Tag Archives: pancake

The Breakfast Club Soho الريوق في بريكفاست كلوب لندن

29 Apr

DSC04761the breakfast club

مطعم ذا بريكفاست كلوب مشهور للريوق في لندن

اعتقد يعتبر من اشهر مطاعم الريوق اهناك

زرناه عال٩ الصبح يوم العطله وانصدمنا بالطاااابور اللي بره

انا شخصيا ما انتظر حق مطعم اكثر من نص ساعه

لكن قلت لازم اجربه لان صدف اكثر من سفره نوصل له ويطلع زحمه ونمشي

هل المره قلت ننطر طولت النطره ساعه وربع بالبرد 😦

ودك بنص النطره تمشي وبعدين تتحسف عالوقت اللي نطرته وتقنع نفسك ان يلا اصبر شوي

كل اللي ينتظرون كانوا سياح قارين عنه ببرامج الاكل مثلنا

DSC04728the breakfast club

DSC04749the breakfast club

كابتشينو

DSC04734the breakfast club

قعدونا على طاوله وحده مشاركة مع ناس ثانيين رضينا فيها بعد نطره ساعه

DSC04750the breakfast club

DSC04735the breakfast club

DSC04758the breakfast club

طلبت البيض البندكت مع الافوكادو بدون لحم

كان الطبق حلو لكن مايستحق كل هالنطره

مطاعم الكويت تطقه ١٠ صفر

DSC04760the breakfast club

وهذا الريوق الانجليزي بانكيك وبيض مقلي ومشروم ونقانق من الخضار

عادي

مع كوب كابتشينو

DSC04732the breakfast club

هل يسوا النطره؟

لا طبعا

ممكن اكرر الزياره له اذا مافي انتظار

ويقدم اطباق البيض لكن نفسها متوفره بمطاعمنا بالكويت

فيديو لطريقة عمل احلى واسهل بانكيك بالبيت

20 Jan

DSC_0543pancakes copy

DSC_0546pancakes

DSC_0537pancakes

طريقتي لعمل البانكيك المنزلي

سهلة وسريعة ولذيذة

المقادير

كوب ونص طحين ابيض

٣ ملاعق ونص صغيرة بيكينغ باودر

ملعقه صغيرة ملح

ملعقة كبيرة سكر

٣ ملاعق كبيرة زبدة سايحة

١ بيضة

كوب وربع حليب سائل

ملعقه صغيرة فانيليا

الطريقة

خلطوا المقادير كلها مع بعض جيدا

وخلوا الخلطة ترتاح ٥ دقايق

وصبوها في مقلاة حاره صغيره فيها ملعقه صغيره زيت

انتظروا جانب يتحمر تحتاج دقايق فقط وقلبوها عالجانب الاخر

وحطوا عليها اي شي تحبونه

سكر او عسل او ميبل سيرب او نوتيلا او كندر او اي نوع كاكاو اوفاكهه

الخلطة مقاديرها مضبوطه وبتطلع لكم بانكيك منفوشة وعجيييبه

شوفوا الفيديو اللي صورته بنفسي

فيديو

Sunny Side Up زيارتنا لمطعم

17 Jun

Sunny Side Up

اليوم اشتهينا باستا و برغر

فكرنا وين نروح نتغدا بمطعم فيه اكل ايطالي وامريكي

قلنا ماكو الا صني سايد اب يقدم باستات وبرغر لذيذه

Ahmed Burger

برغر احمد مصنوعه من لحم بلاك انجوس اللذيذ

الصراحه البرغر كانت لذيييييذه ماتتطوف

الخبر وايد لين وترف واللحم ناطع مع الصلصه صارت البرغر تماااام

انصحكم تجربونها

Make ur own crepe

هذا الطبق انا طلبت جميع المكونات على ذوقي

عباره عن كريب مثل خبز خفييييف وتختار اي اضافات عليه

اخترت نوعين جبن والمشروم والبيكون البقري والفلفل الملون والبصل

الصراحه طلعت عجيييبه

جنها بيتزا بس اخف بوايد لان العجينه خفيييفه

تصلح الواحد يطلبها للمقبلات للمشاركه

Spagetti Bolognese

 سباغيتي بولونيز

السباغيتي مع صلصه الطماط باللحم

ماشاء الله كانت متروسه لحم

وطعمها كان حامض شوي نفس اللي احبه

Pancake with maple syrup

بانكيك مع الفراوله وصلصه الميبل

كان طبق خفيف ولذيذ للتحليه

 

مطعم صني سايد اب موفر شواحن للتلفونات بكل طاوله

الصراحه كانت زياره لذيذه

وان شاء الله بنعيدها بالمستقبل القريب

Sunny Side Up مطعم

موجود في مجمع الصقران المباركيه بالديره

عندهم توصيل للمنازل لجميع مناطق الكويت

تلفون :22463431

%d bloggers like this: