي يايه المطعم بتكشخ يعني لازم تطب رواسي بالجدر وعقب في مغاسل تغسل ايدك بالصابون

بس القبقب ماعجبني وايد ام الربيان كانت وايد الذ

DSC01363movempick

كانت تجربه حلوه بس يبيلها مزاج ان تقشر وتوصخ ايدك

اللي يحب الاكل البحري وبسعر مناسب لازم يجربه

موجود المطعم في دبي مول بالطابق العلوي مجابل الاكواريوم

www.joescrabshack.com

Movempick Ibn Battuta فندق موفمبيك ابن بطوطة في دبي

15 Apr

DSC01436movempick

DSC01438movempick

في زيارتي الاخيره لدبي سكنت في فندق موفمبيك ابن بطوطة

كان سعره مناسب في فتره كانت كل الفنادق غاليه

وقلت بما انه ملاصق لمجمع ابن بطوطه هم ميزه اذا حبينا نتسوق او نتمشى فيه

الفندق بعيد شوي عن برج خليفه ودبي مول

DSC01427movempick

اللوبي للفندق خيااااالي ماودك تركب الغرفه وتهد هالمنظر

DSC01416movempick

خذنا غرفه ديلوكس والمنظر مطل عالشارع صوب البر كان كلش مو حلو المنظر

الغرفه مريحه ونظيفه وواسعه

صار لنا موقف مع الفندق ان طلبت ثلج من خدمه الغرف لشرب الكولا احبه مع ثلج

لكن قالوا الثلج ب ٢٠ درهم استغربت وحزتها كان بخاطري الكولا فقلت اوكي طرشوا الثلج

وبنفس الوقت ارسلت ايميل شكوى لشركة موفمبيك الام وقلت لهم هذي خدمه بسيطه في فندق ٥ نجوم معقوله يدفعونا عالثلج

رحنا حق سلسله فنادق مختلفه وكانت خدماتهم مميزه وانتوا تدفعونا عالثلج

وطلعنا ورديت الكويت ونسيت الموضوع ولا واصلني بعد اسبوع ايميل من الشركه الام تعتذر عاللي صار

وبلغوني ان مبلغ الثلج راح يرد بالفيزا وانهم بالعاده ماياخذون فلوس عالثلج وهذا خطأ صار من فندق ابن بطوطه

حلو ان في اداره تتابع فنادقها وترد عالشكاوي وتعالجها

DSC01417movempick

DSC01418movempick

DSC01421movempick

DSC01420movempick

DSC01425movempick

The Oberoi Dubai

13 Nov

DSC_0519oberoi

DSC_0513oberoi

فندق اوبروي دبي من الفنادق ذات ال٥ نجوم اللي شفت تقييم جدااا عالي لها في النت

وصل الى ٩.١ ومعظم الريفيو عنه راضيين عنه الناس وحابينه

سلسله فنادق اوبروي عالميه واصلها فنادق هنديه

مكانه بجانب برج خليفه ٥ دقايق بالسيارة

حجزت عندهم للويكند

الفندق مكانه للاسف كلش مو حلو مدعوس بين مباني عاليه وجاري بنائها يعني مو على شارع رئيسي

واللوبي واايد صغير

الحين انيي للغرفه

وااايد شرررحه وواسعه ومريحه ونظييفه والاثاث مودرن

والحمام تكرمون حجمه كبييير كبر غرفه بفنادق ثانيه

الحلو بالغرفه زياده على حجمها الكبير اهي الطوفة كلها من زجاج من فوق لي تحت شرررحه

لكن المنظر لغرفتنا مو حلو صوب مباني جاري انشائها

طبعا في عندهم منظر مقابل حمام السباحه ومنظر صوب برج خليفه لكن لازم تدفع زياده

وسعر الفندق جدا غالي الصراحة على مكانه

في فنادق بنفس السعر وخمس نجوم ومكانها وااايد افضل مطله على شارع رئيسي او على البحر او على مول

الفندق حلو لكن غالي بالنسبه لموقعه

اكيد بالمستقبل بختار فنادق ثانيه

واعطيه تقييم ٧ من ١٠ لان عندي الموقع جدا مهم

DSC_0510oberoi

DSC_0518oberoi

DSC_0597oberoi

DSC_0601oberoi

DSC_0602oberoi

DSC_0604oberoi

DSC_0606oberoi

DSC_0608oberoi

DSC_0623oberoi

DSC_0620oberoi

DSC_0613oberoi

DSC_0504oberoi

الاكل من خدمة الغرف كان للاسف مو حلو كلش

DSC_0617oberoi

عجبني بس طبق الاجبان كان وايد لذيذ

www.oberoihotels.com

Krush Burger مطعم كراش برغر في دبي

3 Aug

DSC_0445_2krush burger

DSC_0441_2krush burger

في زيارتي لدبي مدحوا لنا مطعم كراش برغر

اهو فرانشايز من امريكا ومتواجده فروعه في كاليفورنيا بس

وموجود فرع واحد خارج كاليفورنيا في دبي مقابل دبي مول

DSC_0442_2krush burger

البرغر عندهم بالحجم الميني سلايدر

وحجمهم اعتبره متوسط مو صغير تقريبا كبر الشيز برغر مال مكدونالدز

وممكن تختار كومبو نوعين سلايدر مع بعض وبطاط ومشروب يصير اوفر من ان تطلب حبه وحده بس

المنيو عندهم صغير

٣ انواع برغر ميني لحم ونوع واحد شكن ميني

ونوعين بطاط العادي والبطاطا الحلوه الكور

DSC_0452_2krush burger

اوريجنال برغر

لذيييذه ترررفه جوسيه نكهة اللحم لذيذه وكل المكونات فريش

عيبهم ان يحطون صلصه وااايد اللي تخر خر من الصمونه

ممكن تطلبون الصلصه على جنب وانتوا تتحكمون بالكميه

اعرف ناس تحب تغرق صمونتها بالصوص لذلك الناس اذواق بالاكل

DSC_0453_2krush burger

البافلو شكن مع سلطه الكولسلو

وايد لذيذه وترفه وسبايسي عجيبه للي يحب البافلو

وطلبنا منها بدون صلصه بافلو دجاج سادة للاطفال كانت لذيذه بعد

DSC_0451_2krush burger

بطاطهم كرنشي يقرمششش

وكرات البطاطا الحلوه بعد لذيذه جدا

DSC_0445_2krush burger

DSC_0455_2krush burger

DSC_0457_2krush burger

موجود مطعم كراش برغر في فندق المروج روتانا اللي مقابل دبي مول

ومدخله خارجي بره الفندق

وفيه قعده داخليه طابقين وخارجيه بس الجو حاليا مايسمح

برغر لذيذ جدا وينافس مطاعم البرغر القوية

www.krushburger.com

Wild Wadi مدينه وايلد وادي المائيه دبي

15 Sep

في زييارتنا السابقه لدبي

سكننا في فندق ميناء السلام بالجميرا

هذا تقريري عنه 

ومن خدمات الفندق ان الدخول لمدينه وايلد وادي المائيه مجانيه

لذلك استغلينا الفرصه وزرناها

وايلد وادي وااايد كبيره وفيها العاب مائيه متنوعه لكل الاعمار

منها النهر المائي

والزحلاقيات عندهم اكثر من نوع

وممتعين للكبار

ومنطقه العاب الاطفال

مكان العاب الاطفال حجمه كبير

وموفرين فيه الزحلاقيات والنوافير ورشاشات الماي

ممتع جدا للاطفال

Surfing ويوجد قسم ركوب الامواج

كان حلو للطماشه وتشوف معظم الناس لاعب فيهم الموج 🙂

وفي الوايلد وادي ٥ مطاعم

منها للمشاوي والبيتزا والبرغر والاكل الهندي والباستا

وطبعا الاسعار مبالغ فيها

مثلا الصوره اللي فوق كان من مطعم جلشانس

Julshan’s Kitchen

كان يقدم الوجبات السريعه وللاسف سيء جدا كل اكله مافيه طعم وسعره مبالغ فيه

حتى الشكن نغيتس ماكان فيه طعم وبنتي ماقدرت تاكله

وفي اليوم الثاني غيرنا المطعم وتغدينا في مطعم السندباد

Sinbad’s Galley

وطلبنا السباغيتي كان لذيذ

وطلبنا مرق دياي بالزبده مع خبز البراثا او الجباتي كان لذيييييذ

انصحكم اذا بتزورون وايلد وادي تاكلون في مطعم السندباد

وطبعا متوفره اماكن عديده تبيع البيبسي والعصير والايس كريم

والفاكهه الفريش بعد موجوده

وهذا حوض الامواج

كانت زيارتنا لمدينه وايلد وادي ممتعه جدا

وحتى اليهال استانسوا

لكن للي مايحب يشوف مناظر مثل البكيني انصحه لا يروح لها

لان معظمهم اجانب وماعندهم حرام وحلال

وايلد وادي في الجميرا

زيارتي لمدينه اكوافنتشر المائيه – اتلانتس

موقعهم

KidZania مدينه الاطفال في دبي

27 May

Kidzania

مدينه كيدزانيا اهي مدينه للاطفال يعيش فيها الطفل واقعنا اليومي في الحياه

كل طفل يشتغل في هذي المدينه لكسب الفلوس ومن ثم انفاقها على وناسته

مثلا ممكن الطفل يتشغل شرطي او رجل مطافي او طبيب او طباخ او مربي اطفال

او اي شغله يشتغلها البالغين في الواقع

ويحصل عليه فلوس بس مو حقيقيه اهي بعمله كيدزانيا

فكره المكان وايد حلوه للاطفال يعطيهم فكره عن الحياه وبنفس الوقت ممتعه جدا

 بدأت فكره كيدزانيا في المكسيك وحاز على شعبيه كبيره ومن ثم انتشر بالعالم في ٨ مناطق

وراح يفتح بالكويت في الافينيوز هذي السنه ان شاء الله

اول شي تقطع تذكره للوصول الى مدينه كيدزانيا

كشخه عالاماراتيه والدرجه الاولى

ويعطونكم شيك فيه ٥٠ كيدوز (عمله كيدزانيا

ياخذ الطفل الشيك ويصرفه بالبنك

وهذي اهي فلوس كيدزانيا ممكن يستخدمها الطفل باللعب

واذا خلصهم لازم يشتغل ويجمع فلوس ويلعب فيهم

حلووه الفكره تفهم الطفل ان لازم يشتغل ليشتري اغراضه

هذي مدينه كيدزانيا مسوين المباني صغيره للاطفال

وكل شي فيها مقارب للواقع

اهني يشتغل الطفل طبيب اسنان وبعد تنظيف اسنان المريض يدفعون لهم فلوس

وهذا مطعم بيتزا يصنع الطفل البيتزا بنفسه وبعدين ياكلها

وهذا قسم المطافي يشتغلون الاطفال رجال مطافي وطفوا الحريقه

ويدفعون لكل طفل ١٠ كيدوز

يعطيهم العافيه 🙂

قسم الشرطه

وهذا يعلمون الاطفال الغناء وبعدين يخلونهم يغنون عالمسرح الكل بالمدينه يشوفهم

قسم الرسم

الصالون للمكياج

مصنع الحليب الطفل يختار النكهه اللي يبيها

البنك ووظيفه السيكوريتي توصيل الفلوس من البنك الى المتجر

تعليم قياده السياره الحصول على ليسن لقياده السياره

العنايه بالاطفال

العمل بالاذاعه

تعليم الطبخ واكل اللي صنعوه الاطفال

صالون للمنيكير

الجمعيه

العمل في ماكدونالدز وصنع وجبتهم

هذي تقريبا ربع الاماكن لعبتهم بنتي

ولا في وايد محلات مادخلتهم وما مدانا تلعبهم مع ان قعدنا ٣ ساعات

يبيله بالمستقبل من الظهر الواحد يدخل اعياله لي الليل

مدينه كيدزانيا في دبي مول

موقعهم عالنت

The Address Dubai Mall Hotel- الاقامه في فندق العنوان دبي

26 May

The Address Dubai Mall Hotel

 قبل اسبوع سافرنا دبي وسكنا في فندق العنوان ليلتين

booking.com  حجزت من موقع

وكنت ابي غرفه ديلوكس بس ماكانت متوفره فاخترنا الاستوديو

الاستوديو اهي نفس غرفه الديلوكس لكن فيها زياده مطبخ مجهز بالكامل

الصراحه فندق العنوان دبي مول وايد فخم وراقي

سكنت فيه ٣ مرات من قبل وكل مره كانت زيارتنا رائعه فيه

الحلو بهذا الفندق ان يغني الواحد ان يطلع منه

لان تدخل المجمع من داخل الفندق ما تحتاج تاكسي

والمجمع متوفر فيه كلللل شي من ازياء والكترونيات وماركات عالميه وسينما وسوبر ماركيت كبير ومطاعم واماكن ترفيهيه للاطفال مثل

كيدزانيا وصاله التزلج عالجليد وعالم سيجا للالعاب الالكترونيه

يعني منتزه ترفيهي متكامل لكل العايله

وفي نقطه مهمه جدا كانت متوفره خدمه الانترنت الواي فاي بالغرفه ومجانيه وسرييييعه

هذا اللوبي موكبير وايد

وهذي اهي غرفه الاستوديو لشخصين

المطبخ كان كبير ومجهز بالكامل طبعا ما استخدمناه كلش

الله يعافي المطاعم 🙂

حق مدمنين القهوه هذي راح تعجبهم

الميني بار غاليه الاسعار كالمعتاد بكل الفنادق

الحمام تكرمون كان صغيرون

واهم شي كان فيه رشاش للماء

الشامبو واللوشن وفرشه الاسنان والصابون كل شي متوفر وكل مره ما نييب معانا ولا شي

لان موفره الفندق

وحتى حق اليهال حاطين لهم كبوس وتي شيرت ونعال صغيرونه

ومجموعه شامبو للاطفال ومعاهم لعبه دب

الصراحه خوش فندق

وهذا المنظر بالبلكونه مالت الغرفه

غرفتنا بالطابق ٢٦ وتطل على برج خليفه

جنها نيويورك مع هالاضاءه ولا جنها دبي

يااازينها دبي

وهذا المنظر الصبح مضبب شوي لان كان الجو رطب

انصح كل واحد يزور دبي ان يسكن فندق العنوان دبي مول

خوش فندق خدماته راقيه ومتكامله ماتتحسف تقط فلوسك بهالفندق

موقع الفندق

%d bloggers like this: