Tag Archives: soho

The Breakfast Club Soho الريوق في بريكفاست كلوب لندن

29 Apr

DSC04761the breakfast club

مطعم ذا بريكفاست كلوب مشهور للريوق في لندن

اعتقد يعتبر من اشهر مطاعم الريوق اهناك

زرناه عال٩ الصبح يوم العطله وانصدمنا بالطاااابور اللي بره

انا شخصيا ما انتظر حق مطعم اكثر من نص ساعه

لكن قلت لازم اجربه لان صدف اكثر من سفره نوصل له ويطلع زحمه ونمشي

هل المره قلت ننطر طولت النطره ساعه وربع بالبرد 😦

ودك بنص النطره تمشي وبعدين تتحسف عالوقت اللي نطرته وتقنع نفسك ان يلا اصبر شوي

كل اللي ينتظرون كانوا سياح قارين عنه ببرامج الاكل مثلنا

DSC04728the breakfast club

DSC04749the breakfast club

كابتشينو

DSC04734the breakfast club

قعدونا على طاوله وحده مشاركة مع ناس ثانيين رضينا فيها بعد نطره ساعه

DSC04750the breakfast club

DSC04735the breakfast club

DSC04758the breakfast club

طلبت البيض البندكت مع الافوكادو بدون لحم

كان الطبق حلو لكن مايستحق كل هالنطره

مطاعم الكويت تطقه ١٠ صفر

DSC04760the breakfast club

وهذا الريوق الانجليزي بانكيك وبيض مقلي ومشروم ونقانق من الخضار

عادي

مع كوب كابتشينو

DSC04732the breakfast club

هل يسوا النطره؟

لا طبعا

ممكن اكرر الزياره له اذا مافي انتظار

ويقدم اطباق البيض لكن نفسها متوفره بمطاعمنا بالكويت

Chinatown London المدينة الصينية في لندن

28 Apr

DSC04773the breakfast club

DSC04770the breakfast club

المدينة الصينيه في لندن

موجوده في سوهو فيها مطاعم صينية وسوبرماركت كله شغل الصينيين

ومخابز ومحلات اعشاب صينية

حلو الواحد يتمشى فيها ممكن تاخذون من مخابزها كيك واللي حاب يتعشى فيها صيني

DSC04768the breakfast club

DSC04763the breakfast club

DSC04776the breakfast club

DSC04777the breakfast club

DSC04778the breakfast club

IMG_7647the breakfast club

محل بيك يبيعون ايس كريم الشاي الاخضر ببسكوت او كيك على شكل تاياكي او سمجه

تلاقونه باخر المدينه بجانب ام اند امز وورلد

Oliver Maki تجربتي لمطعم ماكي في لندن

27 Jan

DSC_1003maki

DSC_0991maki

مطعم ماكي من اول المطاعم اليابانيه اللي انشهرت بالكويت

وقدموا لنا اطباق السوشي بنكهه تناسب ذوقنا الخليجي صار لهم اكثر من ١٠ سنين

وحاليا عندهم فرع في لندن

كانت لي زياره ل لندن قبل فتره بسيطه وكلمنا اصدقائنا عائلة ماكي ان لازم في فترة زيارتي اجرب شغلكم مايصير ارد الكويت وماجرب فرعهم في لندن

الى الان ما افتحوا المطعم لكن ماقصروا قدموا لنا من اطباقهم المشهوره لكن بشكل يختلف عن فروعهم بالكويت

المطعم في لندن في منطقه سوهو وبالتحديد في شارع دين

الشارع متروس مطاعم وحلو للتمشي

ومطعم ماكي كان طابقين قعدنا بالطابق العلوي

DSC_1006maki

كالعادة الديكور راقي ونفس اجواء ماكي والخدمة ممتازه مع ان لي الحين ما افتحوا

DSC_1012maki

Spicy Edamame

الادمامي السبايسي طبق موفق نبدا فيه

DSC_1013maki

Crispy Salad

سلطة الكرسبي نفس اللي بفرع الكويت لكن بشكل ثاني وطعم ألذ

DSC_1031maki

Fried Oysters

محار مقلي كان حامض ولذيذ

DSC_1039maki

DSC_1026maki

Filo Prawns Tempura

ربيان مقلي كرنشي وخفيف

DSC_1048maki

Chicken Plum Sauce

دياي بصلصه سويت واايد ترف وجوسي كان جدا لذيذ

DSC_1041maki

DSC_1081maki

Kaifii Maki

وبما ان احنا عندهم الشيف طلع لنا كيفي ماكي اللي سووه لنا باسمنا من قبل ٣ سنوات

اللي ماجربه لازم يجرب كيفي ماكي تلاقونه بكل الفروع 🙂

وهذا رابط عن الطبق كيفي ماكي

DSC_1068maki

Essa Maki

وهذا عيسى ماكي المشهور لكن بالشكل اللندني 🙂

DSC_1051maki

Kappa Zume

DSC_1083maki

Tartufo Yaki Udon

اودون اهو نوع متين من النودلز مع الفقع والمشروم

DSC_1093maki

Tiramisu

وختمناها بحلو التيراميسو الخفييف

DSC_1094maki

الصراحة كانت زياره ممتعه ولذيذه

ومكان ماكي وايد حلو في سوهو اصلا لندن بكبرها حلوة وكلشي فيها حلو

اشكر ماكي عالضيافه واتوقع لهم نجاح قوي في فرعهم بلندن

راح يفتح في شهر فبراير رسمي يعني احتمال عالاسبوع الياي

ممكن تتابعون حسابهم الانستغرام وتشوفون اذا افتحوا ويستقبلون الزباين

olivermakiuk

اذا رحتوا لندن انصحكم بغدا او عشا في ماكي اهناك 🙂

www.olivermaki.co.uk

www.olivermaki.com

%d bloggers like this: