مطعم سوسايتي
هو مطعم له الطابع الاوروبي
الاكل اللي يقدمه متنوع لجميع الاذواق
للريوق عندهم انواع كثيره من البيض والوافلز وغيره
وللغدا والعشا عندهم مقبلات وسلطات وباستات وبرغرز وبيتزا وستيكات
وعندهم اطباق حلو متنوعة
المينو عندهم على شكل مجلة وفيها صور كل الاطباق وهذي المجلة تاخذونها معاكم للبيت
وكل ٣ او ٤ شهور ينزلون مجلة جديدة فيها اطباق جديدة تتناسب مع الهبة الجديدة بالكويت
يعني اطباقهم فيها تجديد كل جم شهر وهذا شي حلو
ارسلوا لنا دعوة لتجربته في مجمع ليفلز في المهبولة
جربنا نوعين من الكوكتيل
الازرق كان الالكتريك طعمه حامض ليمون
الوردي كان برتقال مع فراولة كان جيد
المقبلات ربيان بالليمون
لذيذ
سلطه سوسايتي
لذييييذة فيها فراولة وتوت وبرتقال وجوز والخس مع جبن فيتا
والألذ الصلصة رازبيري فينيغريت
حامضة حلوه لازم تجربون السلطة
لازانيا لحم كانت دمااار وايد حلوه بس دسمة
تندرلوين ستيك مع صلصة المشروم
طلبناه ميديوم ويل وصل لنا ويل دن
فكانت ناشفة شوي بس من ناحية الطعم حلوة
كان ودرنا نجرب الحلو بس شبعنا مافي مكان للحلو 🙂
عندهم شيزكيك وبودينغ وشغلات حلوة
مطعم سوسايتي يقدم اكل متنوع يناسب ذوق الكل
والتقديم مثل ماشفتوا بالصور مرتب وراقي
واسعارهم مثل باقي المطاعم الايطالية بالمجمعات
يستاهل الواحد يجربه
موجودين في مجمع ليفلز في المهبوله على البحر
22399322
مشكورين عالدعوة