Tag Archives: restaurants

لقطات من السوق الخيري في لجنة ساعد اخاك

15 Jan

DSC_0476saedakhak

بالامس زرت السوق الخيري في لجنة ساعد اخاك

وريعة للاجئين السوريين المحتاجين

كان السوق الخيري فيه كل شي

من ازياء وعطور واكسسوارات ومواعين واثاث وحلويات ومطاعم

هذي لقطات من السوق الخيري

DSC_0481saedakhak

DSC_0482saedakhak

DSC_0491saedakhak

DSC_0559saedakhak

DSC_0556saedakhak

DSC_0562saedakhak

DSC_0563saedakhak

DSC_0555saedakhak

DSC_0554saedakhak

DSC_0553saedakhak

DSC_0545saedakhak

DSC_0536saedakhak

DSC_0538saedakhak

DSC_0532saedakhak

DSC_0541saedakhak

DSC_0531saedakhak

DSC_0489saedakhak

DSC_0488saedakhak

DSC_0528saedakhak

DSC_0493saedakhak

DSC_0499saedakhak

DSC_0500saedakhak

DSC_0503saedakhak

Untitled

Untitled2

جزاهم الله خير المشاركين واللي حضروا

للاسف السوق الخيري كان بس يوم واحد اللي اهو امس

طافة اللي ماحضر 🙂

@saedakhak

Maki زيارتنا لمطعم ماكي الياباني وتجربه نظام الطلب الجديد عالايباد

13 Sep

مطعم ماكي الياباني الغني عن التعريف

منزل نظام طلب جديد عالايباد

طريقته يعطونك الايباد وانت بنفسك تختار اطباقك وتضعها بالسله الالكترونيه

وترسلها الى الشيف بضغطه رز

مايحتاج ياخذ طلبك الغرسون لانك بنفسك تطلبه

بس ممكن تطلب مساعده الغرسون في الاختيارات

هذا النظام بالطلب عالايباد يعتبر الاول في الشرق الاوسط

هذا شكل المينو مع جميع الاطباق ومقسمين بترتيب

المقبلات بروح والسلطات بروح والماكي بروح

ونطلب الطبق عن طريق الضغط على السله

Add to Cart

بعد مانحط جميع الاطباق اللي نبيها بالسله

تطلع لنا قائمه بجميع الاطباق واسعارهم

ونضغط بالنهايه ارسال

شي جميل وممتع ويديد في طريقه الطلب

زرناهم في برج جاسم  كانت القعده حلوه

وماكي منزلين مجموعه اطباق جديده قلنا نجرب منهم

الماي كان اول الواصلين

Juju Salad *New*

سلطه جوجو

عباره عن ٣ انواع خس وشمندر وجزر وقباقب مقليه مقرمشه

مع صلصتهم الخاصه

Special Prawn Tempura

ربيان تمبورا مقطع مع صلصتهم الخاصه

هذا الطبق لذيييذ لازم بكل زياره نطلبه

Chicken Kushi Yaki *New*

دياي مقلي مع مشروم وصلصه الترياكي

Negimayaki

رولات اللحم والبصل الاخضر

طبق لذييييذ ولازم نطلبه كل مره

Chili Crazy Mame Maki *New*

 ماكي داخله ربيان مقلي ومنثور عليه قباقب مقليه مقرمشه

كان حده لذيييييذ انصحكم تجربونه

Lolo Mame Maki *New*

ماكي ربيان مقلي وقباقب مسلوقه وعليه صلصه ماكي المقرمشه

كان عادي ماحبيته كثر اللي قبله

Black Angus Burger Maki

ماكي البرغر كان لذيذ وغريب

حبيت فكره الماكي والبرغر عليه

وايي معاه ٣ انواع بطاط مقرمش

Mix Teppanyaki

تبنياكي ربيان ولحم مع خضار مشويه

وااايد لذيذ انصحكم فيه

Tartufo Yaki Udon *New*

اودون هي نودلز يابانيه سميكه

نودلرز مع فقع وسكالوب

كانت حلوه

Lemon Sorbet

وبالاخير طلبنا الحلو

سوربيه الليمون حااااااامض وايد

>انا شخصيا احب الحامض فأنصحكم فيه بقوه للي يحب الليمون الحاااامض >ــــ

Ebony & Ivory Ice Cream

٣ انواع ايس كريم الاوريو والكاكاو والفانيلا مع صلصه الكراميل والكاكاو

كان عادي مافيه شي جديد

شكر خاص للسيد توفيق عالدعوه اللذيذه وعالتقنيه المتطوره في الطلبات

مطعم ماكي عنده فروع بالكويت والبحرين وبيروت

فروعه بالكويت

الصالحيه وبرج جاسم والمارينا والافينيوز

عندهم توصيل للمنازل

22901000

وممكن تطلبون من موقعهم عالنت ويوصل الطلب لي بيتكم

موقعهم عالنت

#Hashtag زيارتي لبرغر هاش تاغ

2 Jul

Hashtag Q8

مطعم هاش تاق

مطعم كويتي يقدم البرغر الامريكي الفريش

مريته اليوم لتجربته لاول مره

المطعم صغيرون فيه طاولتين بس

اللحم فريش

طلبنا منهم ٣ برغر تايك اواي سفري

Hashtag Burger

برغر الهاش تاغ

عباره عن جبن وبصل مشوي وصلصتهم الخاصه

كانت البرغر حلوه والبصل المشوي عطاها قرمشه زياده

The Sheriff

هذي كانت سبيشل صمونه اليوم

عباره عن بيكون بقري ومشروم وجبن

كانت وايد حلوه انصحكم فيها

Yellow Land burger

برغر مع طماط وخس وجبن وبصل

بطاط هاش تاغ الخاص بالبابريكا

(سعر ال٣ برغر مع ١ بطاط ١ بيبسي ب  ١١ دينار)

كانت زيارتنا لذيذه لمطعم هاش تاغ

وبالنسبه انه مطعم شبابي كويتي ١٠٠٪ يقدم برغر امريكي الصراحه طعم البرغر ممتاز

بس مشكلته مكانه شويه دواعيس وصغيرون مو مال قعده

لذلك خذنا الاكل سفري

يريت بالمستقبل يوفرون خدمه توصيل اعتقد ماراح يسكت تلفونهم من الاتصالات والطلبات

المتواجد داخل مطعم هاش تاغ Crownies تجربتي لكوكيز وبراوني

مطعم هاش تاغ

موجود بالديره

موقعهم عالنت

Sunny Side Up زيارتنا لمطعم

17 Jun

Sunny Side Up

اليوم اشتهينا باستا و برغر

فكرنا وين نروح نتغدا بمطعم فيه اكل ايطالي وامريكي

قلنا ماكو الا صني سايد اب يقدم باستات وبرغر لذيذه

Ahmed Burger

برغر احمد مصنوعه من لحم بلاك انجوس اللذيذ

الصراحه البرغر كانت لذيييييذه ماتتطوف

الخبر وايد لين وترف واللحم ناطع مع الصلصه صارت البرغر تماااام

انصحكم تجربونها

Make ur own crepe

هذا الطبق انا طلبت جميع المكونات على ذوقي

عباره عن كريب مثل خبز خفييييف وتختار اي اضافات عليه

اخترت نوعين جبن والمشروم والبيكون البقري والفلفل الملون والبصل

الصراحه طلعت عجيييبه

جنها بيتزا بس اخف بوايد لان العجينه خفيييفه

تصلح الواحد يطلبها للمقبلات للمشاركه

Spagetti Bolognese

 سباغيتي بولونيز

السباغيتي مع صلصه الطماط باللحم

ماشاء الله كانت متروسه لحم

وطعمها كان حامض شوي نفس اللي احبه

Pancake with maple syrup

بانكيك مع الفراوله وصلصه الميبل

كان طبق خفيف ولذيذ للتحليه

 

مطعم صني سايد اب موفر شواحن للتلفونات بكل طاوله

الصراحه كانت زياره لذيذه

وان شاء الله بنعيدها بالمستقبل القريب

Sunny Side Up مطعم

موجود في مجمع الصقران المباركيه بالديره

عندهم توصيل للمنازل لجميع مناطق الكويت

تلفون :22463431

China Garden تجربتنا للمطعم الصيني

13 May

ذاك اليوم كنا يواعه واشتهينها اكل صيني

قلنا نجرب جاينا غاردين توصيل للمنازل

كلمت المطعم والهندي اللي رد علي بالتلفون مدح لي هذي الاطباق

بما ان اول مره نجرب المطعم وخذيت بكلامه

Giant Egg Rolls

لفائف البيض كانوا لذيذين اعجبوني

Wok Charred Beef

كان هذا الطبق وايد حلو بس اللحم اللي فيه شويه جم قطعه بس وتارسين العلبه بصل اخضر !!

Shrimp Sizzling

ربيان مع خضار كان الطبق جيد

Singapore Noodles

نودلز سنغافوريه ماعجبتني حسيتها متروسه نكهه كاري او كركم

انا شخصيا ماحب الكاري يمكن اللي يحب الكاري تعجبه

Nutella Wontons

وانتون نوتيلا امبييييه خياااال لذيذ مقرمش وفريش عجبني وااايد

بس يبيله تزيدون النوتيلا شوي ويطلع تماااام

اعتقد بالمستقبل راح اطلب من جاينا غاردن بس عشان هذا الطبق نوتيلا الوانتون عجييييب

المطعم بشكل عام يعتبر جيد بالنسبه لمطعم توصيل منازل

والمينو مالهم فيه اطباق متنوعه ممكن اجرب بعضهم بالمستقبل

طلبنا هذا طلع ب ١٢.٣٥٠ دينار

تلفونهم 25720010

زيارتنا لمطعم شيك شاك الافينيوز

2 May

مطعم شيك شاك المتواجد في مجمع الافينيوز

اهو مطعم امريكي للبرغر

متميز بالخبزه مالتهم مصنوعه من البطاط واللحم بعد لذيييذ

طبعا هذي مو اول مره نزور هالمطعم بس قلت بشارككم بصور اخر زياره له

Double Shack Burger

دبل شاك برغر

فريش واللحم جوسي واحلى شي الجبن مالهم عجييييب وطبعا الخبزه لييينه لانها مصنوعه من البطاط

Shack Stack Burger

شاك ستاك عباره عن طبقه لحم وطبقه مشروم داخلها جبن

المشرومه كبيييره الواحد يتوهق واهو ياكلها

تااارسين المشروم جبن

هوت دوغ لحم مع جبن

احلى شي بدون اي اضافات

وبطاطهم عادي مافيه شي مميز

الله وانا احط الصور اشتهيت اروح له مره ثانيه 😍

By Sara

ZeeBrgr الاطباق الجديده في مطعم

26 Apr

ZeeBrgr تلقينا دعوه من مطعم زي برغر

لتجربه اطباقهم الجديده

نفس مؤسسين مطعم ماكي الياباني اهم نفسهم اصحاب مطعم زي برغر

لذلك راح تلاقون بعض اطباق ماكي الشهيره عندهم مثل عيسى ماكي وسلطه الافوكادو والسالمون

اطباق زي برغر من اعداد الشيف مايكل من ميامي مع خبير البرغر السيد جو هجالي من مدينه مينيابوليس

عندهم قعده خارجيه وايد شرحه وحلوه خاصه بالوقت الحالي الجو عجيب بالليل وقت العشاء

وهذي قعدتهم داخل المطعم الاضواء خافته والموسيقى هاديه

والاثاث معاصر

اخترنا نمرهم عالساعه ٥ غدا متأخر وعشاء مبجر عشان ناخذ راحتنا بالاكل والتصوير بعيد عن زحمه الزوار

كنا جاهزين للطلب ويابو لنا المينو مالتهم

وكان المينو اهو ايباد فيه صور كل اطباقهم

ماشاء الله المطاعم قامت تواكب التقدم التكنولوجي

وكان طلبنا هو هذا

Zee Salad

سلطه زي

عباره عن مزيج من الخضار مع صلصه الفول السوداني والتوت وخبز او تورتيلا مقرمش

الصراحه السلطه عجيييبه الصلصه غريبه وسويت وفيها طعم الفول السوداني تذكرني بالسلطات التايلنديه

لازم تجربونها بس طلبوا اكسترا صوص لان الصوص لذيييذ

Buffalo chicken wings

اجنحه دجاج بصلصه البفالو

صلصه البفالو اهي خاصه بمطعم زي برغر وطعمها غير عن صلصه البفالو المعتاده

طعمها يميل اكثر لسويت شيلي صوص

Lobster Bites

عباره عن خليط من القباقب وقطع صغيره من ام الربيان على قطعه بطاط مقلي والصلصه سبايسي حاره شوي

Onion Rings

حلقات بصل وايد لذيذه الطبقه اللي حاطينها عالبصل مثل التيمبورا كرنشي ومقدمينها مع صلصه الرانش او المايونيز بالثوم

بس انصحكم تطلبون صلصه زي برغر البرتقاليه واااايد احلى مع حلقات البصل بالنسبه لي

مثل الصوره اللي تحت

Angus Bites

عباره عن قطع ستيك انغوس بصلصه الترياكي مع بيض السمان او الفّرري بالكويتي وجذور اللوتس المقليه

هذا الطبق من احلى الاطباق عندهم لااااازم تطلبونه لما تزورون زي برغر

اللحم وايد جوسي والصمونه وايد لينه وترفه كلها على بعد ماتتطوف

Tartufo Brgr

همبرغر تارتوفو عباره عن قطعه لحم عليها مشروم وفقع وجبن موزريلا وجبن بارميزان كرسبي وصلصه البيستو

Medium weldone  اممممم لذييييذه وايد غنيه وجوسي بس طلبوها

Zee Angus Fries

بطاط مقلي و قطع لحم ومشروم وقطع طماط وبصل مغرقه بصلصه جبن الشيدر

😌طبعا هذا اكيييد غرام الكل ادري فيكم

والحين الحلووووو

Popcorn Pain Perdu

هذا طبق فرنسي عباره بريوش مع رشه سينامون “قرفه” وكرات التفاح والنفيش بصلصه الكراميل

هذا الطبق خيااااال عجييب شويه عليه

لازم لازم لازم تطلبونه حتى لو كنتوا شباعه لايطوفكم لذيييييذ الصراحه الشيف مايكل من ميامي ابدع بهذا الطبق

ايي معاه ايس كريم على جنب

Chocolate Brownie Magma

عباره عن براوني عليها طبقه كاكاو فدج وطبقه ثانيه من البرواني بس بالكاكاو الابيض وداخلهم كورن فليكس كريسبي

وكره ايس كريم فانيليا وصلصه الكاكاو والكراميل

❤لعشاااق الكاكاو هذا الطبق لكم

 

ليمون بالنعناع

وختمناها بقهوه بيضا

عباره عن ماي حار فيه ماي زهر وايد زينه للهضم

الصراحه مطعم زي برغر مطعم يستحق التجربه

فيه انواع برغر مختلفه عن اللي متعودين عليها

وجامع هذا المطعم عده بلدان في مكان واحد (الامريكي والفرنسي و الياباني والاسيوي والبريطاني و المكسيكي) كل واحد يدخل هالمطعم لازم يلقى اللي يناسبه من اطباق

يهتمون وايد بالطعم والشكل للطبق

نشكر السيد جو هجالي عالدعوه الرائعه اللذيذه وعالاستقبال والترحيب الحار فينا

ونشكر تقبلهم لاقتراحاتنا لبعض الاطباق

مطعم زي برغر موجود في فندق النخيل في منطقه سلوى

عندهم موقع عالانترنت ممكن تطلبون منه واعتقد في توصيل للمنازل وفيه صور اطباقهم

موقعهم عالنت

Tel. +965 25612374
Mob./What’s APP. +965 66254093
BBM Pin. 27c757d5

FAT Burger زيارتي لمطعم

25 Apr

ذاك اليوم تعشينا بمطعم فات برغر

ببرج جاسم

وهذي مو اول زياره لنا بس قلنا نجرب صمونه المشروم اليديده

طلبنا كان دبل فات برغر

هذي كانت المشروم سويس فات برغر

كانت طلبي وعجبتني لاني احب المشروم

والمشروم اللي حاطينه كان فريش مو معلبات

وهذي وجبه الاطفال اصابع دياي مقرمش مع بطاطا

الدياي لذييييذ ذقته من بنتي وايد حلو جوسي ومقرمش

حلقات بصل كانوا حلوين واهم حارين بس بردوا صاروا مو ذاك الزود

بطاط مقلي متان ماعجبوني الضغاف السكيني وايد احلى ومقرمشين اكثر

مطعم فات برغر في برج جاسم مقابل صاله التزلج عالجليد

كانت زياره جيده وخفيفه

Sunny Side Up غدانا في مطعم صني سايد اب

17 Apr

بعد زيارتنا الاخيره وتجربتي لاطباق صني سايد اب اليديده صار لي اسبوع اتشهى اكلهم

عاد اليوم طق براسي وقلت لازم الغدا عندهم

مريناهم عال ٤ العصر وكان الجو حلو

يابوا لنا المينو مالهم هالمره ايباد

الوانهم وااايد تشوق وتشد والصور في الايباد تشهي

وكان هذا طلبنا

Honey Mustard Salad

سلطه الهني ماسترد بالدجاج المشوي والبيكون البقري وجبن الشيدر

كانت السلطه لذيذه

Adooola Steak

ستيك عدوووله

قطعه ستيك مشوي عليه بيض مقلي وصلصه كريمه الجبن

عشان مايصير ناشف Medium Weldone  طلبوه

هالطبق لذييييذ غرااامي ستيك وبيض يميييي

Penne Aurora (Pink Pasta)

بينك باستا

صديقتي من عشاق الباستا وهالطبق عجبها وااايد تقول الصلصه غنيه ومتروسه جبن

Steak Sandwich

شاندويش الستيك

صمونه شرايح ستيك وبصل مشوي وجبن بارميزان

كانت الصمونه وايد حلوه

Classic Egg Benedict

بيض بينيدكت

مع ان حزه غدا بس اختي تحب بيض البينيدكت كل مطعم تروح له لازم تجرب بيضهم

فاطلبت لها بيض بينيدكت عباره عن صمونه عليها ديك رومي وبيض البوتش وجبن وصلصه الهولنديز

قالت عن هالطبق انه اختيار موفق

The Elvis Sandwich

ساندويش الفيس

هذا الطبق مو اول مره نجربه بس طلبناه مره ثانيه لانه لذييييذ

عباره عن توست فرنسي وبريوش داخله موز وعسل وعليه صلصه التوت دمااااار

Melty Hot Chocolate Belgian Waffles

الوافلز البلجيكيه مع النوتيلا والفراوله والايس كريم

الصراحه الشيف متوصي فينا وتارس لنا الوافلز نوتييييلا

منو مايحب النوتيييلا 🙂

الطبق كان كبيييير يكفي شخصين

كل اطباقهم كبيره تكفي اكثر من شخص

ليمون بالنعناع

ميلك شيك فراوله

كانت الزياره لذيذه واستمتعنا بالاكل والسوالف

ولنا زياره مستقبليه ان شاء الله الصراحه اطباق هالمطعم ماتنمل لذيذه ويستاهلون العنوه

مطعم صني سايد اب

 زيارتي الثانيه للمطعم

زيارتي الاولى للمطعم

موجود في مجمع الصقران المباركيه بالديره

تلفون :22463431

موقع المطعم عالانترنت

%d bloggers like this: