Tag Archives: salad

Bestoon Samad مطعم بيستون صمد دبي

11 Jan

dsc04266beston-samad

جربت مطعم بيستون صمد العراقي

في مجمع الغرير في دبي

زرناه في الويكند كان المطعم زحمه بشكل مو طبيعي

انتظرنا طاوله لمده ساعه كامله

وكانت الضيافه سلطه مع شوربه عدس

dsc04269beston-samad

خبز التنور عندهم عجيييب

dsc04271beston-samad

شوربه عدس ضيافه مجانيه منهم

dsc04273beston-samad

لبن مدخن

شخصيا ما حبيته بس الاهل حبوه

dsc04278beston-samad

ينشرب بالقفشه 🙂

dsc04275beston-samad

حمص وبابا غنوج لذيذين مع خبز التنور

dsc04279beston-samad

مشاوي مشكله

الكباب احلى شي بالطبق

الكباب عندهم متروس شحم كان محمش ولذيييذ مايصلح للدايت كلش

dsc04281beston-samad

مقلوبه دجاج وعليها الباذنجان ومعاها مرقه باميه ومرقه فاصوليا

كانت لذيييذه

بس الكباب كان الطبق الفايز عندهم وعشانه ممكن ارد اكل بالمطعم مره ثانيه

مطعم بيستون صمد في مجمع الغرير في دبي

bestoonsamadrest

Society by Supreme جديد مطعم سوسايتي في المهبولة

10 Apr

DSC_0219society

مطعم سوسايتي

هو مطعم له الطابع الاوروبي

الاكل اللي يقدمه متنوع لجميع الاذواق

للريوق عندهم انواع كثيره من البيض والوافلز وغيره

وللغدا والعشا عندهم مقبلات وسلطات وباستات وبرغرز وبيتزا وستيكات

وعندهم اطباق حلو متنوعة

المينو عندهم على شكل مجلة وفيها صور كل الاطباق وهذي المجلة تاخذونها معاكم للبيت

وكل ٣ او ٤ شهور ينزلون مجلة جديدة فيها اطباق جديدة تتناسب مع الهبة الجديدة بالكويت

يعني اطباقهم فيها تجديد كل جم شهر وهذا شي حلو

ارسلوا لنا دعوة لتجربته في مجمع ليفلز في المهبولة

DSC_0225society

جربنا نوعين من الكوكتيل

الازرق كان الالكتريك طعمه حامض ليمون

الوردي كان برتقال مع فراولة كان جيد

DSC_0241society

المقبلات ربيان بالليمون

لذيذ

DSC_0246society

سلطه سوسايتي

لذييييذة فيها فراولة وتوت وبرتقال وجوز والخس مع جبن فيتا

والألذ الصلصة رازبيري فينيغريت

حامضة حلوه لازم تجربون السلطة

DSC_0266society

لازانيا لحم كانت دمااار وايد حلوه بس دسمة

DSC_0275society

تندرلوين ستيك مع صلصة المشروم

طلبناه ميديوم ويل وصل لنا ويل دن

فكانت ناشفة شوي بس من ناحية الطعم حلوة

DSC_0221society

كان ودرنا نجرب الحلو بس شبعنا مافي مكان للحلو 🙂

عندهم شيزكيك وبودينغ وشغلات حلوة

DSC_0267society

مطعم سوسايتي يقدم اكل متنوع يناسب ذوق الكل

والتقديم مثل ماشفتوا بالصور مرتب وراقي

واسعارهم مثل باقي المطاعم الايطالية بالمجمعات

يستاهل الواحد يجربه

موجودين في مجمع ليفلز في المهبوله على البحر

22399322

@societykwt

مشكورين عالدعوة

Mooyah افتتاح مطعم موويا للبرغر الامريكي في المهبولة

9 Apr

DSC_0203mooyahDSC_0156mooyah

DSC_0111mooyah

وصلتني دعوة لتجربة مطعم موويا

Mooyah

المطعم امريكي من تيكساس فاتح من سنة ٢٠٠٧ بامريكا

والحين افتتحوا لهم فرع بالكويت في منطقه المهبولة

المطعم يقدم البرغر والبطاط و السلطات

نفس نظام المطاعم الامريكية السريعة

وتقدر انك تختار مكونات الصمونة

صمون ابيض او اسمر وتختار برغر لحم او دجاج او تركي او خضار

وتختار نوع الجبنة والصلصة والخضار

DSC_0150mooyah

DSC_0135mooyah

DSC_0143mooyah

DSC_0162mooyah

بانتظار طلبنا

DSC_0190mooyah

طلبنا برغر كلاسيك بالجبنة الشيدر

وبرغر المشروم مع الصمون الابيض

الصراحة كان طعم البرغر لذيذ وترف

DSC_0169mooyah

DSC_0171mooyah

عندهم سلطات بعد

انت تختار مكوناتها بنفسك

انا اخترت كل المكونات يعني كل الخضار باللسته واخترت الدجاج مع جبنه الشيدر

وصلصة الرانش والبلسميك على جنب

السلطة كانت لذيذة وخاصه الدجاج كان جوووسي وترف مع الجبن طلع عجييييب

نفس الدجاج اللي يستخدمون بالصمون شكلي بطلب ساندويش دجاج المره الياية

DSC_0183mooyah

بطاط بالجبن

حاطين الجبن السايح نفس اللي يحطونه مع الناشوز

DSC_0173mooyah

بطاطا حلوة وايد لذيذ من بره كرنشي ومن داخل تررف

العادة البطاطا الحلوه المقليه لما اجربها بالمطاعم تكون كرنشي بس فاضيه من داخل

لكن هذي حسيت بالبطاط ترف وسويت من داخل

DSC_0175mooyah

ميلك شيك فراولة كان عادي جيد

DSC_0152mooyah

مطهم موويا عندهم قعده داخلية وخارجيه

واللي يحب البرغر لازم يجربهم لان البرغر حلو عندهم

موجودين في المهبولة على البحر في مجمع ليفيلز

69988390

www.mooyah.com

@mooyahkw

Zeebrgr تجربي لمطعم زي برغر بالبيت

1 Apr

DSC_0580zeebrgr

مطعم زي برغر ارسل لنا مجموعه من اطباقه

لتجربه خدمة توصيلهم

وصل لنا الطلب حااار و التغليف مرتب

ومعاه كل الصلصات والملاعق والشوك البلاستيك

متعودين في خدمة التوصيل بالمطاعم الاخري توصل الصمونه مفقوصه

والصوص على كل الساندويش من بره وتكون مرطبه

لكن مع توصيل زي برغر كان كل شي مرتب والشكل حلو

حتى شوفوا طلعتهم من العلب وصورتهم وشكلهم مغري ومرتب

DSC_0777_2zeebrgr

سلطة زي

حطيت نصف السلطه فقط عالماعون هذا وموجود النص الاخر بالعلبة

السلطه مكوناتها فريش وكرنشي

والصلصة فيها رازبيري وطعمها حامض حلو

السلطه عجيييبه مع الصلصة لازم تطلبون اكسترا صوص

DSC_0830_2zeebrgr

اجنحة البافلو

الاجنحة طعمها سويت وسبايسي وماتشبه طعم البافلو

ممكن اسميها اجنحه السويت شيلي

DSC_0736_2zeebrgr

برغر عيسى

برغر لحم مع مشروم فريش وبصل مكرمل والجبن السايح

كانت لذييييذه الصمونه ترررفه والبرغر جوسيه

انصح فيها

DSC_0670zeebrgr

زي برغر بايتس

ميني برغر مع حلقات بصل وجبن الشيدر

حبيتهم وايد

والبطاط العادي اضفت له الكتشب والمايونيز

DSC_0696zeebrgr

كرسبي شيكن بايتس

قطعتين دجاج مقلي مع جبن شيدر

الدجاج كان ترررف

DSC_0662zeebrgr

زي مشروم فرايز

بطاط مع صلصة المشروم الفريش

لذيذ لمحبي المشروم بس دسم

 الصراحة كان عشاء لذيذ وفاخر بالبيت

والتوصيل ممتاز وصل لنا الاكل حار ومرتب

المطعم حاليا عنده بس خدمة توصيل

هذا رقم خدمة التوصيل

22901070

هذا موقعهم ممكن تطلبون منه بالنت

رابط الطلب

او ممكن عن طريق برنامج طلبات

كل الشكر عالعشاء اللذيذ

@zeebrgr

Cocoa Cabana Cafe تجربتي لمطعم كاكاو كابانا

27 Mar

DSC_0534cocoa cabana

وصلتني دعوة لذيذة من كافيه كاكاو كابانا

رابط الدعوة

وحضرنا الافتتاح الرسمي للكافيه

المميز بالمطعم ان معظم اطباقه فيها كاكاو

حتى الاطباق الرئيسيه فيها كاكاو

DSC_0537cocoa cabana

بما ان في كاكاو لازم نطلب ماي 🙂

DSC_0552cocoa cabana

عصير الليشي بماء الورد كان خفيف شوي

ميلك شيك كراميل

DSC_0580cocoa cabana

طلبنا في المقبلات

سمبوسة النوتيلا

كانت لذيذه، طبعا لازم محبي النوتيلا يجربونها

DSC_0605cocoa cabana

سلطة ربيان الديناميت

السلطة سبايسي سويت وايد لذيذة والربيان عجيب

مع الصلصة فيها كاكاو ابيض بس ما حسينا بطعم الكاكاو كلش

كانت الصلصة سويت

انصح فيها

DSC_0626cocoa cabana

ساندويش دجاج وفيها صلصة كاكاو ابيض

كانت جيدة وطعم الصوص سويت

DSC_0642cocoa cabana

شيزبرغر وفيه صلصة كاكاو

اللي جربوها معاي ما حبوها ماتقبلوا الطعم

لكن انا عن نفسي حبيتها كان طعم الكاكاو سويت بدال الكتشب وكمية الصلصة كانت قليلة معقولة

DSC_0654cocoa cabana

بينك باستا بالدجاج والمشروم

لذييييذه ومتروسه جبن والصلصة غنية

بس مو متأكده اذا كان فيها كاكاو بالصوص لان مو مبين كلش

انصح بهذا الطبق لمحبي البينك باستا او الباستات الدسمة

DSC_0556cocoa cabana

DSC_0662cocoa cabana

قدموا لنا القهوه العربية مع الحلو

DSC_0696cocoa cabana

كوكي دووم

كوكيز محشوه بكاكاو الكندر والنوتيلا مع ايس كريم الكراميل المالح

كانت الكوكيز متروسه مكسرات

شخصيا ماحب المكسرات بالكوكيز

DSC_0703cocoa cabana

DSC_0708cocoa cabana

كيكة كاكاو بالمارشميلو

كانت بارده من الداخل

جيده

DSC_0719cocoa cabana

DSC_0664cocoa cabana

الصراحة تجربه فريدة وغير عن اللي تعونا عليه

ان يكون الكاكاو بالاطباق الرئيسية

وكانت النتيجه وايد حلوه وطعم الكاكاو عطى الصلصات حلاوه

ممكن اللي يحب يجرب شي جديد يزورهم

وعندهم مينو كبيره فيها وافلز وبانكيك وكريب وفوندو وغيرها

كافيه كاكاو كابانا في مجمع ديفون في منطقة ابوالحصانية

على شارع الفحيحيل السريع

@cocoacabanacafe

كل الشكر عالدعوة والفكره الجديدة 🙂

Salad Boutique تجربتي في مطعم

9 Feb

تغديت امس مع صديقاتي في مطعم سالاد بوتيك فرع الافينيوز

كانت تجربتنا الاولى فيه، من شكل قعدته وديكوره حسينا انه راح يعجبنا

لما طلبنا المينيو ولا يابت لنا الغرسونه ايباد فيه صور كل الاطباق عندهم

(انا افضل المطاعم اللي يحطون صور اطباقهم يعطينا فكره عن شكله وممكن طبق ما اطلبه من الاسم بس لما اشوف الصوره اتشجع واطلبه هذا ذكاء من اي مطعم).

المينيو فيها واااايد شغلات حلوه عبالي من اسمه بس يبيع سلطات طلع عنده مقبلات وسندويشات وميني برغر وشوربات

علما ننطر الطلب يوصل قدموا لنا هذا

كان وايد لذيذ

كان طلبنا شوربه مشروم

شوربه المشروم كانت حلوه بس عاديه وشويه مالحه ذقت احلى منها

 

شوربه ال٤ اجبان

هذي الشوربه كانت وايد حلوه متروسه جبن وذره

سلطه جبده الدياي بدبس الرمان مع جرجير

طبعا السلطات عندهم الماعون اشكبرررره كبييير ما شاء الله يصلح حق وجبه رئيسيه او للمشاركه

هذي السلطه وااااايد لذيذه مع اني ماحب الجرجير لكن صلصه دبس الرمان خلاها عجيييبه

لازم اطلبها مره ثانيه حدي اشتهيتها الحين وانا اكتب عنها

 

سلطه الشكن كايجن مع صلصه الهني ماسترد

هم هذي السلطه طلعت حلوه الدياي كان كرنشي والصوص حلو بعد

لازم زياره ثانيه للمطعم لان وايد اطباق تشوق يبيلها تجربه

وطبعا خذينا باقي السلطات تيك اواي لان زاد منهم وايد

Potbelly تجربتي في

6 Feb

 امس مريت مطعم بوت بيلي فرع الافينيوز قلت خل اجرب هالمطعم دعاياته تارسه الافينيوز

طريقتهم تختارين حجم الصمونه في حجمين و نوعين ابيض واسمر

وبعدين تختارين مكونات الصمونه الاساسيه (دياي، تركي، بيبروني، لحم،الخ) والسلطه بعد ممكن تطلبينها

بعدين المحطه الثانيه تختارين الاضافات من خس وطماط ومخلل وفلفل والصلصات للصمونه والسلطه

وحاطين ركن للشبس فيه انواع حلوه وغريبه

وركن للعصير والمشروبات الغازيه

والمحطه الاخيره الكاشير وحاطين جم نوع سلطه صغيره وكوكيز


20120206-154015.jpg

20120206-154020.jpg

20120206-154030.jpg

20120206-154041.jpg

20120206-154048.jpg

 

هذا طلبي

كلوبي ساندويش بالخبز الابيض (تركي مدخن ولحم بتيلو) مع كل الاضافات بدون ماسترد

سلطه اب تاون

ميلك شيك فراوله

شيبس بنكهه الجبن والبصل

20120206-154057.jpg

 

سلطه الاب تاون سلطه غريبه فيها خس و دياي وتفاح اخضر وعنب وتوت بري مجفف وجوز محلى وبلوشيز

اخترت صلصه الثاوزند ايلند والبلسميك

كانت السلطه حلوه عجبتني غريبه وقالي الموظف اهناك ان هذي السلطه الاكثر مبيعا

 20120206-154149.jpg

20120206-154205.jpg

ميلك شيك فراوله لذيييذ لازم تجربونه

20120206-154210.jpg

%d bloggers like this: