Tag Archives: technology

الاعلان الرسمي للجالكسي اس ٤ معلومات كاملة عنه بالصور والفيديو ومقارنة مع الجالكسي اس ٣

15 Mar

Official-Samsung-Galaxy-S-IV1 Samsung-Galaxy-S-IV-rear1

تم الاعلان الرسمي عن جالكسي اس ٤ قبل ساعات قليله

من قبل شركة سامسونغ في مؤتمرها بنيويورك

الجهاز سوف يكون متوفر بالاسواق في تاريخ ٢٦ ابريل ل ١٥٥ دوله بالعالم

السعر المتوقع للجهاز ٢٠٦ دينار كويتي لكن ممكن وقت نزوله الاسواق يختلف السعر قليلا

وهذي صور شكل الجهاز الجديد

Galaxy S4

galaxy-s4-vs-galaxy-s3

في هذا البوست بقارن بين الجالكسي اس ٣ والجالكسي اس ٤

وهذي المواصفات الرسمية من شركة سامسونغ

اللي عاليمين اهو اس ٣ واليسار اس ٤

galaxy-s4-vs-galaxy-s3-4

اول شي الحجم

شاشة جالكسي اس ٤ حجمها ٥ انش

اكبر من اس ٣ بقليل

ووضوح الشاشة اقوى من اس ٣

galaxy-s4-vs-galaxy-s3-3

وهذي مقاسات الجهازين

الجالكسي اس ٤ انحف من اس ٣

لكن نفس الطول

galaxy-s4-vs-galaxy-s3-8

من ناحية الوزن جالكسي اس ٤ اخف وزن من اس ٣

galaxy-s4-vs-galaxy-s3-2

المعالج للجهاز يأتي نوعين منه الاول لامريكا والثاني للعالم

المعالج للجالكسي اس ٤ افضل واقوى من السابق

galaxy-s4-vs-galaxy-s3-6

الرام لامريكا نفسه الحالي ٢ غيغا

لكن في جالكسي اس ٤ اللي سوف يصدر للعالم بيكون ٢ غيغا للكل مو بس لامريكا من اس ٣

galaxy-s4-vs-galaxy-s3-7

سعة التخزين نفس الشي مافي اي اختلاف

يأتي بثلاث سعات ١٦ و ٣٢ و٦٤ غيغا

galaxy-s4-vs-galaxy-s3-9

سرعة الوايرليس نفسها

galaxy-s4-vs-galaxy-s3-0

البطارية افضل من السابق

galaxy-s4-vs-galaxy-s3-1

الكاميرا للجالكسي اس ٤ اقوى واوضح من السابق

١٣ ميغا بكسل والامامية ٢ ميغا

galaxy-s-4

يعتبر الجالكسي اس ٤ افضل جهاز نزل للجالكسي

شاشة اكبر وسرعته افضل وكاميرته اقوى

لكن اللي عنده جالكسي اس ٣ يقدر يكتفي فيه

لان الجالكسي اس ٤ مافيه مواصفات تختلف عن الاس ٣ اللي تخلي الواحد انه يشتريه

تاريخ نزوله الاسواق في ٢٦ ابريل

ومتوقع سعره التقريبي ٢٠٦ دينار كويتي

فيديو عن الجالكسي اس ٤

يوتيوب

المصادر

١ و ٢ و ٣

Kaifii App طريقة استخدام برنامج كيفي عالايفون والجلكسي

6 Jan

IMG_7654 copyبرنامج مدونة كيفي متوفر للتنزيل عالاب ستور والغوغل بلاي ستور

توصلني مسجات كثيره من الناس انهم مايعرفون يستخدمون البرنامج

راح احط لكم تفاصيل البرنامج بالصور لتسهيل الشرح لكم

اول ما تنزلون البرنامج من الاب ستور

Apple App Store

ايفون – ايباد – ايبود – اضغط هنا 

او من الغوغل بلاي ستور

Google Play Store

جلكسي – سامسونغ – اندرويد – اضغط هنا

Image 1-6-13 at 4.14 PM

الايقونه الاولى الموجهه لها السهم

فيها مواضيعنا تتحدث اول بأول كل نص ساعة

Refresh واذا علق عندكم وماتحدث اضغطوا عالسهم المدور

 اللي بالزاويه فوق

Image 1-6-13 at 4.15 PM

ثاني ايقونة فيها صفحة الاعلانات والتقارير

نزلوا بالصفحه تحت يطلع لكم عدة اقسام

مثل قسم المطاعم وقسم الحلويات وقسم المعارض والفعاليات وقسم السفر

Image 1-6-13 at 4.16 PM

هذا قسم المطاعم موجود بنفس ايقونة الاعلانات بس تنزلون تحت

واذا دخلتوا قسم المطاعم شكله يكون الصوره اللي بعدها

Image 1-6-13 at 4.18 PM

هذا داخل قسم المطاعم

لاحظوا احنا لي الحين بالايقونة رقم ٢ ايقونة الاعلانات

في القسم روابط لجميع المطاعم اللي زرتها

بس اضغط على رابط اي مطعم تبيه ويوديك الى صفحه الموضوع

Image 1-6-13 at 4.18 PM

بنفس الايقونة الثانيه

انزل تحت وراح تلاقي قسم السفر

وفيه تقارير سفراتي لمكه ودبي وباريس و برشلونه ممكن تستفيدون من المعلومات اذا سافرتوا لهم

ونفس الطريقه اضغط على اي رابط لاي موضوع يعجبك يوديك الى التقرير

Image 1-6-13 at 4.20 PM

الايقونة الثالثه هي الانستغرام

فيه صفحتي الخاصة بالانستغرام متجدده اول بأول وممكن اذا علق تضغط عالسهم المدور فوق للتحديث

والسهم الثاني فوق يأشر على حساب علي الشهاب بالانستغرام

هو صاحب مدونة كيفي ممكن تتابعون صوره

Image 1-6-13 at 4.20 PM

الايقونه الرابعة هي التويتر

فيه تغريداتي

Image 1-6-13 at 4.21 PM

More والايقونه الخامسه

فيها حساب المدونة في الفيس بوك

Email us و لارسال ايميل يوصلنا عن طريق الضغط على

هذا ببساطه طريقه استخدام وتصفح برنامج كيفي عالايفون

ونفس الطريقه للجلكسي والاندرويد

Image 1-6-13 at 4.05 PM

وهذا شكل البرنامج في الايباد

نفس طريقه الايفون والجلكسي اللي شرحتها فوق

Image 1-6-13 at 4.04 PM

قسم الاعلانات والتقارير

Image 1-6-13 at 4.09 PM

قسم الانستغرام

Image 1-6-13 at 4.06 PM

قسم مراسلتنا والفيس بوك والتويتر

اتمنى وصلت المعلومة للي مايعرف يتصفح البرنامج

لتنزيل البرنامج اضغط على الستور الخاص بتلفونك

apple

playandroid

سامسونغ نزلت اليوم فيديوين لمحاربه مُشتري الايفون

26 Sep

يوتيوب

يوتيوب

احس حركه غبيه من شركه كبيره مثل سامسونغ انها تسخر من شركه منافسه لها مثل ابل 

يعني مايحتاج الواحد يتطنز عشان يبين انه جهازه افضل

خلوا الناس او المبيعات تقرر 

iOS6 نزل التحديث الجديد رسميا للايفون والايباد والايبود

19 Sep

نزل قبل قليل التحديث الجديد من شركه ابل رسميا

للايفون والايباد والايبود

الاي او اس ٦

هذا التحديث في ٢٠٠ خاصيه جديده بالنظام

منها خرائط ابل وسيري افضل وفيس بوك احدث ولسته طويله

من الشغلات الجديده

تقدرون تنزلونه من الايتونز او اذا عندكم الايكلاود تنزلونه دايركت منه

على جهازكم

الجيل الخامس من الايبود وجديد شركه ابل

14 Sep

شركه ابل اعلنت عن مجموعه جديده من الايبود

منها التاتش والنانو والشفل

كلهم اشكالهم جديده والوانهم مختلفه وجذابه

iPod Touch

الجيل الخامس من الايبود تاتش

شاشته اكبر حجمها ٤ انش

مع معالج اقوى من جهاز الايبود السابق

وكاميرا اوضح ٥ ميغا بكسل

وفيه نظام الاي او اس ٦ الجديد

ووزنه اخف من الجهاز السابق

ومتوفر منه ٦ الوان جذابه وحلوه

في منه حجمين للتخزين

٣٢ غيغا ب ٨٤ دينار

٦٤ غيغا ب ١١٢ دينار

iPod Nano

الايبود نانو شكله جديد كليا عن السابق

فيه شاشه لمس

وفيه برنامج البلوتوث

وبرنامج النايكي للرياضه

Engraving ممكن تكتبون على الايبود نانو اي جمله تبونها مثل الايباد

حجم التخزين ١٦ غيغا وسعره ٤٢ دينار كويتي

ومتوفر منه ٨ الوان

iPod Shuffle

الايبود شفل

صغير بالحجم ويشيل مئات من ملفات الصوت

حجم تخزينه ٢ غيغا

وممكن يتكلم معاك بضغطه زر يقول لك اسم الاغنيه او المقطع او كم باقي في البطاريه

متوفر منه ٨ الوان

وسعر الجهاز ١٤ دينار فقط

هذي كانت من اجهزه ابل الجديده اللي اعلنوا عنها بالمؤتمر

apple.com

Apple Keynote 2012 الفيديو الكامل لمؤتمر ابل

13 Sep

هذا الفيديو الكامل لمؤتمر شركه ابل اللي انعقد بالامس

Youtube

فيديو ايفون ٥ الرسمي من شركه ابل

12 Sep

يوتيوب

مقارنه بين ايفون ٥ وايفون ٤ اس رسميا من شركه ابل

12 Sep

هذي مقارنه بين الايفون ٥ والايفون ٤ اس من موقع ابل الرسمي

والصور مأخوذه من موقع ابل الرسمي

الايفون الجديد اطول وانحف واخف بالوزن من الموديلات السابقه

ومتوفر بلونين الابيض بالسلفر

والاسود بالكامل

شريحه التلفون المستخدمه في الايفون ٥ بحجم جديد واصغر من السابق

اهي نانو سيم كارد

يعني اللي عنده ايفون ٤ اس السيم كارد مايكرو لازم ياخذ سيم كارد جديده بحجم اصغر من شركات الاتصالات

ليركب بالايفون الجديد

الكاميرا الخلفيه نفس الايفون ٤ اس ٨ ميغا بكسل

لكن الكاميرا الاماميه افضل من الايفون ٤ اس واوضح

شكل سماعات الاذن جديد عن السابق

ويأتي معاها حقيبه للسفر والتخزين

شاحن الكهرباء حجمه صغييير ٨٠٪ اصغر من السابق

اسمه لايتنينغ

لا تحاتون اجهزتكم القديمه اللي فيها حجم الشاحن كبير

شركه ابل موفره اكسسوارات تركب عالاجهزه القديمه

لتوافق حجم الشاحن الجديد الصغير بسعر ١٠ دنانير

وسعر الايفون ٥ نفس سعر الايفون ٤ اس بالسابق

www.apple.com

iPad Mini شكل الايباد ميني

28 Aug

هذا شكل الايباد الميني المتوقع

حجمه اصغر من الايباد العادي

وراح ينزل في ١٢ سبتمبر مع الايفون ٥

او ممكن يتاجل الى شهر اكتوبر

المصدر

فيديو: مقارنه ايفون ٥ مع جالكسي اس ٣

21 Aug

هذا فيديو يقارن شكل الايفون ٥ المتوقع مع الجالكسي اس ٣

يوتيوب

وهذا فيديو ثاني يقارن شكل الايفون ٥ بحجم انحف مع الجالكس اس ٣

مع ان اعتقد الايفون ٥ راح يكون شكله مثل الفيديو الاول

يوتيوب

ملينا من الاشاعات يلا خل ينزل الايفون ويفكونا

فيديو جهاز الايفون والغالكسي تم سحبهم خلف سياره

11 Aug

هذا واحد قام بتجربه على جهاز الايفون ٤ اس  والغالكسي  ا س٣

قام بربطهم خلف سياره وسحبهم على القار

لتجربه منو شاشته اقوى بالتحمل للصدمات والخدوش

تتوقعون اي جهاز فاز؟؟

يوتيوب

يعورون القلب الاجهزه يدد من العلبه حساااافه وقام شخلهم

معلومات مسربه : مقارنه بين شاشه الايفون ٥ والايفون ٤ اس

5 Aug

هذي مقارنه بين شاشه الايفون ٥ وايفون ٤ اس

تم تسريبها من مصنع ابل

الايفون ٥ شاشته اطول من ال ٤ اس  وصار حجم الشاشه ٤ بوصات تقريبا

و العرض نفسه ماتغير

ونوع الشاشه للايفون ٥ مقاوم للخدش بعكس ٤ اس

والشاشه انحف من ال٤ اس

والكاميرا الاماميه صارت بمنتصف الجهاز بعد ما كانت على جنب

وزر الهوم حجمها اصغر من ال ٤ اس

يوتيوب

المصدر

الكل مستعجل عالجهاز وانا اقول ننطر ونشوف

اللي بالجدر يطلعه الملاس

Strata ساعه اليد الرياضيه الذكيه للايفون والاندرويد

31 Jul

ساعه ستراتا هي ساعه رياضيه ذكيه

تشبك بالايفون والاندرويد عن طريق البلوتوث

تشاهد من المتصل وتستقبل الرسائل والايميلات وتتابع الفيس بوك والتويتر وحاله الطقس

وتتابع عمليه الحرق والسعرات الحراريه والمسافه المقطوعه بالرياضه

وتتحكم بالموسيقى والمنبه

مصنوعه من البلاستيك والتيتانيوم والستانليس ستيل

 خفيه بالوزن وقويه التحمل ومقاومه للماء ومريحه باللبس

وشحن البطاريه بالكهرباء وتظل اسبوع

الحلو بالموضوع هزه بسيطه من الساعه ونظره سريعه عليها تعرف من المتصل ومنو طرش لج مسج

او ايميل او تغريده مايحتاج البحث بالتلفون اثناء الرياضه والجري

سعر الساعه حوالي ٥٠ دينار كويتي

راح تنزل بالاسواق شهر ١١

يوتيوب

المصدر والطلب

ماذا لو اجتمع الايفون والغالكسي في جهاز واحد ؟

6 Jul

iSung Galaxy 5

تخيلوا تجتمع افضل المواصفات من جهاز السامسونغ غالكسي اس ٣ والايفون ٥

بجهاز واحد يسمونه اي سونغ

راح يطلع لنا جهاز عجييييب

هذا فيديو يوضح المميزات الافتراضيه

يوتيوب

المصدر

Mini iPad الايباد بحجم الميني

4 Jul

من الاخبار المسربه من شركه ابل

ان شركه ابل ناويه تنزل ايباد جديد بحجم اصغر من الايباد العادي

حجم شاشته تتراوح من ٧ الى ٨ بوصات

وبهذا ناويه تنافس ال نيكسس ٧ بالسوق

هذا الايباد شاشته راح تكون ارخص واقل كواليتي من شاشه الايباد الجديد

وبهذا سعره راح يكون ارخص وبنفس الوقت ربح شركه ابل راح يكون اعلى

سعر الايباد الميني يتراوح بين ٧٠ – ٨٥ دينار

ومتوقع نزوله الاسواق في نهايه هذي السنه على شهر ١٠

المصدر

Google Glass نظارات غوغل متوفره حاليا للطلب

1 Jul

تذكرون نظارات غوغل اللي كتبت عنها قبل جم شهر

موضعي السابق

وقلنا ممكن الموضوع بكبره يكون حلم

لكن شركه غوغل اكدت الموضوع

والنظاره متوفره حاليا للطلب والتجربه بسعر ٥٠٠ دينار للنظاره

استلام النظاره راح يكون السنه اليايه

لكن للاسف بس المطورين اللي بامريكا مفتوح لهم باب الطلب

بعد فتره راح يفتحون الباب للكل

Sky divingوهذا فيديو يبين تصوير النظاره بال

 !! المهم طلع موضوع النظاره صج

Youtube

المصدر

Mac Q8 مشروع شبابي كويتي لتصليح جميع الهواتف النقاله والكمبيوترات

19 Jun

MaCQ8

ورشة عمل كويتيه
متخصصه بتصليح جميع انواع الهواتف النقاله واجهزة الكمبيوتر
وجميع اكسسوارات الهواتف النقاله والكمبيوترات

نتميز ب

١-استلام الجهاز من المنزل
٢-دقه بالتصلبح
٣- كفاله على القطعه

شعارنا ثقه امانه سرعه

كويتي انفع

اللاستفسار :

TeL# 90060543

TeL# 60333471

E-mail : MaC.Q8@Me.com

صفحتهم بموقع اعلان كويتي

ملخص مؤتمر شركه ابل يونيو ٢٠١٢

12 Jun

امس الساعه ٨ مساءا بتوقيت الكويت

ابل عقدت مؤتمر لعرض جديدها

من الاشياء الجديده اللي اعلنت عنها شركه ابل

iOS 6  نظام

MacBook Pro New Retina

upgraded Siri

OS X Mountain Lion

نظام اي او اس٦

راح يكون متوفر للتنزيل عالاجهزه الايفون والايباد والايبود شهر ٩ هالسنه

من ٣ جي اس وطالع وايباد ٢ والجديد والايبود ٤

١. في هذا النظام ممكن تستخدمون الفيس تايم مو بس عالواي فاي

لكن على الانترنت ال ٣ جي اس

Photo Stream  ٢. وممكن تشاركون بصوركم لناس معينه انتوا تختارونهم عن طريق

٣. خرايط جديده بنظام دقيق تخليكم تستغنون عن خرايط غوغل

٤. سيري الان اكثر ذكاء وتجاوب بدقه اكبر

٥. فيس بوك داخل بنظام الايفون ممكن تشاركون بصوركم وفيديواتكم بضغطه زر وممكن تحدثون حسابكم الفيسبوك عن طريق السيري

٦. باس كود ممكن تحفظون تذكره الطياره او كروت الخصومات والكوبونات او تذكرتكم السينما بجهازكم الايفون وتطلع لكم المعلومات بضغطه زر

٧. المكالمات متوفره لها خيارات اكثر ممكن تردون عالشخص لاحقا او بزر تردون عليهم برساله او تمنعون اي اتصال الا  قائمه المفضله

٨. الايميل افضل من السابق واسرع وادق

٩. السفاري ممكن يحفظ صفحات كامله من الويب للتصفح لاحقا بدون انترنت اوف لاين

١٠. مميزات لذوي الاحتياجات الخاصه

MacBook Pro

نزلت شركه ابل مجموعه ماك بوك برو الجديده

وقالوا يعتبر هذا الكمبيوتر اقوى جهاز في تاريخ شركه ابل

وضوح الشاشه قوي جدا جدا لدرجه ان الصور تكون قمه في الوضوح لم تحدث من قبل

الماك بوك برو الجديد انحف من القديم ب ٢٥٪ واخف بالوزن

ومقارنه الماك بوك برو الجديد بالماك اير تقريبا مافي فرق في النحافه

سرعه الجهاز الجديد سريعه جدا اسرع جهاز بتاريخ ابل

3.6 GHz سرعه التيربو تصل الي

quad core intel core i7 with 6 MB of shared L3 cache

نظام التشغيل للكمبيوتر او اس اكس ليون

راح ينزل بالسوق شهر ٧ و بسعر ٧ دنانير

فيه اكثر من ٢٠٠ خاصيه جديده بالنظام

هذا بشكل مختصر كل اللي صار في المؤتمر لشركه ابل

للاسف ماكو شي عن الايفون ٥

ماكو الا ننطر شهر ١٠ ان شاء الله

المصدر

Tidy Tilt كفر الايفون الذكي متوفر حاليا بالكويت

7 Jun

كفر الايفون الذكي تايدي تيلت للايفون ٤ و ٤ اس

متوفر حاليا بالكويت ب ٤ الوان

سعر الحبه ٢٠ دينار

TidyTilt smart iPhone 4 /4S  covers are Available now in Kuwait @ KD20 per TidyTilt they come in Blue / Green / Black /Pink.

Be among the first globally to own one. We are taking Orders through:

Phone /Whatsapp: 94019832

Instagram:  @TidyTiltKuwait

Facebook Page: www.facebook.com/TidyTilt.Kuwait

check out this video about the smart cover

Smart Dot قطعه ليزر وتحكم للايفون

19 Apr

شركه تانغرام نزلت قطعه للايفون

Smart Dot

تستخدم كجهاز ليزر للمحاضرات والبروجكتس

القطعه تركب في فتحه السماعه للايفون

وماتحتاج الى بطاريات او شحن

 تطلع ليرز للتركيز على نقطه معينه على شاشه البروجكت

وبنفس الوقت ممكن الواحد يتحكم ببرنامج البوربوينت ويتصفح السلايدز

السمارت دوت في منها شكلين واحد على قلم وطرفه الثاني ممكن يستخدم عالايباد والايفون

والشكل الثاني على علاقه تتعلق بالجنطه او بالمفاتيح

شكلهم وايد حلو وينفعون حق رجال الاعمال او المدرسين اللي يستخدمون البوربوينت للمحاضرات

سعرها حوالي ب ٢٠ دينار

هذا الفيديو يوضح طريقه عملها بشكل افضل

يوتيوب

المصدر

%d bloggers like this: